CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Divendres, 30 de decembre de 2016, 03h00 Politica,Economia

Auvèrnhe > Auvèrnhe > Limanha

Clarmont-Ferrand barra la pòrta als produches que provenon de las colònias israelianas

Lo conselh municipal de la vila votèt, contra l’avís del cònsol màger, de seguir una crida de la societat palestiniana que demandava lo boicòt pacific per far pression sul govèrn de l’estat d’Israèl


Comentaris 5 comentaris    
Marrit Flac Bon Plan bon Fabulós (8 vòtes)
carregant En cargar


Clarmont-Ferrand ven la primièra vila d’Occitània qu’a aprovat de boicotar los produches que provenon de las colònias israelianas, malgrat las protèstas energicas del cònsol PS de la capitala auvernhata, Olivier Bianchi. Lo darrièr conselh municipal aprovèt lo 16 de decembre passat, amb 24 vòtes sus 55, una proposicion presentada pels grops Comunista e Republican, Front d’Esquèrra e Euròpa-Ecologia Los Verds, çò rapòrtan La Setmana e La Montagne.
 
 
Un apèl de la societat civila palestiniana
 
Es atal que Clarmont-Ferrand seguís la crida del movement BDS (Boycott, Desinvestiment, Sancions), una iniciativa lançada per la societat palestiniana en 2005, un movement mondial e pacific que cèrca de far pression sul govèrn de l’estat d’Israèl per lo forçar a observar cèrtas resolucions de l’ÒNU incomplidas, e mai que mai per metre un ponch final a l’ocupacion de cèrts territòris sirians e palestinians, a la discriminacion sistematica de las personas palestinianas e per que se permeta lo retorn dels refugiats.
 
E mai se Clarmont d’Auvèrnhe es la primièra vila occitana a seguir la crida del movement BDS, d’autras vilas de l’estat francés la seguisson, es lo cas de Bondy (Seine-Saint-Denis) e d'Ivry-sur-Seine (Val-de-Marne). An seguit tanben l’apèl los conselhs municipals d’autras vilas en Irlanda, Espanha, Suécia, Itàlia, al Reialme Unit e en Austràlia.
 
Aquela crida de la societat civila palestiniana a quitament obtengut que l’Union Europèa impause un etiquetatge diferenciat dels produches en provenença dels territòris ocupats per l’estat d’Israèl.
 
 
Oposicion del cònsol màger
 
Lo cònsol màger, Olivier Bianchi, s’opausa fòrtament al tèxte aprovat pel conselh municipal e declara, dins un comunicat oficial, que “lo conflicte israelopalestinian es pro sensible, fa resson dins nòstras consciéncias a tantas dolors e sofrenças [...] que me sembla pas fondat per una municipalitat coma la nòstra, de suscitar d’inutilas, e mai dangeirosas tensions, aicí a Clarmont-Ferrand”. Bianchi apond que vòl "precisar e explicitar sa causida” davant “la violéncia de las reaccions de tot bòrd”.
 
 



 
 
Reaccions de colèra
 
D’un costat, l’estat d’Israèl acusa França de favorir los boicòts après las instruccions donadas per París als actors economics per l’aplicacion d’aquela decision comunautària de l’etiquetatge diferenciat.
 
E ara la vila nòrd-occitana es jos lo fuòc de las criticas dels rets socials e provòca fòrça demandas e reaccions de las associacions israelianas e/o josievas, çò rapòrta Russia Today.
 
 

 


 



Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.
 
 



publicitat
BANER1-2-3: DGPL TRADUCTOR



Comentaris

31 de decembre 20.44h

Cal posar en evidencia l' ipocresia de los que volen far coma los nazis, encara qu' eles foren sas victimas a la segomda guerra mundiala.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

31 de decembre 12.34h

Un còp de mai vesèm qu'es malaisat d'anar contra Israèl, que prendriem pas de pincetas coma-quò si èra un autre país que violava los acòrdis de l'ONU... Aquela chausida es coratjosa, òsca Clarmont d'Auvèrnhe !


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

30 de decembre 13.30h

#2 Es plan çò que disi. Mas los que sostenon la politica de l'Estat israelian vòlon enebir tota critica del sionisme e de la colonisacion en disent que los que fan aquelas criticas son d'antisemitas. Actualament, estar acusat d'antisemitisme dins nòstre país correspond a una mòrt sociala e professionala. Es perqué lo mond an paur de criticar la politica d'Israel. La decision de Clarmont es donc fòrça coratjosa perqué riscan d'estar atacats violentament et lo cònse, qu'a plan comprés... Legir mai


Valoriza aqueste comentari:   votar positiu 20   votar negatiu 5
Respondre comentari replica Comentari inadeqüat   Formulari d'abús de comentari

30 de decembre 10.07h

#1 antisemtia e antisionista son de mots e de concèptes complètament diferents. Es de marrida fe ensajar de los confondre


Valoriza aqueste comentari:   votar positiu 20   votar negatiu 2
Respondre comentari replica Comentari inadeqüat   Formulari d'abús de comentari

30 de decembre 09.59h

Clarmont d'Auvèrnha es una ciutat antisemita...çò dison los facistas Israëlians e los sionistas.
Dins aquèl cas, un antisemita es qualqu'un que los Josieus extremistas aiman pas.


Valoriza aqueste comentari:   votar positiu 11   votar negatiu 6
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 24
  • sol Aush 23
  • sol Bordèu 23
  • sol Briançon 15
  • sol Caors 21
  • sol Carcassona 20
  • sol Clarmont-Ferrand 22
  • sol Confolent 21
  • sol Gap 15
  • sol La Canau 22
  • sol La Gàrdia 22
  • sol Limòtges 22
  • sol Lo Borg Sant Dalmatz 18
  • sol Lo Puèi de Velai 20
  • sol Marselha 22
  • sol Montpelhièr 21
  • sol Naut Aran 17
  • sol Niça 21
  • sol Nimes 22
  • sol Pau 21
  • sol Peireguers 24
  • sol Rodés 24
  • sol Tolon 22
  • sol Tolosa 23
  • sol Valença 21

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Menton, 'a vivaroalpenca maritima

  • Estivada 2013. © Guillem Sevilla

    Estivada 2013

  • © Franc Bardòu

    País Bordalés

  • © Franc Bardòu

    Asuèlhs de Lauragués

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • D.R.

    Tren e occitan

  • © Laurenç Revèst

    Dau castèu de Grimaud

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Menton, 'a vivaroalpenca maritima

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Sud Tolosan. © Franc Bardòu

    Concors d'estiu 2012: La fotografia de las vacanças

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Zep Armentano

    25au Corsa Aran per sa Lengua

  • © Xavi Gutiérrez Riu

    Baish Ador

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Estivada 2013. © Guillem Sevilla

    Estivada 2013

  • © Laurenç Revèst

    Economia occitana: fromais, lenga occitana e país d'Òc

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)