Òm se fasiá una fèsta de la represa de la Superliga, mas divendres una informacion venguèt gastar la dimenjada tretzista.
Val mai pissar que parlar
La comission disciplinària especiala antidopatge de la Federacion anoncièt la suspension per dos ans de l’arrièr dels Dragons Tòni Gigòt e del pilar de Limós, Sebastian Martins.
Los dos presentan de resultas negativas, mas se repròcha al jogaire catalan d’aver mal parlat al contrarotlaire (“de trufariás al segond gra”, çò ditz el) e al pilar d’aver refusat lo contraròtle dins un primièr temps. Probable que los jogaires van faire apèl d’aquesta decision.
Los Dragons solidaris
9 000 espectators avián pres dissabte lo camin de Brutus. Vegèron amb plaser que la formacion U-19 fòrtament renovelada seriá dins lo còp: egalitat 24-24 contra los joves de Warrington.
Dins la partida bèla, los Lops dobriguèron la marca, mas Myler profitèt d’una passa de l’alièr advèrs per marcar (una mena d’ensag contra son camp!) e Luke Walsh rajustèt una penalitat. 6-6 a la pausa. L’alièr Yaha èra sortit, lo genolh dolent; Tomàs Bòsc se transformèt en òme a tot faire: talonaire o arrièr per motivar los Sang e Aur.
Tre la represa, Greg Bird traucava la defensa anglesa e marcava al pè dels pals un ensag que Walsh transformava. La batèsta montèt en intensitat mas los Dragons, solidaris, pleguèron pas. Walsh rajustèt una penalitat. Los Angleses tornèron a 14-12 amb un ensag a tres minutas del tèrme. Mas los Dragons recuperavan la palma aprèp lo remandadís e, sus la còrna, Williame balhava de trabalh a l’arbitre vidèo, inactiu tota la partida. Ensag acordat, transformacion de Walsh e victòria catalana: 20-12.
Dijòus, la primièra partida de la sason vegèt la victòria de St Helens sus Leeds 6-4, mercé al catalan Teo Fages, marcaire de l’ensag dels venceires e òme de la partida. Divendres, Leigh comprenguèt lo nivèl de la Superliga (desfaita 44-16 a Castleford) e los Gigants d’Huddersfield s’emparèron del dracar de Widnes (28-16). Dissabte, lo campion Wigan ganhèt a Salford (26-16). Dimenge, victòria d’Hull FC a Wakefield (12-8).
Aquesta setmana, doas partidas son al programa: Huddersfield-Salfòrd dijòus e Leigh-Leeds divendres. Dissabte, Warrington reçauprà los Bròncos de Brisbane e dimenge, Wigan e las Làmias de Cronulla se disputaràn lo trofèu de la melhora formacion del monde tretzista (partidas de seguir sus BeInSport).
La partida venenta dels Dracs es per dijòus 23 de febrièr cò d’Hull FC.
Las aglas vòlon tròp naut
En Championship, dimenge, Tolosa Olimpic anèt desfisar las Aglas de Sheffield: una esquipa que los occitans an jamai batuda en sèt confrontacions. E uèit ara, amb una desfaita 32-14 aprèp una partida jogada sens lor menaire Jonathan Ford, nafrat al pè al darrièr moment. Dissabte, a Blanhac, Tolosa reçauprà los Dewsbury Rams.
Dimenjada ordinària en Elèit
Pas de suspresa aquesta dimenjada en Elèit 1. Dissabte, Lesinhan foguèt sens pietat pels Bròncos de Tolosa als Minimes: 82-4. Amb un ensag a cinc minutas de la fin, Albi l’emportèt sus Avinhon: 14-9.
Dimenge, los Dragonets ganhèron lo dèrbi catalan a Palau: 24-8. A Carcassona, los Canaris marquèron dos ensages d’entrada, mas los Orses de Sent Gaudenç se reviscolèron per tornar a 18-14 a la pausa. L’ASC ne tornèt metre un còp a la represa. L’alièr Hakim Miloudi marquèt quatre ensages dins la partida. Amb volontat, los Orses prenguèron lo punt de bònus: desfaita 38-26.
Al programa de la dimenjada: dissabte, un prometedor Dragonets-ASC (a 6 oras del vèspre, a Sant Estève) e Avinhon-Tolosa son al programa; dimenge, se jogaràn: Lesinhan-Palau, Limós-St Gaudenç e Vilanòva-Albi.
Per èsser complet, cal dire que l’esquipa de França A anèt ganhar contra los juniors d’Hull dijòus de ser: 40-10.
Quarts de Copa sens cap d’aficha
Dimècres, a Brutus, se tirèron al sòrt los quarts de la Copa que se jogaràn la dimenjada dels 25 e 26 de febrièr. Se jogaràn doas partidas Elèit 1 contra Elèit 2 (Bao-Carcassona e Vilafranca-Albi) e doas partidas entre formacions d’Elèit 1: St-Gaudenç-Lesinhan e Vilanòva-Limós.
