Actualitats
L’espelida dels populismes agrava la corrupcion
Segon lo rapòrt annal de Transparéncia Internacionala, Occitània es dins la zòna dels païses europèus percebuts coma los mai corromputs
Transparéncia Internacionala avertís, dins son rapòrt annal, que l’espelida dels populismes agrava la corrupcion aquí ont aqueles partits tòcan lo poder. L’organizacion internacionala, que susvelha la corrupcion enterpresariala e politica, soslinha que, quand los populistas meton en practica lors promessas, destruson las institucions democraticas e afeblisson las estructuras que fan contrapés. Lo rapòrt mençona coma exemples Turquia e Ongria e lo quite president dels Estats Units, Donald Trump.
L’indèx de Transparéncia Internacionala plaça tornarmai los païses del nòrd d’Euròpa dins las primièras posicions de la lista. Tanben la Nòva Zelanda es a egalitat amb los païses escandinaus amb 90 ponches sus 100.
En çò que tanh a Occitània, l’estat francés es en 23a posicion amb 69 ponches, l’espanhòl en 41a amb 58 ponches, a egalitat amb Còsta Rica, e l’estat italian en 60a posicion amb 47 ponches, coma Cuba. Los tres estats son dins lo grop dels païses europèus percebuts coma los mai corromputs, mai que mai Espanha e Itàlia. Avèm pas de donadas de Mónegue.
Los estats mens corromputs e mai transparents del Mond son, segon aquel rapòrt, Danemarc e la Nòva Zelanda amb 90 ponches, puèi l’indèx plaça Finlàndia (89 ponches), Suècia (88), Soïssa (86) e Norvègia (85), seguidas de Singapor (84), dels Païses Basses (83), de Canadà (82) e d’Alemanha, de Luxemborg e del Reialme Unit, totes tres amb 81 ponches.
Los pus corromputs e mens transparents son Somalia, lo Sodan del Sud, la Corèa del Nòrd e Iemèn, qu'atenhon pas los 14 ponches.
L’indèx de Transparéncia Internacionala plaça tornarmai los païses del nòrd d’Euròpa dins las primièras posicions de la lista. Tanben la Nòva Zelanda es a egalitat amb los païses escandinaus amb 90 ponches sus 100.
En çò que tanh a Occitània, l’estat francés es en 23a posicion amb 69 ponches, l’espanhòl en 41a amb 58 ponches, a egalitat amb Còsta Rica, e l’estat italian en 60a posicion amb 47 ponches, coma Cuba. Los tres estats son dins lo grop dels païses europèus percebuts coma los mai corromputs, mai que mai Espanha e Itàlia. Avèm pas de donadas de Mónegue.
Los estats mens corromputs e mai transparents del Mond son, segon aquel rapòrt, Danemarc e la Nòva Zelanda amb 90 ponches, puèi l’indèx plaça Finlàndia (89 ponches), Suècia (88), Soïssa (86) e Norvègia (85), seguidas de Singapor (84), dels Païses Basses (83), de Canadà (82) e d’Alemanha, de Luxemborg e del Reialme Unit, totes tres amb 81 ponches.
Los pus corromputs e mens transparents son Somalia, lo Sodan del Sud, la Corèa del Nòrd e Iemèn, qu'atenhon pas los 14 ponches.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los populistas. Que's acò? Lo pp, la churma o cabrum que disen a Mallorca. Se qu' existeissin, mas la premsa privada son los principals populistas.
#2 Los espanhòls dison: "Aunque la mona se vista de seda, mona se queda". Qué vòls, Gerard, lo muòl, encara que sàpia escriure, es pas qu'aquò, un muòl.
N'i a un sadol de véser utilizat lo tèrme de populisme Benlèu, mantuns vòlen anar
en contra de ço que pensa la màger part del monde. Aquel mòt es représ per
politicians (elegits de fait per una minòritat) que an paur de perdre lor ganhapan. Coma disiá Berthold Bretch, "ja que lo pòble vòta contra lo governament, cal dissòlvre lo poble".
Mesfiatz-vos quand mesme de tot çò que se dich sur Trump dins los medias oficiaus. Los medias oficiaus son finançats per aqueus qu'an interests a far montar lo populisme e lo caòs dins las vielhas republicas e que son menaçats per un cambiament de mentalitats au niveu internacionau.
Transparença internacionala, qui quò es? Trabalha per qui?
#1http://www.lexilogos.com/provencal/felibrige.php?q=annadier
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari