Actualitats
Chile: 30 jorns enterrats dins la mina per n’evitar lo barrament
Los caumaires exigisson l’intervencion dirècta de l’estat per salvar la mina e que desenant aquesta siá administrada pels obrièrs
En Chile, una còla de menièrs an començat una lucha que nos evòca plan la que tenguèron los carbonièrs de La Sala en 1961. Setanta-cinc menièrs chilians son embarrats dins la mina dempuèi 30 jorns. Protèstan contra lo barrament de la mina de Santa Ana decretat pel govèrn de Michelle Bachelet. Las autoritats asseguran que la mina complís pas las mesuras de seguretat exigidas actualament.
Los caps sindicals comuniquèron amb eles la nuèch de la fin de l’annada per lor dire que lo govèrn de Chile lor ofrís 17 500 èuros a cadun se quitan la cauma. Mas los menièrs o an pas acceptat e son totjorn embarrats dins la mina. An quitament blocat los accèsses en demorant connectats a l’exterior solament per un pichon tube per ont intra de temps en temps un pauc de liquid.
La mina es en quincanèla dempuèi l’an 2015 e lo govèrn chilen la prenguèt en carga amb la promessa de l'actualizar e la manténer dobèrta, mas ara assegura ara que la cal barrar. Pasmens, los menièrs assolidan que las autoritats an pas cercat de crompaires.
Los caumaires exigisson l’intervencion dirècta de la presidenta Bachelet e l’apòrt de l’estat de 500 milions de pesos chilens (aperaquí 700 000 èuros) per far foncionar la mina, mas qu’ara aquesta siá dirigida pels quites obrièrs.
Mai d’informacions sus Radio Villa Francia.
Los caps sindicals comuniquèron amb eles la nuèch de la fin de l’annada per lor dire que lo govèrn de Chile lor ofrís 17 500 èuros a cadun se quitan la cauma. Mas los menièrs o an pas acceptat e son totjorn embarrats dins la mina. An quitament blocat los accèsses en demorant connectats a l’exterior solament per un pichon tube per ont intra de temps en temps un pauc de liquid.
La mina es en quincanèla dempuèi l’an 2015 e lo govèrn chilen la prenguèt en carga amb la promessa de l'actualizar e la manténer dobèrta, mas ara assegura ara que la cal barrar. Pasmens, los menièrs assolidan que las autoritats an pas cercat de crompaires.
Los caumaires exigisson l’intervencion dirècta de la presidenta Bachelet e l’apòrt de l’estat de 500 milions de pesos chilens (aperaquí 700 000 èuros) per far foncionar la mina, mas qu’ara aquesta siá dirigida pels quites obrièrs.
Mai d’informacions sus Radio Villa Francia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo que cal es que l'estat los cerque un trabalh, se es pas rentabla la mina, edoncas que los trebalhadors cobren un atur,mentre los cercan una altra ocupacion. Han filhs, e femna e poder pas viure de l'aire del cel. Visca la classa trabalhadora !
lo jornalet soventei fes nos adus de novèlas 'irrelevantas" d'un interès mitigat, mai tanbèn se pot far commentaris pertinents, per aguer visitat ,en 1952, una mina de carbon auvernhassa a Brassac -vuèi barrada dempuei au mens 40 ans,-devi dire qu'es una benuranbça que totei lei minas de carbon aguèsson dispareigut, remplaçadas per la benvenguda energia nucleara. Imaginatz vos d'omes nus vestit soncament dau casco e d'una centura que li pendolavan seis eisinas, de minurs que susavan tota l'aiga de son cors a 1000 metres de fonchor e a mon fraire e a ieu, nos faguèron tenir lo martèu-pîcur un bon quart d'ora de temps per que veguessiam ço qu'èra aqueu trabalh, onte an aquesta epoca li aviá mai de productivitat que dau temps de nostre paire grand que manejava lo pic e que moriguèt joine de silicosi, aquelei travalhaires de la mina chilena aurián mielhs fach non pas s'embarrar dins son sepulcre de carbon, puslèu de reclamar la construccion d'una centrala nuclera o d'aulianas sus leis Andas
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari