Actualitats
Normandia: una estrada solara que genèra d’electricitat
Es la primièra rota de panèls fotovoltaïcs del Mond, e pòt far d’electricitat per 5000 personas durant dos ans
An installat una estrada solara a Tourouvre-au-Perche (Normandia). S’agís d’un camin d’un quilomètre de panèls fotovoltaïcs que fan una superfícia totala de 2800 m2 e que porgiràn d’electricitat a la vila durant doas annadas.
Los panèls son recobèrts de resina, çò que permetrà de suportar los passatges dels veïculs e lo fretament de las ròdas. En mai d’aquò, los panèls son faches amb de materials que resistisson a las condicions climatologicas.
Aquela tecnologia se nomena Wattway e es una innovacion francesa, resultat de cinc ans de recèrcas, e que s’ensaja pel primièr còp dins aquela vila de Normandia.
Son avantatge principal es que se pòt installar dirèctament sus las rotas ja construchas, e, un còp installat, lo sit genèra d’energia sens ocupar las superfícias agricòlas ni los païsatges naturals. En fòrça endreches d’Occitània, ont lo solelh nos fa cantar, aquela installacion nos fariá ben.
Los panèls son recobèrts de resina, çò que permetrà de suportar los passatges dels veïculs e lo fretament de las ròdas. En mai d’aquò, los panèls son faches amb de materials que resistisson a las condicions climatologicas.
Aquela tecnologia se nomena Wattway e es una innovacion francesa, resultat de cinc ans de recèrcas, e que s’ensaja pel primièr còp dins aquela vila de Normandia.
Son avantatge principal es que se pòt installar dirèctament sus las rotas ja construchas, e, un còp installat, lo sit genèra d’energia sens ocupar las superfícias agricòlas ni los païsatges naturals. En fòrça endreches d’Occitània, ont lo solelh nos fa cantar, aquela installacion nos fariá ben.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sembla estonanta aquela idea, mas la cal provar.Se funciona, ben. E se funciona pas, procurar que hagi costa pas molt l'assaig.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari