CAPÇALERA2: FAI-TE SOCI

Jornalet, gaseta occitana d'informacions

Dimècres, 20 de febrièr

Actualitats

Dimars, 21 de febrièr de 2017, 03h00 Espòrt

Rugbi de XIII: Wigan, mèstre del Monde


Comentaris Cap de comentari    
Marrit Flac Bon Plan bon Fabulós
carregant En cargar


Wigan ganha lo trofèu de campion del Mond dels clubs (mas serà pas aisit de beure dins la Copa!)





Etiquetas
roch, rugbi, rugbi xiii, xiii

La dimenjada tretzista, tranquilla al país, èra marcada pel campionat mondial dels clubs.
 
 
Los angleses mai fòrts que los australians
 
Ongan, se tenián solament dos afrontaments entre los dos emisfèris. Dissabte, Warrington ganhèt contra los Bròncos de Brisbane: 27-18.
 
Dimenge, 21 000 espectators seguiguèron la partida entre Wigan e las Làmias de Cronulla, per la supremacia mondiala dels clubs. Dins lo primièr temps, los angleses marcavan dos còps per lor alièr Joë Burgess e lo Morgan Escaré ajustèt una transformacion. Los australians descobriguèron los embelinaments de l’arbitratge anglés. Tre la represa, Escarré embrumava la defensa advèrsa, mandava son centre Gildart a l’ensag e transformava. Los australians finiguèron que marquèron a un desenat de minutas de la fin. Mas fasián tròp de fautas de man e d’indisciplina. Sus la còrna, Burgess confirmèt la victòria anglesa: 22-6.
 
Doas partidas èran al programa de la Superliga: dijòus, Salford ganhèt 30-20 cò dels Gigants d’Huddersfield; divendres, Leigh resistiguèt a Leeds, amb Eloi Pelissièr melhor jogaire de la partida, mas perdèt: 17-14.
 
Los Dragons jogaràn tre dijòus cò d’Hull-FC. Los autres 5 rescontres se jogaràn divendres: Leigh-St Helens (refortit per l’èx-Dragon Zeb Taia), Huddersfield-Wakefield, Warrington-Castleford, Leeds-Salford e Wigan-Widnes.
 
 
Tolosa se passeja
 
Los tolosans contunhan de descobrir lo Championship amb d’esquipas de nivèls plan diferents. Dissabte, a Blanhac, plantèron dètz ensages als Dewsbury Rams per ganhar 56-2.
 
Dos desplaçaments cò de clubs istorics son al programa dels occitans: dimenge a Bradford, puèi lo dimenge seguent 5 de març a Halifax.
 
 
Vòls de punts, aquí n’as!
 
En Elèit 1, dissabte a Sant Estève, Carcassona capitèt plan l’entamenada e menèt 22-12, amb tres ensages per lor joquèr medical Sigismeau. Una ocasion d’ensag vendemiada a la represa e la partida cambièt d’èime: victòria finala pels Dragonets 39-26. Albi fa un pas d’importància cap a la seisena plaça qualificativa en ganhant a Vilanòva 32-28. Avinhon bat aisidament la resèrva tolosana: 36-18.
 
Aprèp los 80 punts passats a Tolosa, Lesinhan ne passa 76 (76-0 per èsser precís; 14 ensages de marcats, amb 4 per l’èx-Drac Ben Pomeroy) a Palau, e Limós se mòstra sens pietat pels Orses de Sent Gaudenç: 60-10.
 
 
Plaça als quarts de la Copa
 
Febrièr s’acabarà amb la tenguda dels quarts de la Copa Lòrd Derby que prepausaràn las partidas St Gaudenç-Lesinhan, dissabte; Vilafranca-Albi, Bao-Carcassona e Vilanòva-Limós.
 
La logica voldriá una qualificacion de las tres formacions audencas e d’Albi per las mièjas finalas.
 
 
 
 
Alan Roch
 
 


abonar los amics de Jornalet
 



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

La manifestacion de Tolosa: una esperança per l’occitanisme

La darrièra agression que ven de la patir la lenga nòstra es fòrça grèva. Lo Ministèri de l’Educacion de París a mostrat una volontat evidenta de ...
giny

Lo temps

Mapa
  • sol Agen
  • sol Aush 19 1
  • sol Bordèu 19 3
  • sol Briançon 8 -5
  • sol Caors 19 1
  • sol Carcassona 18 2
  • sol Clarmont-Ferrand 16 4
  • sol Confolent 17 2
  • sol Gap 16 1
  • sol La Canau 13 6
  • nuvols La Gàrdia 11 3
  • sol La Torre de Pèlitz 16 5
  • sol Limòtges 17 2
  • sol Lo Borg Sant Dalmatz 16 4
  • sol Lo Puèi de Velai 14 3
  • sol Marselha 16 4
  • sol Montpelhièr 13 6
  • sol Naut Aran 19 1
  • sol Niça 8 -3
  • sol Nimes 18 3
  • sol Pau 20 4
  • sol Peireguers 18 3
  • sol Rodés 16 4
  • sol Tolon 16 4
  • sol Tolosa 13 6
  • sol Valença 15 5

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Castelar

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Franc Bardòu

    Catalonha etèrna

  • Val d'Aran, cap de Gasconha

  • © Laurenç Revèst

    Via de Buelh a Pèunas a Valberg fins a Sant Laugier

  • © Aure Séguier

    Carnaval Biarnés 2017

  • © Iñaki Delaurens

    Val d'Aran

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Asuèlhs comengeses. © Franc Bardòu

    Asuèlhs Comengeses

  • © Zep Armentano

    XI prèmis Gaudí de l'Acadèmia Catalana del Cinèma

  • Arle. © Carles Pino

    L'occitan per carrièras (concors de prima 2014)

  • Zep Armentano

    25au Corsa Aran per sa Lengua

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • País de Rasés. © Franc Bardòu

    País de Rasés

  • © Franc Bardòu

    Asuèlhs de Lauragués

  • © Celèsta Toion

    La plaja espaci de libertat? D'expression?

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Julien Cazenave

    17.02.2019: manifestacion a Brussèlas en sosten als independentistas catalans

giny

Las mai...

publicitat

LATERAL2 300x250: Cultura Conselh Aran

giny

Sondatge

Creses que la manifestacion de Tolosa a portat un vam nòu al combat occitanista?


63%



19%



8%



6%



4%




Vots 135 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)