Alan Roch
Val mai pissar que parlar
La comission disciplinària especiala antidopatge de la Federacion anoncièt la suspension per dos ans de l’arrièr dels Dragons Tòni Gigòt e del pilar de Limós, Sebastian Martins.
Los dos presentan de resultas negativas, mas se repròcha al jogaire catalan d’aver mal parlat al contrarotlaire (“de trufariás al segond gra”, çò ditz el) e al pilar d’aver refusat lo contraròtle dins un primièr temps. Probable que los jogaires van faire apèl d’aquesta decision.
Los Dragons solidaris
9 000 espectators avián pres dissabte lo camin de Brutus. Vegèron amb plaser que la formacion U-19 fòrtament renovelada seriá dins lo còp: egalitat 24-24 contra los joves de Warrington.
Dins la partida bèla, los Lops dobriguèron la marca, mas Myler profitèt d’una passa de l’alièr advèrs per marcar (una mena d’ensag contra son camp!) e Luke Walsh rajustèt una penalitat. 6-6 a la pausa. L’alièr Yaha èra sortit, lo genolh dolent; Tomàs Bòsc se transformèt en òme a tot faire: talonaire o arrièr per motivar los Sang e Aur.
Tre la represa, Greg Bird traucava la defensa anglesa e marcava al pè dels pals un ensag que Walsh transformava. La batèsta montèt en intensitat mas los Dragons, solidaris, pleguèron pas. Walsh rajustèt una penalitat. Los Angleses tornèron a 14-12 amb un ensag a tres minutas del tèrme. Mas los Dragons recuperavan la palma aprèp lo remandadís e, sus la còrna, Williame balhava de trabalh a l’arbitre vidèo, inactiu tota la partida. Ensag acordat, transformacion de Walsh e victòria catalana: 20-12.
Dijòus, la primièra partida de la sason vegèt la victòria de St Helens sus Leeds 6-4, mercé al catalan Teo Fages, marcaire de l’ensag dels venceires e òme de la partida. Divendres, Leigh comprenguèt lo nivèl de la Superliga (desfaita 44-16 a Castleford) e los Gigants d’Huddersfield s’emparèron del dracar de Widnes (28-16). Dissabte, lo campion Wigan ganhèt a Salford (26-16). Dimenge, victòria d’Hull FC a Wakefield (12-8).
Aquesta setmana, doas partidas son al programa: Huddersfield-Salfòrd dijòus e Leigh-Leeds divendres. Dissabte, Warrington reçauprà los Bròncos de Brisbane e dimenge, Wigan e las Làmias de Cronulla se disputaràn lo trofèu de la melhora formacion del monde tretzista (partidas de seguir sus BeInSport).
La partida venenta dels Dracs es per dijòus 23 de febrièr cò d’Hull FC.
Las aglas vòlon tròp naut
En Championship, dimenge, Tolosa Olimpic anèt desfisar las Aglas de Sheffield: una esquipa que los occitans an jamai batuda en sèt confrontacions. E uèit ara, amb una desfaita 32-14 aprèp una partida jogada sens lor menaire Jonathan Ford, nafrat al pè al darrièr moment. Dissabte, a Blanhac, Tolosa reçauprà los Dewsbury Rams.
Dimenjada ordinària en Elèit
Pas de suspresa aquesta dimenjada en Elèit 1. Dissabte, Lesinhan foguèt sens pietat pels Bròncos de Tolosa als Minimes: 82-4. Amb un ensag a cinc minutas de la fin, Albi l’emportèt sus Avinhon: 14-9.
Dimenge, los Dragonets ganhèron lo dèrbi catalan a Palau: 24-8. A Carcassona, los Canaris marquèron dos ensages d’entrada, mas los Orses de Sent Gaudenç se reviscolèron per tornar a 18-14 a la pausa. L’ASC ne tornèt metre un còp a la represa. L’alièr Hakim Miloudi marquèt quatre ensages dins la partida. Amb volontat, los Orses prenguèron lo punt de bònus: desfaita 38-26.
Al programa de la dimenjada: dissabte, un prometedor Dragonets-ASC (a 6 oras del vèspre, a Sant Estève) e Avinhon-Tolosa son al programa; dimenge, se jogaràn: Lesinhan-Palau, Limós-St Gaudenç e Vilanòva-Albi.
Per èsser complet, cal dire que l’esquipa de França A anèt ganhar contra los juniors d’Hull dijòus de ser: 40-10.
Quarts de Copa sens cap d’aficha
Dimècres, a Brutus, se tirèron al sòrt los quarts de la Copa que se jogaràn la dimenjada dels 25 e 26 de febrièr. Se jogaràn doas partidas Elèit 1 contra Elèit 2 (Bao-Carcassona e Vilafranca-Albi) e doas partidas entre formacions d’Elèit 1: St-Gaudenç-Lesinhan e Vilanòva-Limós.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari