Actualitats
Es mòrt Leonard Cohen
Lo cantador veniá de publicar un disc, You Want It Darker
Lo cantador e poèta canadenc Leonard Cohen es mòrt a ochanta dos ans. O an revelat los de sa familha sus lo compte de Facebook de l’artista: “Amb una pena fòrça prigonda, vos informam que lo legendari poèta, cantador-autor e artista Leonard Cohen es mòrt. Avèm perdut un dels visionaris musicals mai venerats e prolifics.”
Cohen es estat sempre un referent entre los cantadors dempuèi son aparicion dins lo panorama musical, pendent los ans 60. A partir d’aquel temps s’èra mantengut sempre actiu en combinant musica e poesia. Aquestes darrièrs tempses, semblava pus freule e envielhit mas sa votz aviá pas perdut de fòrça. Contunhava de pojar sus las scènas ben vestit e acompanhat de son capèl inseparable.
En octòbre passat, publiquèt lo darrièr album, You Want It Darker (O vòles mai fosc). Un trabalh ont, coma se foguèsse un pressentiment, Cohen semblava de faire sos adieu-siatz. Las cançons del disc, fòrça foscas, son cargadas de referéncias a la religion e a la mòrt.
Cohen es estat sempre un referent entre los cantadors dempuèi son aparicion dins lo panorama musical, pendent los ans 60. A partir d’aquel temps s’èra mantengut sempre actiu en combinant musica e poesia. Aquestes darrièrs tempses, semblava pus freule e envielhit mas sa votz aviá pas perdut de fòrça. Contunhava de pojar sus las scènas ben vestit e acompanhat de son capèl inseparable.
En octòbre passat, publiquèt lo darrièr album, You Want It Darker (O vòles mai fosc). Un trabalh ont, coma se foguèsse un pressentiment, Cohen semblava de faire sos adieu-siatz. Las cançons del disc, fòrça foscas, son cargadas de referéncias a la religion e a la mòrt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ne sèi pas se lo Serge Gainsbourg sostiengó Tsahal, mes que truquè las soas duas darrèras companhas (Jane Birkin, Bambou).
N'èm pas çò deus Potonors, e a un moment dat que cau saber destriar l'òbra d'un artiste e la soa personalitat...
Se vòs tirar de las antologias literarias o discograficas, los artistas qu'avón maishantas opcions politicas o qui n'èran pas de frequentar dans la loa vita privada, n'i va pas demorar hèra de monde! E los gens los mei beròis ne hèn pas forçadament los mei bons artistes. Qu'ei con mes qu'ei atau...
Lo Alexis Arette-Lendresse qu'ei un tipe d'extrèma-dreta deus piris, mes qu'ei tanben lo darrèr deus grans poètas biarnés.
Tanben n'aprovi pas l'atituda de Cohen ad aquèra epòca, mes çò que demora de mei important que son los sons textes e las soas cançons que m'acompanhan e m'esmaven despuish un trentenat d'annadas.
#3 En 1973, Ariel Sharon èra ja conegut per los chaples de civils palestinians en 1953 a Qibya e en 1971 dins la benda de Gaza. Leonard Cohen, ambe son sosten desfalhenc a Sharon e a tsahal, es forfachós d'aver botat sa renomenança al servici d'aglasiadors. Me podètz donar de polgars roges, aquò cambiarà pas la realitat. Avèm pas jamai vist Serge Gainsbourg, per exemple, anar cantar per l'armada israeliana.
#2 Es fals. Leonard Cohen sostenguèt pas Ariel Sharon, faguèt solament un concèrt per de soldats israelians en 1973. Òm pòt èsser d'acòrdi o pas d'acòrdi, mas es pas aquò lo moment essencial de la carrièra musicala de Leonard Cohen. Es estupid de li desirar l'infèrn a causa d'aquò.
Leonard Cohen èra tanben lo companh d'Ariel Sharon en 1973 e un sosten fidèl a tsahal.
Highway to hell Leonard...
Leonard Cohen qu'èra lo men companh despuish 30 ans.
Adara que soi triste.
So long Leonard...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari