Actualitats
Arudi: dimenjada consagrada a la creacion audiovisuala en occitan
Se ten aquesta dimenjada lo festenal de cinèma Clap de Lenga
Se ten a Arudi (Bearn) lo festenal de cinèma en occitan Clap de Lenga, coma ben o raportava La Setmana. L’eveniment, que comencèt ièr, se tendrà durant tota la dimenjada amb la tòca de far descobrir las produccions e las realizacions en lenga nòstra amb de projeccions de cortmetratges, de dessenhs animats, d’encontres professionals, de masterclasses, de talhièrs escolars, etc.
Ièr divendres, lo festenal aculhiguèt aperaquí 200 escolans venguts de divèrses collègis e licèus de pertot en Gasconha, que descobriguèron los mestièrs de l’audiovisual. Los escolans s’incièron al doblatge en occitan, a la television e a la realizacion de filmes amb lors telefòns mobils.
La jornada es uèi consagrada a las produccions multimèdias e al numeric occitanofòn.
Faràn ua presentacion de produccions multimèdias e del numeric occitan e i aurà un encontre entre realizaires per escambiar projèctes e idèas. Deman, la jornada començarà a 11h amb la difusion del dessenh animat Brendan e lo Secret de Kells de Tomm Moore, e puèi a 14h30 la projeccion d’un documentari sus Joan de Nadau.
Los jornalistas Joan-Nadau Commères de Ràdio País, e Clamenç Pech de La Setmana, son a cobrir tot l’eveniment, e doncas trobaretz mai d’informacions detalhadas sus aqueles mèdias.
Mai d’informacions sul sit web de l’eveniment.
Ièr divendres, lo festenal aculhiguèt aperaquí 200 escolans venguts de divèrses collègis e licèus de pertot en Gasconha, que descobriguèron los mestièrs de l’audiovisual. Los escolans s’incièron al doblatge en occitan, a la television e a la realizacion de filmes amb lors telefòns mobils.
La jornada es uèi consagrada a las produccions multimèdias e al numeric occitanofòn.
Faràn ua presentacion de produccions multimèdias e del numeric occitan e i aurà un encontre entre realizaires per escambiar projèctes e idèas. Deman, la jornada començarà a 11h amb la difusion del dessenh animat Brendan e lo Secret de Kells de Tomm Moore, e puèi a 14h30 la projeccion d’un documentari sus Joan de Nadau.
Los jornalistas Joan-Nadau Commères de Ràdio País, e Clamenç Pech de La Setmana, son a cobrir tot l’eveniment, e doncas trobaretz mai d’informacions detalhadas sus aqueles mèdias.
Mai d’informacions sul sit web de l’eveniment.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari