Bandièra01 1180x150: Comuna de Tolosa

Actualitats

Bretanha: Marine Le Pen foguèt pas benvenguda a Nantas

Una manifestacion contra la preséncia de la candidata ultradrechista degenerèt en rambalhs

Entre 2000 e 3000 manifestants segon la polícia e los sindicats respectivament, desfilèron dissabte per protestar contra la venguda de Le Pen, que faguèt un meeting ièr dimenge
Entre 2000 e 3000 manifestants segon la polícia e los sindicats respectivament, desfilèron dissabte per protestar contra la venguda de Le Pen, que faguèt un meeting ièr dimenge | ValK
A la candidata ultradrechista a la presidéncia francesa, Marine Le Pen, li donèron pas gaire la benvenguda aquesta dimenjada a Nantas (Bretanha). Entre 2000 e 3000 manifestants, segon la polícia e los sindicats respectivament, desfilèron dissabte per protestar contra la venguda de Le Pen, que faguèt una reünion publica ièr dimenge. Fòrtament enquadrats per la polícia, los manifestants brandissián de bandeiròlas que se i podiá legir “FN impostura sociala” o “Lo faissisme passarà pas”, çò rapòrta Le Huffington Post, que mençona l’AFP. (Fòtos de la manifestacion)
 
Puèi, la protèsta degenerèt en afrontaments amb la polícia, que venguèron de mai en mai violents. Lo jornal breton 7Seizh o raportava en dirècte.
 
Los rambalhs provoquèron de veirinas trencadas, de tags sus las parets de monuments, e de mobilièr urban damatjat.
 
Mai de 500 policièrs antisusmauta e 200 policièrs urbans foguèron mobilizats per reprimir los manifestants. Segon lo ministèri de l’Interior, i auriá “11 policièrs e gendarmas ferits e contusionats”. Aquelas fonts tanben mençonavan l’interpelacion de uèch personas, lo dimenge que precedissiá lo començament de la reünion publica, una chifra que poiriá aumentar. Avèm pas trobat lo nombre total de manifestants nafrats.
 
Suls rets socials se critica l’accion de la polícia, qu’auriá balançat a la nautor de las caras de grenadas de desencerclament sus la molonada que fugissiá.
 

 
 
Bas prestigi de la polícia
 
Aqueles rambalhs se produson dins un moment que lo prestigi de la polícia francesa es de mai en mai mes en question. D’après los comentaris sus Twitter de la manifestacion de Nantas, l’afar de Théo es fòrça present. Òm remembra, e met en question l’autoritat morala de las fòrças de l’òrdre, après que lo 2 de febrièr passat detenguèron un jove negre de 22 ans dins la banlèga de París que, segon son relat, los agents lo batèron mentre qu’un d’eles li metiá una matraca extensibla dins l’anus. Lo jove deguèt èsser operat a causa d’esquiçaduras.
 
Mas l’irritacion sociala arribèt quand l’Inspeccion Generala de la Polícia Nacionala [vòl dire estatala] afirmèt que se tractava d’un viòl “non intencional”.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pujòl onsetròba
9.

Excusatz_me, eth comentari qu'èra passat, que som un maishant utilisaire ! Bona net !

  • 0
  • 0
pujòl onsetròba
8.

Qué no è respectat ? era ideologia quan fauça era vertat ...

  • 0
  • 0
pujòl onsetròba
7.

dejà esfaçat eth mièu commentari !!!!

  • 0
  • 0
pujòl onsetròba
6.

Gara Jornalet a non pas vier ua espècia de Pravda occitana ! Diser TOT çò que s'ei passat, eths cars cramats etc...

  • 0
  • 0
pujòl onsetròba
5.

enviat e dejà esfaçat ?

  • 0
  • 0

Escriu un comentari sus aqueste article