Actualitats
Groznyi: tornarmai divèrses mòrts dins d’afrontaments entre de rebèls e l’armada russa
Segon Novaia Gazeta se poiriá agir dels primièrs senhals d’una revòlta en Chechenia contra lo govèrn pròrús del país
Sèt mòrts e 3 ferits seriá, per ara, lo bilanç dels afrontaments entre las fòrças especialas russas e divèrses rebèls pendent la setmana passada a Groznyi (o Sölzh Ghala, en chechèn). Las operacions an començat d’èsser dirigidas personalament per Ramzan A. Kadyrov, president pròrus de la Republica de Chechenia, amb la tòca de mostrar qu’a la situacion totalament jos contraròtle e qu’es pas necite de mandar mai de soldats russes dins la region.
“Cap de diable poirà pas sortir de Groznyi se i es intrat armat, e aital o avèm demostrat dins las darrièras 24 oras”, çò diguèt Kadyrov. Lo primièr afrontament se debanèt dissabte 17 quan un grop d’òmes armats ataquèt divèrses policièrs al centre de Groznyi. Quatre dels rebèls serián tuats e dos autres ferits, segon de declaracions del quite Kadyrov. Dins un vidèo, que s’es pogut veire suls rets socials, divèrses òmes atacavan amb d’armas pesantas la polícia de Groznyi.
Un autre afrontament se tenguèt dimenge 18 quand una unitat de las fòrças especialas russas bloquèt un grop de rebèls dins un camp fòra la vila chechèna. Totun, en aquela escasença s’es pas pogut saber s’i a agut mai de victimas. Totun, l’agéncia russa d’informacions Knot diguèt que i aviá agut mai d’afrontaments, tanben, amb de fusilhadas pendent los dos jorns, e que quatre oficièrs de l’armada russa serián estats aucits. E mai confirmèt que 3 encontres amb de fusilhadas avián agut luòc pendent l’an 2016 en Chechenia.
En mai d’aquò, se sap pas encara las rasons de las fusilhadas. Sus aquò la posicion de Kadyrov es de demorar mut mas se poiriá ben dire que los assauts contra la polícia russa en Chechenia poiràn èsser de primièras atacas rebèllas abans d’assalhir lo quite govèrn chechèn. Aquò poiriá èsser vertat pr’amor qu’après la casuda de l’Union Sovietica en 1991, Russia faguèt doas guèrras contra Chechenia per estofar de rebellions musulmanas e tanben nacionalistas. Pasmens, l’actual president de Chechenia, Kadyrov, a pogut instaurar la patz dels mòrts dins aquel país amb l’ajuda de Russia e de Putin.
Solament un jornal rus, la Novaia Gazeta, auriá publicat quicòm sus l’origina d’aquelas atacas e a dich que se poiriá agir dels primièrs senhals d’una revòlta mai granda en Chechenia contra lo govèrn pròrús del país.
Christian Andreu
“Cap de diable poirà pas sortir de Groznyi se i es intrat armat, e aital o avèm demostrat dins las darrièras 24 oras”, çò diguèt Kadyrov. Lo primièr afrontament se debanèt dissabte 17 quan un grop d’òmes armats ataquèt divèrses policièrs al centre de Groznyi. Quatre dels rebèls serián tuats e dos autres ferits, segon de declaracions del quite Kadyrov. Dins un vidèo, que s’es pogut veire suls rets socials, divèrses òmes atacavan amb d’armas pesantas la polícia de Groznyi.
Un autre afrontament se tenguèt dimenge 18 quand una unitat de las fòrças especialas russas bloquèt un grop de rebèls dins un camp fòra la vila chechèna. Totun, en aquela escasença s’es pas pogut saber s’i a agut mai de victimas. Totun, l’agéncia russa d’informacions Knot diguèt que i aviá agut mai d’afrontaments, tanben, amb de fusilhadas pendent los dos jorns, e que quatre oficièrs de l’armada russa serián estats aucits. E mai confirmèt que 3 encontres amb de fusilhadas avián agut luòc pendent l’an 2016 en Chechenia.
En mai d’aquò, se sap pas encara las rasons de las fusilhadas. Sus aquò la posicion de Kadyrov es de demorar mut mas se poiriá ben dire que los assauts contra la polícia russa en Chechenia poiràn èsser de primièras atacas rebèllas abans d’assalhir lo quite govèrn chechèn. Aquò poiriá èsser vertat pr’amor qu’après la casuda de l’Union Sovietica en 1991, Russia faguèt doas guèrras contra Chechenia per estofar de rebellions musulmanas e tanben nacionalistas. Pasmens, l’actual president de Chechenia, Kadyrov, a pogut instaurar la patz dels mòrts dins aquel país amb l’ajuda de Russia e de Putin.
Solament un jornal rus, la Novaia Gazeta, auriá publicat quicòm sus l’origina d’aquelas atacas e a dich que se poiriá agir dels primièrs senhals d’una revòlta mai granda en Chechenia contra lo govèrn pròrús del país.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Diga-me, sas que la Chechenia es majoritarament musulmana dempuèi lo sègle XVI almens ? E que foguèt colonizada per fòrça pel empèri rus ?
marrida novèla per l'Europa assietjada : l'islam es un grame que non se pot derrabar aisat, sei racinas son tan duras e coriaças que lei darbons lei podon pas rosigar, son racionalisme es totau;: quauques mau-cresènts de massacrats e lei portas dau paradis te son dubèrtas a brand , qu'as obeït a la paraula divina (vèire lei versets dau coran que pas lo mendre iman abarbassit vou abolir)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari