CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dissabte, 19 d'octòbre

Actualitats

Dissabte, 26 de novembre de 2016, 03h00 Libres

Noms de lòcs de Sud-Gironda


Comentaris 4 comentaris    
Marrit Flac Bon Plan bon Fabulós (4 vòtes)
carregant En cargar


Ua navèra manèita de vulgarizacion: lo Patric Lavaud publica un obratge de toponimia sus Vasadés. E posquin municipalitats e autes EPCI deu parçan l’utilizar! E posqui tanben estar imitat en autes lòcs, pr’amor, curiosament, los occitans demòran globaument flacs en mestior de recuperacion toponimica.


Patric Lavaud
© JJF





Etiquetas
bordalés, fenié, lavaud

Lo Patric Lavaud, etnològ de formacion, director de las “Nuèits atipicas”, lo hestenau longtemps establit a Lengon au parat deu quau se debanèren cinc edicions de l’Amassada de las lengas de França, ven de har pareisher un navèth obratge. Entitolat Toponymie gasconne du Sud-Gironde, que parla donc deus noms de lòcs d’aquera partida deu departament qui, en gròs, correspon a l’anciana diocèsi de Vasats. Enqüèra que lo vielh Vasadés avossi prolongaments hens las Lanas (Pissòs, Mostèirs, Lucsèir...). Lo Patric qu’es atentiu a tots los eretatges que tòcan a la lenga nòsta. Se sovienen deu son Medoc de boca a aurelhas (Edicions de l’Entre-duas-Mars), deu son libe sus l’acordeon diatonic dens las Lanas de Gasconha (Confluences), o deus sons filmes en òc (Raymond Lagardère, gemèir de Gasconha o Lenga d’amor, un 52-minutas de 2013 on parla de la descobèrta deus sons arradics familhaus dens lo Perigòrd lemosin).
 
“Broustey/Brostèir, Bédoura/Bedorar, Gourgouille/Gorgolha, lou Douc, los Gavachons, Mathiouet/Mativet...” Qu’a fotografiat quauquas centenas de panèus de noms de lòcs: noms oficiaus (administratius) de las comunas, bordalats o “quartièrs”, arrius, bosquets, pinhadars, castèths, carreiras, bòrdas perdudas au miei de la lana o dens la campanha gascona vasadesa. Darrèr aquera multitud microtoponimica se tròba la pregonda identitat occitana deus nòstes parçans.
 
Ont qu’anin —de Portèths, sus las arribas de Garona, a Casalís, de Sent Sefrian a L’Artiga o Lengon— que rencontran pertot, suus caminòts o granas vias, sus ua pista de DFCI (taus pompièrs) au miei de la seuva lanusqueta com deu costat de las arribas deu Ciron, aquera realitat linguistica. Qu’am enqüèra aquò. Un jorn, benlèu, un decret ponut de sèi pas on, decidirà que cau suprimir aqueth eretatge, o lo remplaçar per un còde numeric, lo francizar o l’anglicizar. Sabem pas... Totun, lo Lavaud que cèrca a explicar, a har compréner la significacion de tots aqueths noms qui rebaten un passat, un patrimòni.
 
Aqueth obratge d’intelligenta vulgarizacion es scientificament documentat. Los tribalhs de qualitat universitària qu’existissen e l’autor qu’a sabut ne tirar lo bon gran. Autora de mei d’un obratge sus la toponimia gascona e occitana en generau (Edicions Sud-Ouest, Cairn/In’òc...), la cercaira B. Boyrie-Fénié qu’a d’alhors hèit lo prefaci de l’obratge. Que cau esperar que dab aquera navèra atruna e las autas, los edilis e responsables deus navèths EPCI e autas comunautats de comunas, un chic pertot en Gasconha o alhors, agin l’idea de valorizar mélher aqueths noms de lòcs, testimoniatges de tant de causas.
 
 
 
 
Joan-Jacmes Fénié
 
 
 


LAVAUD, Patrick. Toponymie gasconne du Sud Gironde. Confluences, 2016. 287 paginas, 28 èuros.



Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat
BANER1-2-3: DGPL DICTADES



Comentaris

2 de decembre 23.57h

perqué s'ei esfaçat eth comentari ?


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

2 de decembre 23.56h

Toponimia ! No i pensam cap pro, qu'ei un portau deths bons enà dentrar ena lenga. Tè! Aurelhan, (enas Lanas tanben que'n i a un) qu'ei era mèma causa qu'Orly e qu'Aurilhac, quauqu'arren coma eth domani d'Aurelius, dab suffixe -an o -ac, devengut -y en òïl. Qu'aimi eths trebalhs deths Michel Grosclaude, Fénié , etc...utisses de prumèra e d'autant mes que dobreishen discussions sense fin !


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

26 de novembre 21.17h

Envant amb la cultura !


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

26 de novembre 09.47h

Osca per aquel trabalh que fa besonh dins totes los contons d'Occitània!


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 14
  • sol Aush 13
  • sol Bordèu 13
  • sol Briançon 10
  • sol Caors 13
  • sol Carcassona 14
  • sol Clarmont-Ferrand 13
  • sol Confolent 14
  • sol Gap 8
  • sol La Canau 13
  • sol La Gàrdia 11
  • sol Limòtges 12
  • sol Lo Borg Sant Dalmatz 15
  • sol Lo Puèi de Velai 13
  • sol Marselha 19
  • sol Montpelhièr 18
  • sol Naut Aran 12
  • sol Niça 16
  • sol Nimes 19
  • sol Pau 14
  • sol Peireguers 13
  • sol Rodés 13
  • sol Tolon 14
  • sol Tolosa 13
  • sol Valença 15

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Celèsta Toion

    La plaja espaci de libertat? D'expression?

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Laurenç Revèst

    Menton, 'a vivaroalpenca maritima

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • © Franc Bardòu

    Tèrra albigesa

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Occitan e economia: "occitanitat mai o mens visibla"

  • © Asalaís Moniguet

    Montpelhièr la lengadociana

  • © Laurenç Revèst

    Mónegue

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Estivada 2013. © Guillem Sevilla

    Estivada 2013

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Julien Cazenave

    17.02.2019: manifestacion a Brussèlas en sosten als independentistas catalans

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Exposicion temporària sus Robèrt Lafont al CIRDOC (D.R.)

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Mónegue

  • Nòstre sap de Chalendas. © Guiu de Valença (Daufinat occitan)

    Concors de Nadal 2014. Las Calendas en çò vòstre

  • © CD

    Escòla Calandreta dau Mas. Drap (País Niçard)

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)