CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 22 d'agost

Actualitats

Dijòus, 3 de novembre de 2016, 03h00 Politica,Internacional

Las dètz guèrras que poirián esclatar un còp liberat Mossol

La desbranda de l’autoproclamat Estat Islamic pòt reviscolar de conflictes classics irresolguts o quitament provocar una mena de Tresena Guèrra Mondiala


Comentaris 3 comentaris    
Marrit Flac Bon Plan bon Fabulós (2 vòtes)
carregant En cargar


L’operacion a Mossol de las fòrças iraquianas e de sos aliats peshmergas, e tanben de la coalicion internacionala menada pels Estats Units, per prene lo contraròtle de l’autoproclamat Estat Islamic, poiriá anientar aqueste en Iraq, e per tant serà mai aisit de lo combatre en Siria. Ara, degun sap pas çò que se passarà en Siria quand aurà desaparegut l’Estat Islamic. Per aquela rason VilaWeb prepausa un rapòrt sus las dètz possiblas guèrras que, segon los expèrts, poirián esclatar après l’avaliment dels jihadistas.


1. Curds contra arabis (e turcs)
 
Los soldats curds, tant de la region autonòma d’Iraq coma de Rojava dins l’estat sirian, son estats en primièra linha del combat contra l’Estat Islamic, e los mai eficaces. Gràcias a aquò an meritat lo sosten internacional, mai que mai, dels Estats Units, que vei pas d’un marrit uèlh l’idèa d’un estat independent curd, almens dins la zòna iraquiana. Israèl tanben o sosten.
 
La region curda autonòma d’Iraq es ja, de facto, un estat independent, quitament amb son armada pròpria que participa d’una manièra remarcada a la liberacion de Mossol. Qualques caps politics curds considèran qu’après la desfacha de l’Estat Islamic, cal metre l'independéncia de Curdistan sus la taula. Mas aquò poiriá desencadenar una nòva guèrra, entre los curds e los arabis, amb l’ajuda de Turquia.
 
 
2.Turquia contra los curds de Siria
 
Tre que las tropas turcas intrèron en Siria, se vegèt pro clar que luchavan pas solament contra l’Estat Islamic, mas tanben contra los curds. Per Turquia es fòrça important d’empedir la consolidacion de zònas independentas curdas en Iraq o en Siria, per n’empachar la contagion sul territòri curd que l’estat turc ocupa e reprimís.
 
 
3. Los curds de Siria contra lo govèrn de Siria
 
Aquela guèrra comencèt fa longtemps, mas l’ofensiva contra Estat l’Islamic l’a mesa a un segond plan e i a agut quitament d'episòdis fòrça concrets de collaboracion. Quand l’Estat Islamic serà desfach, lo govèrn de Siria ensajarà de recuperar lo contraròtle de tot lo territòri e doncas farà la guèrra contra las regions autonòmas curdas de Rojava.
 
Sus aquel possible conflicte, cal prene en compte que dins la zòna i a de petitas unitats de l’armada estatsunidenca que sostenon e entraïnan la guerrilha curda de l’YPJ. Amb l’aument de la retorica antiamericana en Turquia e lo raprochament de Turquia devèrs Russia, quin incident que foguèsse dins aquela zòna poiriá derivar rapidament devèrs un conflicte màger.
 
 
4. Los Estats Units contra lo govèrn de Siria (e Russia)
 
Potencialament es la guèrra pus perilhosa. Als Estats Units creis la volontat de crear una zòna d’exclusion aeriana en Siria per arrestar los bombardaments sus Alèp. Hillary Clinton a mes en evidéncia qu'es dispausada a prene aquela mesura. Mas aquò significariá l’afrontament dirècte entre los Estats Units e Russia, que son aviacion ajuda lo govèrn sirian. Qualques unes creson qu'aquò desencadenariá la Tresena Guèrra Mondiala.
 
 
5. Turquia contra Siria
 
Turquia es intrada en Siria per combatre l’Estat Islamic e tanben los curds. Mas se n’anarà? Istoricament, a tengut de contencioses territorials importants amb Siria e es de bon pensar que voldrà tornar dessenhar la frontièra actuala mai al sud, en aprofechant la feblesa del govèrn sirian.
 
De fach, Siria reconeis pas oficialament l’annexion del sandjak d’Alexandreta, l’actuala província turca d’Hatay. Las mapas sirianas contunhan de mostrar aquel territòri coma un element de Siria del temps qu'en Turquia i a de grops que revendican una part de l’actual nòrd del país.
 
 
6. Los curds d’Iraq contra lo govèrn d’Iraq
 
Aquela possiblitat sosten que se poiriá debanar una version de l’afrontament entre curds e arabis mas circonscricha solament a Iraq. Totun, sembla fòrça malaisit qu’aquela possibilitat se passe sens contaminar Rojava e Siria.
 
