Un gojat de 17 ans foguèt tuat ièr al ser a Marselha davant son licèu. Lo jove licean foguèt escotelat a la garganta jos los uèlhs dels autres liceans que sortissián de lors corses. Se passèt a 17h davant lo licèu professional Poinso-Chapuis dins l’8n arredondiment de la Ciutat Focèa.
 
Segon las primièras informacions transmesas pels marins-pompièrs, lo gojat moriguèt a causa de sas feridas mentre qu’èra transportat vèrs l’espital.
 
“S’agís aparentament d’un diferent entre dos grops d’escolans de licèus vesins”, çò afirmèt lo cònsol del sector Yves Moraine.
 
La polícia detenguèt tres menors, çò rapòrta l’AFP. Segon La Provence, l’autor presumit del còp de cotèl mortal seriá un escolan de 16 ans del licèu.