Bandièra01 1180x150: Comuna de Tolosa

Actualitats

Rugbi. Top 14: Perpinhan a plan capitat a Barcelona

Pro D2. Es normau e meritat de véder los bearnés dens los tres purmèirs

| © Casal català Viena
Montpelhièr 22-30 Tolon
 
Partida de grana qualitat a Montpelhièr dab quate ensais. Podem díser çò que volem; los tolonés saben produisir de jòc. A la tempsada lo 19 a 0 en favor deus varés èra meritat. Mès Montphelier n’acabèt pas la sason 2010-2011 en finala per arren. En dusau tempsada perpausèren un rugbi de qualitat. Lo punt de bonus defensiu ganhat sus la darrèira accion muisha plan que cau continuar a comptar sus eths dens l’aviéner.
 
 
Perpinhan 34-20 Tolosa
 
Lo punt de bonus ofensiu deus catalans es plan meritat. Avetz plan legit! Tolosa prit una bona leçona. Dab 20 a 6 a la 30au minuta podèvam pensar que Noves trobaré los mots per motivar l’esquipa tolosenca en dusau tempsada. E sus la purmèira accion a la 42au minuta, los catalans marquèren un navèth ensai, 34 a 6. Dab dus ensais , Tolosa n’arribèt pas a tornar au planchòt. En aquera setmana de Diada; los tolosencs an vist que la volontat catalana pòt har cader los poderós.
 
 
Agen 32-26 Grenòble
 
De quan en quan, l’important es de ganhar. Uei los agenés pòden estar contents de la lora purmèira victòria de la sason. Vaka , dab dus ensais en purmèira tempsada, muishèt aus jogaires lo camin a seguir per esperar ganhar contra la bona suspresa d’aquera sason. Dab 23 a 13 a la tempsada los agenés avèvan hèit sonque la mitat deu camin, sustot contra una esquipa arpitana venguda shens pression. A la 53au minuta Courrent, ex jogaire agenés, permit aus grenoblés d’egalizar. Mès i avèva vertadièrament besonh d’aqueths quate punts peus agenés. Dens un finau un chic pèc, los agenés joguèren en inferioritat numerica mes dab una volontat arretrobada poduren marquar au pè los punts tan necessaris per esperar en un aviéner mielhor.

 
Bègla-Bordèu 30-22 Estadi Francés
 
Bis repetita; com l’an passat l’Union muishèt aus parisencs que l’estadi Lescura es plan l’estadi deu rugbi girondin. Vengut un naveth còp dens l’amira de préner punts, los, parisencs son partits d’Occitània dab de navèras questions a se pausar sus aquera impossibilitat de préner punts a l’exterior. Tot se joguèt dens la 15 purmèiras minutas de la segonda tempsada. Avèm vist tres beròis ensais en dusau tempsada dab com de costuma lo pichon Adams en grana fòrma dens las partidas importantas.
 
 
Lo Mont 6-14 Clarmont
 
Que díser? Un còp de mei los landés manquèren l’espleit a casa contra un favorit deu Top 14. Lo rugbi, uei se joga a 23 jogaires e podem díser que dab l’efectiu clarmontés se joga a 30. An hèit lo tribalh en dètz minutas. An pres lo planchòt dab una penalitat de James a la 72au minuta. L’ensai de Nalaga a tres minutas de la fin sortit lo punt de bonus defensiu aus jaunes e negres. Lo derbi contra Agen serà un rendètz-vos a ne pas mancar.
 
 
Castras 28-13 Biàrritz
 
Purmèira des·hèita de la sason peus bascos mès joguèren shens pression e menèren d’un punt a la tempsada. Mès los castrés saburen esperar e jogar los bons còps au bon moment. A l’òra de jòc los tarnés marquèren un ensai e una penalitat. Dab detz punts d’avança n’an pas deishat aus adversaris la possibilitat de tornar au planchòt.
 
