Bandièra01 1180x150: País Invisible

Actualitats

Rugbi. Top 14: Agen e Lo Mont duas esquipas occitanas en dangèr

Los purmèirs punts a Perpinhan
Los purmèirs punts a Perpinhan | EG
Perpinhan 18-13 Baiona
 
Èra vertadèrament una partida enter dus esquipas de segonda partida deu classament. En purmèira tempsada, los catalans ne saburen pas tuar la partida davant los baionés qu’an hèit tròp de pecas. En dusau tempsada, los bascos dominèren sustot en mesclada. Mes dab dus cartons jaunes e tròp de veishugas perdudas en tocar ne poduren pas passar davant au planchòt.
 
 
Tolosa 62-13 Agen
 
Los agenés an pres l’aiga a Tolosa. Tròp d’imprecisions deu costat agenés dens lo jòc au pè, on an pres tres ensais sus las relanças tolosencas. Agen vengut dab una esquipa bis ne pòt pas tirar de leçons d’aquera partida. Benlèu una, qu’es important la setmana que vien de ganhar a casa contra Grenòble, senon atencion!
 
Tolon 42-12 Bègla-Bordèu
 
Lo planchòt pòt har pensar que i avèva sonque una esquipa suu terrenh mès los girondins venguts dab hòrt de joens an muishat de qualitat. Préner quaranta punts a Tolon serà benlèu lo minimum aquesta annada per las esquipas de segonda partida deu campionat.
 
 
Grenòble 52-7 Lo Mont
 
Vaquí la maishanta navèra de la jornada per una esquipa occitana. Los landés explosèren a tots los nivèus en país arpitan. Aquò es una partida que dèisha lo mau de cap un moment. Sustot que dissabte Clarmont arriba a Barbe d’Or. Felicitam los amics arpitans per aqueth començament de sason de grana qualitat.
 
Estadi Francés 20-20 Castras
 
Lo Top 14 es un campionat on tot va viste. La pròva l’Estadi Francés considerat, apuèi una bona purmèira jornada, com la bona suspresa sustot dab dus desplaçaments a Baiona e Grenòble on i avèva la plaça per ganhar punts. Au finau zèro punts e una recepcion contra Castras venguda dens l’idèa de cambiar los resultats de las annadas passadas. Castras, dab seishanta minutas seriosas, pensava har lo mei complicat mès l’indisciplina còsta cara. Un ensai a quate minutas de la fin aufrís un rempalh que contenta tot lo mond suu còp. Mes quin a perdut punts importants? Peu moment ic sabem pas.
 
 
Clarmont 13-12 Racing
 
Vaquí un bon punt de bonus defensiu peus parisencs. Los clarmontés comencèren plan la partida dab un ensai a la tresau minuta e apuèi lo Racing tornèt au planchòt dab quate penalitats. Mès Clarmont n’a pas perdut a casa desempush un moment. Lo Racing en quate jornadas a perdut contra dus deus favorits deu top 14 Tolon e Clarmont e pòt uei har dòu aqueths punts perduts.
 
 
Biàrritz 27-8 Montpelhièr
 
Èra una partida de començament de sason. Los montpelhierencs dominèren de faiçon generau mes perduren tròp de veishuga. A la tempsada lo 3 a 3 èra tamben ligat a la manca d’escaduda deu tustaire de Biàrrtitz, lo joen Barraqué. En dusau tempsada, com sovent en aqueth jòc, tot se joguèt sus la disciplina e los dus cartons jaunes montpelhierencs a las minutas 54 e 57 cambièren tot dab tres ensais en dotze minutas. Montpelhièr es una esquipa de las bonas e sus la darreira accion marquèren un ensai qu’a sortit los vascos deu punt de bonus ofensiu. A la fin de la sason, aqueth punt tendrà una grana valor.
 
 
 
   ClubsPts.jgrpdif
1  Tolon 18 4 4 0 0 52
2  Biàrritz 17 4 4 0 0 55
3  Tolosa 15 4 3 0 1 60
4  Clarmont 14 4 3 0 1 25
5   Grenòble 13 4 3 0 1 43
6  Castras 11 4 2 1 1 37
7   Racing 10 4 2 0 2 12
8  Montpelhièr 9 4 2 0 2 -13
9   Estadi Francés 6 4 1 1 2 -11
10  Baiona 6 4 1 0 3 -20
11   Perpinhan 6 4 1 0 3 -27
12  Bègla-Bordèu 5 4 1 0 3 -38
13  Agen 2 4 0 0 4 -76
14  Lo Mont 0 4 0 0 4 -99
 
 
Pro D2
 
Tot que va mau peus landés de Dacs. Son darrèirs dab 0 punts. N’an pas pas pres lo punt de bonus defensiu a Besièrs.
 
Lion s’arretroba second au classament mes dab dus punts ganhats a Briva se pòt considerar com l’esquipa a seguir dens las jornadas a venir.
 
Mès los lionés ne seran pas solets. Oyonnax, tanben, a los metjans per terminar purmèir dab un efectiu de qualitat. Orlhac es la bona suspresa mès ne saben pas s’an la capacitat dens lo temps per guardar la soa purmèira plaça.
 
 
Briva 19-19 Lion
Pau 22-19 Albi
Colomièrs 22-29 Orlhac
Ais de Provença 33-9 Aush
Narbona 18-13 La Ròchela
Carcassona 44-23 Massy
Besièrs 22-9 Dacs
Tarba 25-25 Oyonnax
 
 
1Orlhac 12 3 3 0 0 102 57 45
2Lion 11 3 2 1 0 112 46 66
3Oyonnax 11 3 2 1 0 87 43 44
4Carcassona 10 3 2 0 1 101 61 40
5Pau 8 3 2 0 1 53 56 -3
6Aush 8 3 2 0 1 63 72 -9
7La Rochèla 6 3 1 0 2 57 46 11
8Ais de Provença 6 3 1 0 2 70 72 -2
9Narbona 6 3 1 0 2 56 59 -3
10Colomièrs 6 3 1 0 2 71 76 -5
11Tarba 6 3 1 1 1 61 69 -8
12Briva 6 3 1 1 1 60 73 -13
13Albi 5 3 1 0 2 47 82 -35
14Besièrs 5 3 1 0 2 57 99 -42
15Massy 4 3 1 0 2 60 92 -32
16Dacs 0 3 0 0 3 31 85 -54
 
 


Eric Goyhenne

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article