Bandièra01 capçalera  1180x150: Botiga

Actualitats

Colómbia: esmovent omenatge de l’Atlético Nacional al Chapecoense

“Vos desmembrarem pas, aquela copa se’n va al cèl”, çò cantèron l’esquipa de Medellín e sos suportaires en mostrar lor sosten a las familhas de las victimas e als subrevivents

L’estadi Atanasio Girardot de Medallín s’empliguèt dijòus per rendre omenatge als setanta un mòrts de l’accident d’avion ont viatjava l’esquipa brasilièra del Chapecoense. Los suportaires de l’esquipa de l’Atlético Nacional s’abilhèron de blanc e mostrèron lor sosten a las familhas de las victimas e als subrevivents. Sus los bancals lo mond portavan de candelas e de flors. L’omenatge comencèt a la meteissa ora que deviá començar lo primièr match de la finala de la Copa Sud-Americana.
 
L’esquipa de fotbòl brasilièra Chapecoense deviá jogar deman amb l’Atlético Nacional de Medellín lo primièr torn de la finala de la Copa Sud-Americana.
La setmana passada, après eliminar l’esquipa argentina de San Lorenzo, lo Chapecoense se classifiquèt per sa primièra finala d’una competicion internacionala.
 
Mas en arribant a Medellín, l’avion ont viatjavan s’escrachava sus la zòna del Cerro Gordo. Lo pilòt raportèt a l’aeropòrt José María Córdoba que l’aparelh aviá de problèmas electrics. Segon Radio Caracol, l’avion espetèt pas dins l’accident, mas foguèt partejat en divèrses tròces.
 

 

 




Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article