Actualitats
Atencion al cambiament orari
Un còp de mai, dins la nuèch de dissabte a dimenge, nos fan retardar d’una ora nòstres relòtges e mòstras per intrar dins l’orari d’ivèrn
Un còp de mai, nos fan retardar d’una ora nòstres relòtges e mòstras per intrar dins l’orari d’ivèrn. Aital, a tres oras del matin d’aqueste dimenge 30 d’octòbre, òm serà tornarmai a doas oras. Aquò permet d’aprofechar las oras de solelh del matin e aital d’estalviar d’energia, çò dison.
Las mòstras e los relòtges se mòvon a l’encòp gaireben dins tota Euròpa. Comencèt de se far a partir de la crisi del petròli de 1974, quand qualques païses decidiguèron de cambiar l’orari per aprofechar la lutz del solelh e consumar mens d’electricitat. Dempuèi 1981 aquel cambiament orari es una nòrma de l’Union Europèa.
Amb aquesta practica, l’ora oficiala es en estiu de doas oras de mai que l’ora solara, mentre qu’en ivèrn es d’una ora de mai.
Una ora de mai a las Illas Balearas e al País Valencian
Ça que la, lo Parlament de las Illas Balearas aprovèt dimars una declaracion institucionala que demanda al govèrn espanhòl que càmbie pas l’ora. L’iniciativa, prepausada pel grop Més per Menorca e qu’a lo sosten de totes los grops del Parlament Balear, remarca que lo cambiament orari fa pèrdre una ora de solelh de ser, e vòl mantenir l’orari d’estiu pendent tota l’annada.
“La lutz solara es essenciala per nòstra santat e nòstre estat d’esperit”, çò dison los membres de la plataforma Illas amb claror, qu’es a l’iniciativa del projècte.
Tanben o a demandat lo Parlament del País Valencian, segon çò que rapòrta VilaWeb.
Las mòstras e los relòtges se mòvon a l’encòp gaireben dins tota Euròpa. Comencèt de se far a partir de la crisi del petròli de 1974, quand qualques païses decidiguèron de cambiar l’orari per aprofechar la lutz del solelh e consumar mens d’electricitat. Dempuèi 1981 aquel cambiament orari es una nòrma de l’Union Europèa.
Amb aquesta practica, l’ora oficiala es en estiu de doas oras de mai que l’ora solara, mentre qu’en ivèrn es d’una ora de mai.
Una ora de mai a las Illas Balearas e al País Valencian
Ça que la, lo Parlament de las Illas Balearas aprovèt dimars una declaracion institucionala que demanda al govèrn espanhòl que càmbie pas l’ora. L’iniciativa, prepausada pel grop Més per Menorca e qu’a lo sosten de totes los grops del Parlament Balear, remarca que lo cambiament orari fa pèrdre una ora de solelh de ser, e vòl mantenir l’orari d’estiu pendent tota l’annada.
“La lutz solara es essenciala per nòstra santat e nòstre estat d’esperit”, çò dison los membres de la plataforma Illas amb claror, qu’es a l’iniciativa del projècte.
Tanben o a demandat lo Parlament del País Valencian, segon çò que rapòrta VilaWeb.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quora la Catalonha serà independenta, aurà pas besonh de cambiar d'orari. Serà la libertat, per fin!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari