Bandièra01 capçalera  1180x150: Novestivada

Actualitats

crotz-tolosaCreated with Sketch.ProvençaProvençaPaís d'Ais

Ais de Provença: lo PÒC contra la manipulacion de l’istòria d’Occitània

Una marcha identitària amagava la commemoracion de l’accès d’Hitler al poder en se remembrar de Guilhèm Ir de Provença que luchèt contra los sarrasins

| Guillaume de Provence
Lo Partit Occitan (PÒC) ven de denonciar la manifestacion d’un “gropuscul neofaissista” que se tenguèt lo 28 de genièr passat a Ais de Provença. Jol lèma “marcha per l’identitat sextiana”, en francés, èra revendicada per Generacion Identitària. Commemorava l’ascencion d’Hitler a la cancelhariá d’Alemanha lo 30 de genièr de 1933, mas o cobrissián legalament en se remembrar de Guilhèm Ir de Provença, filh de Boson IId d’Arle, nomenat lo Liberator, que luchèt contra los sarrasins a l’entorn de l’an mila. Los manifestants portavan de simbòls nazis, de drapèls de Provença e ensagèron de cantar la Copa Santa en tot revendicar “l’identitat sextiana”.
 
“Ren a veire amb sa pretenduda «identitat provençala». Denonciam, amb la pus granda fòrça, aquela insuportabla recuperacion”, çò ditz lo comunicat del PÒC, en fasent un pauc de pedagogia sus l’istòria del país:
 
D’un costat, perque l’escut dei Bosons d’Arles es pas lo drapèu que nos leguèron lei catalans, es de fach la crotz occitana dont eiretaràn lei còmtes de Tolosa, marqués de Provença, mai en seguida e sustot perque aquela tèrra de Provença es tota una autra causa.
 
Istoricament Provença es la Democracia dei grècs, la Republica dei romans, lei libertats comunalas dei cònsols e de la Constitucion Provençala, lo drech dei revolucionaris de 1789 e dei republicans de 1851, la resisténcia dei maquisards. Aquela tèrra, noirida de l’apòrt deis immigracions, a totjorn sauput integrar, sintetizar, fabricar dins la convivialitat de sei vilas e vilatges, una convivéncia seculara e totjorn viventa.
 
Sa lenga, l’occitan/lenga d’òc, legada per l’Empèri roman, magnificament cantada per sei trobadors que posavan dins l’imaginari dei poètas d’Al Andalús es estada partejada per lei nombrós arribants. L’accent qu’ela nos a laissat, contunha, coma lo francitan, de viure dins lei quartiers populars.”
 
Enfin, lo comunicat del PÒC refusa e recusa aquela vision ultradrechista e revisionista de nòstra istòria, que considèra qu’a “polluit a partir deis ans 1920 l’istòria dau regionalisme provençau”.
 
 
abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu Cevenas
7.

Desculturacion e tebesor de nòstra consciença collectiva + Pèrda de valors, endividualisme e materialisme + Absença d'ocupacion, per los autoctònes, dals espandis d'expression dau modus vivendi popular + Avenir de nòstra societat pensat e dirigit per una ponhadeta d'òlis parisencs =
Recuperacion faussada de nòstra anma !

Aquí onte laissèm lo voide (professionau manuau, sociau, culturau e cultuau), fariam repròchi als sud e nòrd-africans de las vilas mai als borruts e "bobos" franchimands dau campèstre de far viure lurs bagatges identitaris ?
Saique faliá èstre mens fug-l'òbra, laugièrs, vergonhós e replegats mès fièrs de... susar, viure e trasmetre Lo País ! De bòn dire, benlèu...
Mès fasètz parlar los pus o mens ancians avans de dire qu'aquò's faus.
Despuèi mai de 30 ans, quau es que vend mas emb de tèrras, emmandant los vièlhs a l'estau de retirada ? D'un biais o d'un autre, la natura, la vida tròvan totjorn mejan de poplar aquò voide.

Se aqueles extremistas voliáun un país mens en drandalh, aviáun pas que de se responsabilizar en eiretièrs qu'èran e auriáun espolsat lurs familhas per que l'eime dau País demorèsse e qu'eles venguèsson eiretièrs portaires d'una anma.
Ara, la sola anma que se construgon, ne'n van quèrre lo materiau dinc lo mite francés, dolorós que son de veire espelir un entredos civilizacionau.

Los pus fautius dinc aquel afaire : aquò's nautres, venguts decervelats e endividualistas, confles e molegasses.

  • 0
  • 0
reaccionari que se pot pas mai
6.

constati qu'avetz censurat mon comentari, qu'èri estat suspres qu'a z Ais se manifestèsse per l'identitat setori, vesi qu'avetz rectificat la cofa sestian en plaça de setori. ara, me sembla qu'en afortissent qu'aquela ponhada d'individùs festejavan la presa de poder de Hitler en 1933, es pas trop versemblabla qwue m'agradariá de veire "los simbols nazis". de segur, vostres redactors an vist a la tele la pegolada (retraite aux flambeaux) qu'acompanhava sovent lei manifestacions nazis d'aquesta epoca e aquo li a donat aquela "Schnapsidee", coma dison leis alemands, en mai d'aquo, lei nacionau-socialistas cantavan lo "Horst Wessel lied" e non pas la coupo santo coumo aqueleis identitaris d'Azais sensa dobte l'an cantada : "que vou dire ensajar de cantar senon cantar ? enfin, acusar lo regionalisme provençau deis annadas 20 dei pus marridas malafachas-la vision ultradrechista e revisionista de nostra istoria releva d'una ignorança abissala, perqué primier se i agut una federacion regionalista presidida per JF Brun èra a nivèu francés e de dos lei felibres provençaus amb J. d'Arbaud sostenián lo moviment popular qu'aviá esclatat contra un projècte de supression de "corridas" en Occitania en mai d'aquo coma interpretar lo manifesta federalista de 1893 signat per C; Maurras, monarquista e A. Marin, republican qu'èra encara a l'ordre dau ,jorn en 1920 dins lei mitans sestians de la revista "le feu" ? enfin, la pegolada es una tradicion dei votas provençalas-ancian temps que l'eletricitat a remandat a l'epoca dau calèu e de la marina a vela; Seriá dejà nazi quand Hitler tetava sa botelha de lach a Passau ?

  • 4
  • 2
francesc palma
5.

Son quatre gats.

  • 4
  • 1
La Bleta
4.

Combien sont-ils ? Une poignée ! Même pas sûr qu' ils soient une dizaine. Alors mieux vaut ne pas en parler pour ne pas leur faire de pub. C'estle piège dans lequel il ne fallait pas tomber. Ils seraient quelques dizaines actifs, OK. Mais là,franchement.... Tout sauf leur faire de la pub !

  • 6
  • 4
Julien Tsukuba
3.

De nòvas sus Ais-de-França deuriá estre dins la categoria "Internacional", aquò a ren de veire amb Occitania o Provença.

  • 5
  • 10

Escriu un comentari sus aqueste article