 
Baiona 13-12 Racing
 
Dominat davant sustot en tocar e dominat tanben darrèir la des·hèita de Baiona a casa es logica fàcia a una beròia esquipa parisenca. A 15 a 15 los baionés joguèren una penalitat a la man a 5 metras de la linha parisenca. L’ensai fut refusat e sus la mesclada lo pielar baionés Boyoud explosèt contra lo son vis a vis. Sèt minutas apuei tot cambièt e los racingmen menèren 23 a 15. Au rugbi cau saber préner los punts quan se presentan.
 
 
 
   ClubsPts.jgrpdif
1  Tolon 22 5 5 0 0 59
2  Clarmont 18 5 4 0 1 33
3  Biàrritz 17 5 4 0 1 40
4  Castras 15 5 3 1 1 52
5  Tolosa 15 5 3 0 2 46
6   Grenòble 14 5 3 0 2 37
7   Racing-Métro 92 14 5 3 0 2 19
8   Perpinhan 11 5 2 0 3 -13
9  Montpelhièr 11 5 2 0 3 -20
10  Bègla-Bordèu 9 5 2 0 3 -30
11  Baiona 7 5 1 0 4 -27
12   Estadi Francés 6 5 1 1 3 -19
13  Agen 6 5 1 0 4 -70
14  Lo Mont 0 5 0 0 5 -107
 
 

Pro D2. Es normau e meritat de véder los bearnés dens los tres purmèirs
 
 
Purmèira des·hèita de la sason deus arpitans. Cadèren fàcia a una esquipa d’Albi en plaça qui marquèt dus ensais en contra mes qui sabut provoquar las pecas lionesas.
 
Peus brivistas qu’èra important de ganhar a casa contra Narbona. Narbona partit de Corresa shens punt de bonus defensiu qu’es de dòu har.
 
Los paulins recebèren dus còps de tira au Hameau contra las esquipas d’Albi e de Carcassona: duas partidas tracanards a ne pas mancar. An sabut ganhar las duas partidas. Es normau e meritat de véder los bearnés dens los tres purmèirs.
 
La caduda continua a Dacs dab una navèra des-hèita a casa cap a Colomièrs. La fin deu mes de seteme serà complicada en país landés.
 
Vaquí una bona suspresa de véder los tarbés ganhar a Orlhac. Cau contunhar mès desempuish lo començament de la sason podem sentir que la còla tarbesa a qualitat.
 
Pichona decepcion per Aush de tornar de la Ròchela shens punt de bonus defensiu. Mès bon, la Ròchela a perdut a casa a la purmèira jornada, adara que cau tornar préner los punts perduts.
 
Ais perdut a casa cap au purmèir deu campionat. An pres un punt de bonus ofensiu, aquò benlhèu es una bona causa. Uèi Oyonnax es solet davant shens aver perdut.
 
Albi 35-24 Lion
Briva 24-16 Narbona
Pau 22-18 Carcassona
Dacs 24-25 Colomièrs
Massy 31-16 Besièrs
Orlhac 24-39 Tarba
La Ròchela 24-10 Aush
Ais de Provença 16-23 Oyonnax
 
 
 
1 Oyonnax 15 4 3 1 0 110 59 51
2 Orlhac 12 4 3 0 1 126 96 30
3Pau 12 4 3 0 1 75 74 1
Lion 11 4 2 1 1 136 81 55
Carcassona 11 4 2 0 2 119 83 36
6 La Ròchela 10 4 2 0 2 81 56 25
Tarba 10 4 2 1 1 100 93 7
Colomièrs 10 4 2 0 2 96 100 -4
Briva 10 4 2 1 1 84 89 -5
10Albi 9 4 2 0 2 82 106 -24
11  Massy 8 4 2 0 2 91 108 -17
12 Aush 8 4 2 0 2 73 96 -23
13 Ais de Provença 7 4 1 0 3 86 95 -9
14 Narbona 6 4 1 0 3 72 83 -11
15 Besièrs 5 4 1 0 3 73 130 -57
16 Dacs 1 4 0 0 4 55 110 -55
 




Eric Goyhenne
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article