Actualitats
Lo CIRDÒC prepausa una serada per far lo torn del Mond
L’eveniment apelat “Viatge immobil” se tendrà aqueste dissabte e prepausa de descobrir de grands tèxtes de l’umanitat dins lor lenga originala e mai dins lors versions occitan e francesa
Se dissabte que ven, vos trobatz a Besièrs, lo CIRDÒC vos prepausa l’escasença de far un torn del Mond, de sas lengas, de sas civilizacions e quitament de sas sabors dins l’encastre d’una velhada inedita. Aquel “viatge immobil” se compausa d’una serada de lectura de contes e d'intermèdis musicals, e mai una serada plan gormanda pels afeccionats dels bons vins, de la bona pastissariá, del tè e de las bonas descobèrtas gustativas.
A partir de 18h, lo salon de lectura vendrà una veritabla Tor de Babèl ont los participants poiràn descobrir de grands tèxtes de l’umanitat dins lor lenga originala e mai dins lors versions occitan e francesa: lo persan d’Omar Khayyam, l’anglés d’André Brink, l’espanhòl de García Lorca...
Aicí podètz trobar lo programa detalhat de la serada.
Per mai d’informacion e per vos inscriure, contactatz lo CIRDÒC al +33(0)4 67 11 85 10 o per e-mail a secretariat@cir...
Lo CIRDÒC se tròba sus la Plaça del 14 de Julh de Besièrs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Començar lo viatge per Montpellier,Narbona, Besier, Carcasona, Tolosa, Bordeus, Pau, Barcelona, Roma, Palma,e tornar. Que ja n'hi ha pron!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari