Bandièra01 1180x150: Comuna de Tolosa

Actualitats

Es mòrt lo prestigiós sociològ polonés Zygmunt Bauman

Son trabalh se caracteriza per sa critica de la vida modèrna, explicada dins divèrsas òbras coma Amor liquid, La societat individualizada e Vida de consume

| re:publica

Lo prestigiós sociològ polonés Zygmunt Bauman nos quitèt diluns a l’edat de nonanta dos ans. L’ideològ de la societat liquida moriguèt a Leeds (Anglatèrra), çò raportava lo jornal polonés Gazeta Wyborzca.

 

Bauman ensenhèt la sociologia a l'Universitat de Varsòvia entre los ans 1954 e 1968. Aquel an, dins una purga antisemita, perdèt sa plaça de professor e emigrèt dins l’estat d’Israèl. Demorava en Anglatèrra dempuèi l’an 1971, ont foguèt professor de l'Universitat de Leeds fins que se retirèsse en 1990. Sas primièras òbras èran en polonés. A partir de 1972, publiquèt sos estudis e ensages en anglés. Se consagrèt a la filosofia fins a sa darrièra alenada.

 

Lo trabalh de Bauman se caracteriza per sa critica de la vida modèrna, explicada dins divèrsas òbras coma Amor liquid, La societat individualizada e Vida de consume.

 

Militèt al Partit Comunista a Varsòvia après tornar a l’URSS pendent la Segonda Guèrra Mondiala.


 
 

 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article