Los abitants de Los Angeles, als Estats Units, foguèron fòrça estonats dimenge passat, 1r de genièr, quand sortiguèron per carrièras o agachèron per la fenèstra. Lo famós panèl amb las enòrmas letras que ditz “Hollywood” foguèt desviat durant la nuèch de cap d’an, en mostrant lo mot “Hollyweed”. La polícia a dobèrt una enquèsta mas per ara se sap pas qual es lo responsable d’aquel desviament.

De tot biais, “weed” es un biais de nomenar la marihuana, e donc, la transformacion a daissat lo panèl amb lo sens de “Santa Marihuana”. Aquela badinada, amb lo rèiregost de l’èrba, s’es tenguda just après dos meses de la legalizacion totala de la marihuana en Califòrnia. Lo meteis jorn que los estatsunidencs elegissián Donald Trump coma president, los estats de Califòrnia, Nevada e Massachussets aprovavan la legalizacion de la planta per totes los usatges.

Curiosament, aquela badinada la faguèron tanben en 1976, coma o explica aqueste sit web sul cannabis.

Hollyweed!!!  I think security took the night off last night in Hollywood. pic.twitter.com/ycQXzjsyjG

— Sd3gaughC (@Sd3gaughC) 1 de gener de 2017