Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Drollets e Mainatjons (DeM) cèrca d’associacions o d’entrepresas per portar un projècte de micromecenatge

L’an passat, CLAE Bayard-Matabuòu de Tolosa arribèt pas de finançar atal lo vespralh de sos mainatges a causa d’un legalisme rigid

Lo Centre de Léser Afiliat a l’Escola Bayard-Matabuòu [Matabiau, oficialament] de Tolosa (CLAE), que realiza la sèria d’animacion Drollets e Mainatjons (DeM), reüssiguèt pas l’an passat, a causa d’un legalisme rigid, son operacion de micromecenatge que sa tòca èra de balhar lo vespralh a sos mainatges. Ara son a cercar una entrepresa o una associacion per portar lo projècte de micromecenatge. Mercés de mandar las vòstras proposicions a panamondin@gmail....
 
Drollets e Mainatjons (DEM) es una sèria de dessenhs animats qu’a realizats e meses en linha lo centre de léser afiliat a l’escòla Bayard-Matabuòu de Tolosa. En decembre 2015, Jornalet presentava los 4 primièrs episòdis. Ara, amb la publicacion de l’episòdi 6 entitolat “La Proïbicion”, cèrcan de reviscolar l’idèa del microfinançament, siá sus Kisskissbank, Ulule, o quitament Totsuma.cat... La tòca d’aquel projecte es d’organizar un vespralh gigant pels mainatges de l’escòla, per fin que pòscan metre en valor lors envejas amb lors estudis. 

 



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Panamondin Tolosa
1.

La vespralha deu esser equivalent a 260 porcions. Per d'unes officiaus "los revenguts financiers que serian recebuts d'aquela mena per una activitat peri-escolara serian pas conforma al biais tradicional de financement de la structura en carga de l'educcion populara." Mas la porta es pas estada completement barrada.
Sera pusleu judicios de se virar cap a una associacion o d'una entrepresa que vol portar lo projecte de micromecenatge. Aital, lo logo de l'associacion del CLAE sera visible als generics en mai de l'identitat visuala del futur mecene.

Alara que lo darrier episodi sonhat « La prohibicion » es en linha dempuei qualques jorns, tornam al trabalh un cop de mai esperant l'occasion de trobar de partenaris per capitar nostre objeciu. Es doncas l'escasença de rembrembrar la toca del projecte avans de crear un novel film. Drollets e Maintajons es una seria d'animacion corteta qu'establis un ligam entre dos culturas mai que millenarias entre occident e lo levant a l'entorn de la gastronomia. Gracia a
de lengas d'Oc que son a l'encop especificas locaument mas tamben globalement transcendentalas dins una mondialisacion anant enlai d'un lineatge cultural roman e latin; aquel divertiment cerca a esser intelligible per una poblacion la mai larga possibla.
Dins una amira acculturativa provanta que l'apprentissatge de la cultura del pais pod apondre força valor a l'educacion dels joves, lo clae cerca a transformar aquel ensag d'una faiçon pragmatica gracia a l'acquisicion de porcions de vespralhas. L'accion permet d'evitar de conflictes e tots los pichots chepics quotidian d'una cort d'escola : gelosia, panatoris, batestas e nafraduras sanguinolentas… Podetz ajudar los escolans a tastar un daquos unic per lors quatre oras. Aquel quicom delicios podria esser vostre produch o una manjisca crompada gracia a vostre servici que sera visible sul filmot. A l'ora ont la produccion coma la consomacion se deu far amb de circuits cortets, nostre sicut d'animacion semble offrir una solucion de comunicacion pertinenta per una alimentacion de qualitat.
Volem far un aliança amb un productor o un industrial de compotas, biscueits o autre solucions anti-gaspi de tipe «golas-rompadas» coblada a une operacion de financement participtiu. Las ressorças balhadas aital per de mecenes mencionats al generics de fin seran tornats affectats a la crompa de porcions supplementaris aquesidas via notre partenari principau que nos aura balhat las dos cent seisantas primieras porcions per un troc classic. Noiridura contra reclama a la debuta del film. Los autres mecenes financiers que seran passats pel micromecenatge en linha seran visible al generic de fin de l'animacion segon l'ordre creissent de lor contribucion.


Per acabar vaqui aici-jos, un avans gost qu'es extrach del film a seguir l'an que ven. Sera intitolat «La fusac» e trachara d'un afros fada del affars : un fond de retirada de l'empiri del solelh que vol crompar la cantina centrala de l'escola. La petega s'empara de nostre cola de set amics: Romegaire, Capolier,Curiosa, Joarela, Clucas, Cinic e Neci que soscan leu a una parada...

[…]
Engostralhaires de carnifalha

Amators de mica de tresalha

O de la moleda de tosella

Que l'om porta al fons de l'escarcela

Si la granda fam bota defora

Chapaires de tastos, manja vioca

Bofa afogassets abans l'ora

E autras galavards de tapioca

[…]
Degun a jamai sonhat lo rampel,

Tot lo mond s'agropa en tropel.

Per los qu'an causit coma mestier

De trabalhar amb lo bistortier.

Un clafotis de poma, de pera?

Vaqui lo peculi qu'om espera:

Novator sera un brick d'estofet

Qu'emporta dins sa pocha lo gaffet.

[…]
Per temps de plovina, ma copina

Chopina de la pebrina fina

Dins sa topina e un gros campairol

Salvatge al fond d'un prigond pairol.

Sus l'esplanada dels ajocadors,

Los que blandon donas per las tardors,

Mancan pas de passar per de bel piots

Quand n'an pas menat de polits clapiots.

Arpentaires al ras de trepadors,

Pescofis de pichons escoladors,

Cercaran totas las bedocetas,

Que poiran trovar sus las placetas.

[…] A leu

  • 1
  • 0

Escriu un comentari sus aqueste article