Bandièra01 capçalera  1180x150: Novestivada

Actualitats

crotz-tolosaCreated with Sketch.LengadòcLengadòc BasBesierés

Puègserguièr: los Goulamas’K an presentat lor darrièr album amb una festassa

Se presentava lo darrièr album entitolat Resisténcia e se festejava lo 18n anniversari de la banda amb mai de 600 concèrts e 6 albums autoproduches

| Goulven Gonthier
Goulamas’K organizèt dissabte passat a Puègserguièr, lo vilatge ont demòra la banda de musica ska-ròck, una fèsta per presentar son darrièr album Resisténcia. Una serada que lo cònsol màger de Puègseriguier, Jean Noël Badenas, definiguèt coma “una onda de mar a l’ostal del pòble per lo lançament del novèl CD dels Goulamas’K”. En mai d’aquò, segon Badenas i aguèt “una fola enòrma, un grop extraordinadi, una organizacion al pel, totes los ingredients per una serada memoriala. Felicitations per aqueste novèl CD e als benevòles qu’an permés aquestes moments”.
 
Amb aquela serada, la banda festejava tanben son 18n anniversari amb mai de 600 concèrts e 6 albums autoproduches.
 
La fèsta comencèt amb una taula de premsa amb ecran gegant, que conectèt via Skype amb de jornalistas de pertot, dont tanben Jornalet. Seguiguèt un aperitiu, de tapas e un concertàs dels Goulamas’K, de Sax peace tools e disco punk.
 

 

 
 
Virada de presentacion
 
Lo concèrt de dissabte passat èra lo segond d’una virada de presentacion qu’ara seguirà per Occitània tota e endacòm mai:
 
— 25 de febrièr: Aspiran (Besierés). Sala Rock-K13.
 
— 31 de març: Draguinhan (País de Faiença). Sala Bucéphale.
 
— 1 d’abril: Forcauquier (Forcauquierés). Sala Le K'fé Quoi.
 
— 2 d’abril: Marselha (País Marselhés). Sala Le Molotov.
 
— 15 d’abril: Ugena (Savòia, Arpitània). Festenal Ugine City Rock 2017.
 
— 26 de mai: Sebasac (Causse Comtal). Total Festum.
 
— 3 de junh: Castèlnòu de Guèrs (Besierés). Total Festum.
 
— 10 de junh: Puèglagarda (Causse de Cailutz). Total Festum.
 
— 17 de junh: Valognes (Normandia). Musiques en Fête.
 
— 2 de julhet: Sent Severin (Montmaurelian). Festenal Frairie de St-Séverin.
 
— 7 de julhet: Ròcla (Cevena Vivaresa). Festenal Sk’Ardèche.
 
— 8 de julhet:Candé-sur-Beuvron (Centre-Val de Léger). Festenal Les Candécibels.
 
— 22 de julhet: Nefiès (Besierés). Les Nieffestivales.
 
— 4 d’agost: Camplong (Corbièras). Festenal Les Estivales.
 
— 25 d’agost: La Palud de Verdon (País de Verdon). Festenal Endemik.
 
 
Lo nòu disc Resisténcia es ara disponible sus totas las plataformas numericas (Spotify, Deezer, iTunes, etc.) e tanben dins la botiga en linha del grop.
 
 
Esperit de fèsta e de revendicacions
 
Coneguts per la qualitat de lor musica e mai que mai de lors espectacles en dirècte, Goulamas’k ofrís totjorn dins Resisténcia una tièra de tèmas engatjats al servici d’Occitània e de l’umanitat dins lor “ròck acolorit e bolegant” fruch de la mescla de totas las musicas (ròck, ska, farandòla, punk, flamenco, hard-ròck...) amb l’influéncia, mai que mai, del solelh del país. Lo resultat es aquel esperit de fèsta e de revendicacions amb lo que Goulamas’k desliura una musica a l’energia devastatritz e contagiosa.
 
 
Lo drama dels refugiats
 
Lo combat antijacobin, antifaissista e antiracista de la còla dePuègserguièr se manifèsta mai que mai dins aqueste nòu album, notadament dins lo videoclip Las lagremas dels mòrts, una cançon en anglés e francés sul drama dels refugiats, e de tota la sofrença a l’entorn del conflicte de l’Orient Mejan. “Los descendents dels refugiats que sèm, podiam pas que reagir fàcia a aquelas orrors”, çò dison a la fin del vidèo.
 

 
 
Vòli volar
 
Cossí que siá, lo “hit” d’aquel album de Resisténcia es una cançon d’amor: Vòli volar.
 



Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
7.

Mas que manque pas la finesa. La polidesa sempre ajuda, cal pas espantar a la gent.

  • 0
  • 0
Pirolet
6.

#2 Sèta deu pas èsser dins lo ròdol de Besièrs-Montpelhièr, que i a fòrça nos italians e aquò es pas de ièr! E los espanhòls? A! Manca de sòrt, mon aujòl es arribat en 1920. E l'istòria de Lengadòc e Provença, a çò que vesi, s'arrèsta en 1914. N'i a per ne plorar!

  • 1
  • 1
Emmanuèl Isopet
5.

#3 « enjusqu'au XX sègle, trobarem pas la mendra traça de "refugiats" »
Evidentament, la terminologia càmbia. Abans se parlava pas de refugiats. Mas dempuèi que lo monde es monde, i a de refugiats.
Se nos tenèm al sègle XX, efectivament en 1914 en Occitània, i aviá pas gaire d'endreches ont se trobava de refugiats ; cal ça que la matissar lo prepaus, qu'amb los mejans modèrns de desplaçament, una persona que veniá de 300Km podiá èsser sentida tant estrangièra coma un sirian d'ara (remarcaretz qu'un geronés a Tolosa es classificat « estrangièr » mentre qu'un alsacian non… la geografia es pas una sciença matematica, los Km son elastics!).
Mas torni a nòstre afar de migrants (o refugiats) en 1914 en Occitània. Passarai sul fach que qualques vilas « industrialas » an plan escalprat de noms non-occitans sul monument. Anam pas entrar dins aquesta comptabilitat. Pausam nos la question : perqué en 1914 i a tant pauc de noms estrangièrs dins los vilatges (d'Ate en particulièr) ??? Perqué ? E ben simplament perqué a aquesta epòca èran los occitans los refugiats, los creva-la-fam qu'avián pas mai de que viure al país e que s'exilhavan a París, dins las colonias o a las Americas. Quantes partiguèron ? De milièrs. D'unes tornèron, de París, de las colonias o de las Americas. E faguèron d'enfants (que son donc d'enfants de refugiats economics tornats al país). D'autres faguèron soca endacòm mai.
Bon, aquò dich, l'idèa qu'abans i aviá una Occitània pura, amb solament d'occitans, sabètz çò que ne pensi… anam pas tornar als visigòts, al comte de Tolosa (germanic d'origina), als josius que faguèron quantes de còps l'anar e tornar entre Hispania e Occitània, evocarai pas Bernuy (lo basc-espanhòl milionari de la renaissença tolosana), ni los estivandièrs (sabètz aqueles sasonièrs que nos venián panar las dròllas al temps de las segas). Tot lo monde conéis un toponim, una familha de son canton, que son « plan d'aicí » mas que lo nom o es pas (aicí avèm Lafrançaise !).
Per claure l'afar sus Goulamask, sens conéisser la biografia de cadun, ne sabi que son efectivament descendents de refugiats, çò que los empacha pas, çò sembla, de cantar la lenga nòstra mai que d'unes « d'aicí dempuèi totjorn ».

  • 7
  • 3
Lo Muòl
4.

#3 Sufis d'anar visitar las taulas decennalas de las arquius 1802-1902 (son sus internet) de son airal e d'autres airals per constatar que de noms estrangièrs ne i a brica ! o alavetz quora un, quora l'autre.
De fach la realitat dis lo contrari de çò vendut par l'ideologia.
a un moment la messorga ben veritat.
Mas benleu qu'es nosaus meteis que sem venguts refugiats

  • 5
  • 8
ben salat ben pebrat
3.

"los descendents dels refugiats que sèm" , los Goula-mas'k son enmascats, ,dins lo pais de Besiers, coma en Provença, enjusqu'au XX sègle, trobarem pas la mendra traça de "refugiats",li ,aurà agut de guerras religiosas, de guerras civilas amb de victimas, mai de refugiats, pas brica e encara mens de sei descendents. En auta Provènça pais d'Ate, una genealogista a fach la lista de toti lei patronimes deis abitants fins qu'à la guerrra de 14 e li a ren que de noms occitans ! Consurtatz lo monument dei moarts dins lei vilages a l'entorn de Besièr, ô Goula-Mas'k e desenmasquetz vos, se trobatz de noms d 'aqueles descendents de refugiats que serián morts per la patria, vos pagui de nesplas... (segonda version corregida dau comentari )

  • 7
  • 10

Escriu un comentari sus aqueste article