Bandièra01 capçalera  1180x150: Novestivada

Actualitats

crotz-tolosaCreated with Sketch.LengadòcLengadòc BasBesierés

Se publica uèi Resisténcia, lo darrièr album de Goulamas’K

Lo combat antijacobin, antifaissista e antiracista de la còla de Puègserguièr se manifèsta mai que mai dins aqueste nòu disc

Se publica uèi lo darrièr album de Goulamas’K, la banda de musica ska e ròck de Puègserguièr (Besierés). Entitolat Resisténcia, lo nòu disc es ara disponible sus totas las plataformas numericas (spotify, deezer, iTunes, etc...)e tanben dins la botiga en linha del grop.
 
 
Esperit de fèsta e de revendicacions
 
Coneguts per la qualitat de lor musica e mai que mai de lors espectacles en dirècte, Goulamas’k ofrís totjorn dins Resisténcia una tièra de tèmas engatjats al servici d’Occitània e de l’umanitat dins lor “ròck acolorit e bolegant” fruch de la mescla de totas las musicas (ròck, ska, farandòla, punk, flamenco, hard-ròck...) amb l’influéncia, mai que mai, del solelh del país. Lo resultat es aquel esperit de fèsta e de revendicacions amb lo que Goulamas’k desliura una musica a l’energia devastatritz e contagiosa.
 
 
Lo drama dels refugiats
 
Lo combat antijacobin, antifaissista e antiracista de la còla dePuègserguièr se manifèsta mai que mai dins aqueste nòu album, notadament dins lo videoclip Las larmas [lagremas] dels mòrts, una cançon en anglés e francés sul drama dels refugiats, e de tota la sofrença a l’entorn del conflicte de l’Orient Mejan. “Los descendents dels refugiats que sèm, podiam pas que reagir fàcia a aquelas orrors”, çò dison a la fin del vidèo.
 

 
 
18n anniversari
 
Goulamas’K festejarà en 2017 son 18n anniversari, amb mai de 600 concèrts e 6 albums autoproduches.




Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

marcamal Vilamanda
5.

Aquel muol a tojorn lo morre virat al grec...

  • 0
  • 0
Farfaneta Nimes
4.

Un plaser grand aquela espelida !

  • 3
  • 0
Alan Roch Carcassona
3.

Òsca pels valents Goulamas'K !

  • 12
  • 0
Guilhèm Thomas Tolosa
2.

Benlèu que nos podèm passar dels comentaris costumièrs de #1 que manifestament confond "Criticar" e "Racar", e "Jornalet" amb "La dépêche du Midi".


Aimi particulàriament "Miseria" dins aqueste album. Dins l'album precedent aviá fòrça poder, perque èra mai "live" (me sembla). Espèri qu'es çò parier dins aqueste album :)

  • 23
  • 1
Lo Muòl
1.

Podem tanben saludar la novèla parucion de "Play Boy".
Arrestat en 2011, se tornar ara publicar dins França, Canadà, Belgica, e autres pays....

Al contrari de la version americana, lo "Play Boy" de França aurà las famosas "Playmates"

Lo conilh sarà mai atrasent, mai modern ça dison.....!

  • 1
  • 24

Escriu un comentari sus aqueste article