Actualitats
La Guépia: balèti amb La Talvera
L’espaci cultural La Distillerie des Arts aculhirà lo 5 de febrièr que ven l’istoric grop musical albigés
La Talvera animarà un balèti lo 5 de febrièr que ven a La Guépia (Segalar Roergàs). L’eveniment se tendrà al cafè associatiu La Distillerie des Arts de 15h a 18h. L’entrada costarà 7 èuros e s’ofrirà de bevendas e de restauracion sus plaça.
La Talvera es un grop de musica essencial per la revitalizacion e la difusion de la cultura occitana. Dempuèi 1979 explora e enriquís lo repertòri tradicional occitan. Es atal que lo grop prepausa de musica de raiç tradicionala restacada a la modernitat e a las musicas del Mond entièr.
De son costat, La Distillerie des Arts es un centre cultural inaugurat lo 1r d’octòbre passat dins la vila segalina. Lo sit es plaçat dins una anciana distillariá d’òlis essencials e prepausa plusors activitats variadas artisticas e innovantas. Es un endrech fach per escambiar, per aprene, per gaudir d’un concèrt o d’un balèti, e tanben un luòc per manjar quicòm o beure un còp. Lo darrièr dijòus de cada mes, prepausa lo Cafè Occitan, per escambiar en tot promòure la lenga del país.
La Guépia es una vila plan engatjada per la revitalizacion de l’occitan: aculhís l’Universitat Occitana d’Estiu.
Balèti amb La Talvera
5 de febrièr de 2017de 15h a 18h
La Distillerie des Arts
Rota de Varenh - 82250 La Guépia
Mai informacions al +33 (0)6 25 21 18 99
La Talvera es un grop de musica essencial per la revitalizacion e la difusion de la cultura occitana. Dempuèi 1979 explora e enriquís lo repertòri tradicional occitan. Es atal que lo grop prepausa de musica de raiç tradicionala restacada a la modernitat e a las musicas del Mond entièr.
De son costat, La Distillerie des Arts es un centre cultural inaugurat lo 1r d’octòbre passat dins la vila segalina. Lo sit es plaçat dins una anciana distillariá d’òlis essencials e prepausa plusors activitats variadas artisticas e innovantas. Es un endrech fach per escambiar, per aprene, per gaudir d’un concèrt o d’un balèti, e tanben un luòc per manjar quicòm o beure un còp. Lo darrièr dijòus de cada mes, prepausa lo Cafè Occitan, per escambiar en tot promòure la lenga del país.
La Guépia es una vila plan engatjada per la revitalizacion de l’occitan: aculhís l’Universitat Occitana d’Estiu.
Balèti amb La Talvera
5 de febrièr de 2017de 15h a 18h
La Distillerie des Arts
Rota de Varenh - 82250 La Guépia
Mai informacions al +33 (0)6 25 21 18 99
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A! Mes que's hè, l'autoprocion suu jornalet?
Un còp, que i avó hèra de comentaris negatius sus un eveniment anonçat per la persona qui l'organisava...
N'i pensavi pas mei, té!
Bon, e ben lo grop Eyes Of Simurgh que darà un concèrt de stoner metal en lenga nosta doman ser au Celtic Pub a Tarba. L'eveniment que comença a 19h (mes nosauts que jogaram de cap a 21h...)
ça-vietz, aimador(a)s de bon metal, de bon rock, d'occitan, o de hèsta!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari