Bandièra01 1180x150: Comuna de Tolosa

Actualitats

Catalonha: rendon omenatge als exiliats republicans a Argelers de la Marenda

Lo govèrn de la Generalitat de Catalonha a installat una estèla commemorativa en cinc lengas, dont l’occitan

| Generalitat de Catalonha
A l’ocasion del Jorn Mondial de l’Exili e de la Deportacion, lo govèrn de la Generalitat de Catalonha faguèt dimenge passat a Argelers de la Marenda (Catalonha Nòrd) un omenatge a las personas forçadas a l’exili en consequéncia de la Guèrra d’Espanha (1936-1939) en tot installar una estèla commemorativa en cinc lengas, dont l’occitan.
 
La tòca de la jornada èra de far un acte de memòria e de reconeissença als exiliats republicans e tanben de generar consciéncia critica e sensibilitat davant los exilis e los desplaçaments forçats que se tenon a l'ora d'ara pertot, coma lo drama umanitari que viu uèi la Mediterranèa.
 
Lo govèrn sud-catalan èra representat pel conselhièr dels afars exteriors, Raül Romeva, e èra acompanhat pel cònsol màger d’Argelers, Antoine Parra, e de la presidenta del Parlament de Catalonha, Carme Forcadell. Demest los autres elegits, la region qu’a pres lo nom d’Occitània èra representada pel conselhièr regional Guy Esclopé.
 
“La melhora pròva que los ideals republicans son totjorn vius, es que sèm uèi aicí per remembrar lor resisténcia e lor capacitat de superar lo malastre”, çò diguèt Romeva davant aperaquí 800 personas. En mai d’aquò, en tot recordar los refugiats d’alavetz que“fugissián lo faissisme e una mòrt gaireben segura”, se remembrèt dels refugiats actuals, que, segon lo conselhièr catalan, son de “personas que cèrcan de refugi e escapan a d'autras guèrras”.
 

 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
3.

Conec, i de prop gent que hi va ésser, i no fa gràcia.
No sols no ens van ajudar a la Guerra, sinó que després ens van maltractar.
I no vam fer res dolent.
Visca la Terra...Lliure!
L'Ernest, "El Tàrrega".

  • 0
  • 0
francesc palma
2.

Los herois catalans homenajats sempre. Urra!

  • 0
  • 0
Montesquieu Peirigòrd
1.

Un Republican catalan que se retròba en Catalonha Nòrd, si qu'es un refugiat politic,— e mai un eròi de guèrra e un exemple de ciutadanetat — mas non soi pas d'acòrdi per daissar dire qu'es un exiliat. Catalonha Nòrd es Catalonha, non pas una tèrra d'exili, per un ciutadan catalan…

  • 8
  • 4

Escriu un comentari sus aqueste article