Actualitats
Descobrisson una vila egipciana vièlha de mai de 5300 ans
Aquela descobèrta, près d’Abidos, confirma lo ròtle important d’aquela region tre 3300 abans lo Crist, un sègle abans l’unificacion d’Egipte per lo primièr faraon Narmèr
Una còla d’arqueològs venon de descobrir las rèstas d’una vila que sembla d’èsser la mai vièlha de tota l’istòria de l’Egipte anciana. La descobèrta se situa près de la vila antica e ja ben coneguda d’Abidos. Aital o a revelat lo Ministèri egipcian de las Antiquitats, lo 18 de novembre, segon lo jornal Mada Masr.
Aquela ciutat que venon de trobar a mai de 5300 ans, valent a dire, existissiá ja vèrs 3300 abans lo Crist. Es una data fòrça anciana que s’enracina dins l’Epòca Predinastica. Se tracta d’un temps situat a la fin del Neolitic e a l’alba de l’Edat Antica, quand Egipte èra pas encara unificada e quand aviá pas encara sos faraons.
Las rèstas de la vila descobèrta contenon de quartièrs residencials e una necropòli per la noblesa locala, amb quinze grandas tombas. E mai i a de sectors que semblan faches d’ostals d’obrièrs amb de cabanas, de terralha, de topins d’argila e d’aisinas de pèira.
La vila que venon de revelar es una precursora d’Abidos, segon Mahmud Afifi, lo cap del Departament dels Artefactes del Ministèri de las Antiquitats. Segon Afifi, los abitants d’aquela vila anonciavan ja las tombas dels faraons de la primièra dinastia d’Egipte, qu’anavan regnar pus tard, de 3200 a 2800 abans lo Crist.
En particular, i vesèm de construccions que prefiguran ja l’enterrament del primièr faraon egipcian, Narmèr (vèrs 3150-3125 abans lo Crist), a la necropòli d’Umm Al Qaab, près d’Abidos.
Afifi precisa que, dins la ciutat descobèrta, ja i aviá tota una organizacion per fornir de noiridura e de bevendas al obrièrs que construsián las tombas dels nòbles.
Las revelacions s’arrèstan pas a aquel estadi. Los arqueològs pensan que trobaràn d’autras rèstas importantas dins aquela zòna. Afifi ditz que portaràn fòrça informacions novèlas sus la region d’Abidos que, de verai, tre 3300 abans lo Crist, ja se presentava coma lo còr del futur grand estat egipcian que deviá nàisser pus tard, vèrs 3200.
Aquela ciutat que venon de trobar a mai de 5300 ans, valent a dire, existissiá ja vèrs 3300 abans lo Crist. Es una data fòrça anciana que s’enracina dins l’Epòca Predinastica. Se tracta d’un temps situat a la fin del Neolitic e a l’alba de l’Edat Antica, quand Egipte èra pas encara unificada e quand aviá pas encara sos faraons.
Las rèstas de la vila descobèrta contenon de quartièrs residencials e una necropòli per la noblesa locala, amb quinze grandas tombas. E mai i a de sectors que semblan faches d’ostals d’obrièrs amb de cabanas, de terralha, de topins d’argila e d’aisinas de pèira.
La vila que venon de revelar es una precursora d’Abidos, segon Mahmud Afifi, lo cap del Departament dels Artefactes del Ministèri de las Antiquitats. Segon Afifi, los abitants d’aquela vila anonciavan ja las tombas dels faraons de la primièra dinastia d’Egipte, qu’anavan regnar pus tard, de 3200 a 2800 abans lo Crist.
En particular, i vesèm de construccions que prefiguran ja l’enterrament del primièr faraon egipcian, Narmèr (vèrs 3150-3125 abans lo Crist), a la necropòli d’Umm Al Qaab, près d’Abidos.
Afifi precisa que, dins la ciutat descobèrta, ja i aviá tota una organizacion per fornir de noiridura e de bevendas al obrièrs que construsián las tombas dels nòbles.
Las revelacions s’arrèstan pas a aquel estadi. Los arqueològs pensan que trobaràn d’autras rèstas importantas dins aquela zòna. Afifi ditz que portaràn fòrça informacions novèlas sus la region d’Abidos que, de verai, tre 3300 abans lo Crist, ja se presentava coma lo còr del futur grand estat egipcian que deviá nàisser pus tard, vèrs 3200.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari