Actualitats
Escritura de 2012, del 25 al 27 d'abril
L'IEO-Aude organiza los encontres entre escrivans e public
Escritura de 2012 serà un temps de rescontre entre escrivans e public que se debanarà a la fin d’abril a Montoliu e Carcassona.
Lo rescontre començarà dimècres 25 d'abril a Montoliu amb lo conte tradicional La Gata blanca a 15h a la Bibliotèca, puèi, a 18h30 al Musèu, i aurà la presentacion de l’antologia de la poesia occitana recenta Camins dubèrts (Letras d’Òc) amb unas lecturas.
Dijòus 26, a Carcassona, a 18h a la librariá Mots&Cie, Miquèl Decòr legirà poèmas e signarà son recuèlh novèl La camèla blanca (IEO-Vendémias).
Divendres 27, a 18h30 a l'Ostal Sirventés de Carcassona se legirà L’Òme que plantava d’arbres (J. Giono, ed. Vent Terral) e se charrarà amb lo reviraire Jòrdi Blanc. Dins la jornada, Jòrdi Blanc rescontrarà las classas primàrias bilengas de Carcassona per parlar de Lo princilhon.
La manifestacion es mesa sus pè per l’IEO-Aude amb lo concors de Montoliu, Vilatge del Libre e de la Bibliotèca de Montoliu e amb lo sosten del Conselh general d’Aude.
Los amoroses de literatura occitana poiràn acabar la setmana en anent a Sent Orenç (Lauragués) a la Jornada del libre occitan lo dimenge 29 d’abril!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari