Bandièra01 capçalera  1180x150: Novestivada

Actualitats

De protèstas violentas dins la banlèga de París après lo viòl d’un jove arrestat per la polícia

Un agent es mes en examen per viòl e tres autres per violéncia volontària. Las protèstas devenon de susmautas que remembran la violéncia que se visquèt en 2005, mas la presumida victima apèla a la patz

François Hollande vesitèt a l’espital lo jove agredit per la polícia
François Hollande vesitèt a l’espital lo jove agredit per la polícia
La banlèga de París viu totjorn de nuèches de protèstas, susmautas e rambalhs après que la polícia aguèt arrestat la setmana passada un jove d’un biais fòrça violent a Aulnay-sous-Bois. Un agent es mes en examen per viòl e tres autres per violéncia volontària.
 
Las protèstas comencèron dissabte e son de mai en mai violentas amb d’incendis de veïculs e de botigas, e d’afrontaments amb la polícia que tenon de bilances de ferits e de detenguts considerables a cada jornada. Recòrdan la violéncia que la visquèt la banlèga de la capitala francesa a la davalada de 2005, quand lo ministre de l’Interior d’alara, Nicolas Sarkozy, diguèt amb mesprètz que netejariá la banlèga “amb Kärcher”. Pasmens, de l'espital estant, la presumida victima apèla a la patz, persuadida que "justícia sera facha".
 
 
Violat amb una matraca extensibla
 
La detencion qu'a provocat las protèstas se tenguèt lo 2 de febrièr passat. Lo detengut, Théo, es un jove negre de 22 ans que, segon son relat, los agents lo batèron mentre qu’un d’eles li metiá una matraca extensibla dins l’anus. Lo jove deguèt èsser operat a causa d’esquiçaduras.
 
Lo ministèri de l'Interior francés, Bruno Le Roux, anoncièt lo dimenge la suspension d'aqueles quatre foncionaris. Lo ministèri public raportèt que los agents volián contrarotlar l’identitat d’un desenat de personas suspèctas de susvelhar de ponches de venda d’estupefasents en aquela vila de la banlèga parisenca. Segon aquela version, los agents, que recebèron lo sosten de Marine Le Pen, se serián servits de gas lacrimogèn e d’una matraca extensibla pr’amor que lo jove resistissiá.
 
 
Hollande soslinha lo ròtle de la justícia
 
Lo president de la Republica Francesa, François Hollande, soslinhèt dimars passat lo ròtle de la justícia, mentre que vesitava la cort de Pontoise, al nòrd de París. “Es la garentida de las libertats dels ciutadans, quitament quand los agents de las fòrças de l’òrdre se veson meses en question”.

abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

No per anar pas contra la droga la policia ha de donar pel cul a los negres.

  • 2
  • 0

Escriu un comentari sus aqueste article