La basa de l’afrontament seriá lo despartiment del territòri conquistat a l’autoproclamat Estat Islamic. Las fòrças curdas contraròtlan uèi de zònas largas de territòri que fan pas partida de la region autonòma curda mas que, dins fòrça cases, son pobladas per de curds. Lo govèrn iraquian reclama que tornen jol contraròtle de Bagdad, mas mentre que se ten la guèrra, ne fa pas una causa de confrontacion. Òr, quand la guèrra serà acabada, la situacion serà plan desparièra.
 
 
7. Los curds d’Iraq contra las milícias shiitas (e Iran)
 
Los curds se poirián s'afrontar al govèrn iraquian, mas se poirián tanben acarar a un enemic pas tant institucional, las milícias shiitas. Aquelas milícias, amb lo sosten d’Iran, an participat fòrça activament a la lucha de las darrièras setmanas contra l’Estat Islamic, en atacant pel sud mentre que los curds atacavan pel nòrd. E ja se son afrontats dirèctament, almens dins la batalha de Tuz Khurmatu.
 
En mai d’aquò, los curds d’Iran son tornats a la lucha armada, çò que logicament inquieta Teheran.
 
 
8. Curds contra curds
 
La division intèrna dels curds es importanta e ocasionèt una guèrra civila dins las annadas nonanta. De las doas faccions principalas dels curds d’Iraq, una defend d’establir un país unificat amb lo Rojava curd de Siria e l’autra non. Los desacòrdis poirián capitar mal.
 
 
9. Sunnitas contra chiitas
 
La lucha contra Estat Islamic a unit de sunnitas, de curds e de shiitas, que son anats liberant de vilas, sens prene en compte de quin grop èran. Pasmens, i a agut de denóncias d’abuses dins fòrça cases e es evident que las relacions entre los tres, mai que mai entre los dos grands blòcs arabis, son fòrça dificilas. La guèrra civila devastèt ja Iraq e es pas estada completament acabada, e doncas se poiriá reviscolar e tornar a desequilibrar lo país.
 
 
10. Las rèstas de l’autoproclamat Estada Islamic contra totes
 
La batalha per Mossol significa gaireben la destruccion de l’Estat Islamic, perque es la principala vila que ten encara. Mas en Siria las rèstas del grop se refugiaràn e defendràn a mòrt Raqqa, la capitala de lor autoproclamat califat. I intrar serà fòrça malaisit e seriá quitament possible qu'una de las autras nòu guèrras esclatèsse, çò que permetriá a l’ Estat Islamic de resistir mentre que sos enemics se destruson entre eles.



Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat
BANER1-2-3: DGPL AN LAFONT



Comentaris

5 de novembre 21.11h

L'Impei lo que vol es que sos mercenaris de l'EI sen vagen d'Irac e vajan a combatre a Síria contra lo govern d'aquel país reconegut per l'ONU. Mas a Síria los estan donant una palhissa e hi volen pas anar.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 de novembre 10.15h

Guerres? No sabem si n'hi haurà, però tot això. crec, que és dir massa.
La gent segons com està boixa (EI, govern de Síria, Rusos,etc ), però crec que molts no ho estan.
Si n'estan farts de guerra, segur que cercaran la Pau. Masa horrors. I si no es així i quelcom del que dieu és compleix, es que si que estan boixos.
La Pau es el millor.
Visca la Terra...Lliure!
L'Ernest, "El Tàrrega".


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

3 de novembre 07.48h

Quò poriàn declenchar de las guerras, segur mas quò se fara pas perque quò es un monde de patz qu'arrieba de pertot dins lo monde . La segonda rason quò es que la casta financiera que dominava la finança occidentala e d'aqui tots los governaments es demantelada. Quò explica perque i a tant de marasme dins las eleccions americanas coma dins lo monde politic en Franca.
Quò es la patz que voletz? E, ben i a pas d'autres moiens que de pensatz a un monde de patz e d'amor incondicional... Legir mai


Valoriza aqueste comentari:   votar positiu 2   votar negatiu 4
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • Omenatge a Aragon. © Franc Bardòu

    Omenatge a Aragon

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Barcelona

    Dictada occitana 2014

  • © Laurenç Revèst

    Castelar

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Valadas. © Xavi Gutiérrez Riu

    Valadas

  • Via. © Andrea Celauro

    País d'Aison (Val d'Estura)

  • Asuèlhs comengeses. © Franc Bardòu

    Asuèlhs Comengeses

  • © Franc Bardòu

    Catalonha etèrna

  • © Franc Bardòu

    Tresaurs andorrans

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • © Xavi Gutiérrez Riu

    31n rescontre occitanocatalan al Pòrt de Salau

  • Exposicion temporària sus Robèrt Lafont al CIRDOC (D.R.)

  • © Laurenç Revèst

    Montpelhièr: inauguracion de la granda exposicion patrimoniala "Max Roquèta, la libertat de l'imaginari"

  • © Aure Séguier

    Carnaval Biarnés 2017

  • Carnaval de Limós. © Franc Bardòu

    Carnaval de Limós 2013

  • © Franc Bardòu

    Asuèlhs de Lauragués

  • © Aure Séguier

    Carnaval Biarnés 2017

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


43%



37%



20%



0%




Vots 104 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)