CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Actualitats

Dimars, 8 de novembre de 2016, 03h00 Societat,Cultura

Provença > Comtat Venaicin > Comtat Venaicin

Despartida de Jan-Marc Courbet, èx-baile del Felibritge e grand occitanista

Èra ben conegut a Bolena coma lo responsable del Centre de Documentacion Provençal e coma grand defensor de la lenga occitana. En junh passat presentèt sa traduccion de poèmas de Tagore


Comentaris 8 comentaris    
Marrit Flac Bon Plan bon Fabulós (7 vòtes)
carregant En cargar


Jan-Marc Courbet, èx-baile del Felibritge e grand occitanista, nos quitèt aquesta dimenjada passada a l’edat de 69 ans. Èra ben conegut a Bolena (Comtat Venaicin) coma lo responsable del Centre de Documentacion Provençal e coma grand defensor de la lenga occitana. En junh passat presentèt sa darrièra òbra, de poèmas de Rabindranath Tagore traduches en occitan de Provença. Sas funeralhas se tenon uèi a 14h30 a la collegiala Sant Martin de Bolena.
 
Nasquèt a Camaret d’Egues (Comtat Venaicin) en 1947 e dins sa vida professionala foguèt tecnician superior sul sit nuclear de Marcola. Coma militant de la lenga, foguèt nomenat Majorau dau Felibrige en 1999, e tenguèt la foncion de Baile dau Felibrige entre los ans 2006 e 2012. Lo Centre de Documentacion Provençal de Bolena, lo creèt fa mai de trenta ans amb l’associacion Parlaren [Parlarem, en grafia classica].
 
La FÈLCO a plangut especialament la despartida de Courbet. “Jan-Marc es estat un amic vertadièr, un òme d'una gentilesa, d'una umanitat, d'una dobertura non parièras. L'avèm vist luchar contra lo mal amb un coratge e una determinacion incresables, totjorn plen de projèctes. Se passava pas un mes sens que nos sonèsse per parlar de nòstre combat comun per la lenga. El qu'èra un dels rars non-ensenhaires del movement d'òc, èra totjorn interessat per las questions d'ensenhament”, çò ditz un comunicat de la Federacion dels ensenhaires d’occitan.

 


De legir sul blòg occitan de France 3: Jean-Marc Courbet se n'es anat.

Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat
BANER1-2-3: DGPL DICTADES



Comentaris

8 de novembre 18.30h

Una gran pèrdua per la Provença i tot Occitània. Presenti el meu condol a la seua gent i als seus amics.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

8 de novembre 18.10h

Torno de sas obsèquias a Bolèna, segùas per de centenas de personas. Gardo d'eu, e d'autres occitanistas amb ieu, lo record d'un ome umanament simpatic, dubèrt a totas las collaboracions dins l'accion per la lenga, per exemple las manifestacions unitàrias d'Anem oc. Un ome coratjos, tanben dins sa lonja locha contra la malatia.


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

8 de novembre 18.07h

Una granda perda, efectivament. Justament, uèi, ai trobat dins ma boita dei letras lo darrier n° de la revista dau Felibritge, qu'èra en granda part son òbra.
Devèm sobretot saludar son trabalh, per la quantitat coma per la qualitat, e per l'esperit de dubertura que mostrèt totjorn.
Adieu l'amic!


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

8 de novembre 15.47h

Sabi que i a doas grafias principalas per escriure l'occitan: la grafia clasica o alibertina e la grafia mistralenca o felibrenca. Ça que la, se revira pas l'occitan en provençal, que son la meteissa lenga.


Valoriza aqueste comentari:   votar positiu 3   votar negatiu 2
Respondre comentari replica Comentari inadeqüat   Formulari d'abús de comentari

8 de novembre 15.34h

Ma condolença per la mòrt d'un occitanista. Jan nos a daissat, mas son òbra es amb nosautres per totjorn.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

8 de novembre 11.07h

Adieu l'amic

Ta despartida nos fa dol qu'es pas de dire. Eras un ome dobèrt. Me fasias la revirada en provençal e en grafia mistralenca de l'editorial del Lugarn perque nosautres al PNO sèm pas per las garrolhas de grafia (nimai las autras) e publicam dins las doas grafias. Saludam tanben lo saberut engatjat tota sa vida e fins a son darrièr buf dins nostra lenga e nostra cultura. Te tiram lo capèl e nos remembrarem de tu.


Valoriza aqueste comentari:   votar positiu 15   votar negatiu 4
Respondre comentari replica Comentari inadeqüat   Formulari d'abús de comentari

8 de novembre 09.56h

Respèct e òbra de dignitat.

Eissubliarai jamai un occitanista ansin.


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

8 de novembre 08.30h

Adièu l'ami


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 21
  • sol Aush 21
  • sol Bordèu 21
  • sol Briançon 22
  • sol Caors 21
  • sol Carcassona 23
  • sol Clarmont-Ferrand 16
  • sol Confolent 20
  • sol Gap 16
  • sol La Canau 21
  • sol La Gàrdia 26
  • sol Limòtges 22
  • sol Lo Borg Sant Dalmatz 21
  • sol Lo Puèi de Velai 18
  • sol Marselha 23
  • sol Montpelhièr 22
  • sol Naut Aran 19
  • sol Niça 22
  • sol Nimes 22
  • sol Pau 21
  • sol Peireguers 21
  • sol Rodés 21
  • sol Tolon 19
  • sol Tolosa 21
  • sol Valença 20

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Besièrs, preséncia d'occitan en ciutat e CIRDOC

  • Gavotina marítima: trofèu d'August e vila vielha d'A Torbia

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • © Laurenç Revèst

    Auribeu de Sianha

  • © Franc Bardòu

    Asuèlhs de Lauragués

  • © Laurenç Revèst

    Las Cevènas, Barjac en Val de Cese

  • Vabre (Monts de la Cauna). © Pèire Thouy

    L'occitan per carrièras (concors de prima 2014)

  • © Josep Carpintero

    Presentacion dera ANC Val d'Aran en Vielha, 28/12/2013

  • Inauguracion de la Sala Claudi Molinièr a Besièrs

  • © Laurenç Revèst

    Menton, 'a vivaroalpenca maritima

  • © Franc Bardòu

    Asuèlhs de Lauragués

  • Canejan. Montanhes. © Xavi Gutiérrez Riu

    Val de Toran (Aran)

  • A Gavotina marítima: Recabruna Cab Martin, a vila vielha e o castèl dau sécolo X

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • Asuèlhs de Menerbés. © Franc Bardòu

    Asuèlhs de Menerbés

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • © Franc Bardòu

    Asuèlhs de Lauragués

  • Castelar

  • Irissa: prumèra edicion dera corsa populara de BTT

  • © Franc Bardòu

    Catalonha etèrna

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)