Bandièra01 capçalera  1180x150: Novestivada

Actualitats

Cecenon: doas collegianas premiadas a la Dictada Occitana

Elodia e Morgana participèron a la Dictada Occitana que se debanèt pel primièr còp a Cecenon (Besierés) lo 28 de genièr, dins la categoria “collègi”. L’associacion occitana del vilatge decidiguèt de marcar aquel moment de recampament dins son quite vilatge puslèu que de compausar a Castras. Per las doas collegianas, foguèt l’escasença de tastar l’espròva.
 
Morgana es eissida de l’escòla Calandreta e contunha naturalament l’occitan en seisena. Elodia es inscricha en occitan dempuèi septembre al collègi de Cecenon. E mai se trobèron la causa pas totjorn aisida, regrètan pas d’aver pres l’estilo e finisson que dison: “Tornarem l’an que ven!”. Es amb los braces cargats de presents e lo cap clafit de sovenirs que nòstras doas premiadas clavan aquela jornada dedicada a la lenga nòstra.
 
 
 
 
Barbara Rouquette
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
3.

Lo futur serà d'elas.

  • 1
  • 0
Tè Vé Òc Nimes
2.

Òsca ai collègians de Cessenon qu'estudian l'occitan ! Ja l'an passat creèron un cort metratge amb Tè Vé Òc a l'iniciativa de la professora d'occitan e l'ajuda de Zo Petaçon ! "Super Òc a Cessenon"
Lo podètz regardar aquí : http://teveoc.e-monsite.com/pages/produccions/page-1.html

  • 8
  • 0
Pirolet
1.

Es lo paure Cristian Laus que seriá estat content de veire que de joves de son vilatge prenon la relèva, el qu’èra nascut al masatge de Lunhé, comuna de Cecenon!

  • 7
  • 0

Escriu un comentari sus aqueste article