Actualitats
Montpelhièr: las oportunitats de l’occitan dins lo mond del trabalh
De joves professionals titulars d’una licéncia d’occitan testimoniaràn a l’Universitat Pau Valèri de Montpelhièr de lors estudis e insercion professionala
Los estudis d’occitan dobrisson a de nombrosas oportunitats dins lo mond del trabalh. O explicaràn dimècres que ven a l’Universitat Pau Valèry de Montpelhièr de joves professionals titulars d’una licéncia d’occitan.
L’eveniment l’organiza lo departament d’occitan de l’universitat montpelhierenca dins l’encastre de la jornada de pòrtas dobèrtas, e i assistiràn de professionals que testimoniaràn del desvolopament de lors estudis e insercion dins lo mond del trabalh. Participaràn:
L’occitan – des études et des métiers
8 de març de 2017 de 14h a 16h
Universitat Pau Valèri
Sala A 105, bastiment Azalaís de Porcairagas
L’eveniment l’organiza lo departament d’occitan de l’universitat montpelhierenca dins l’encastre de la jornada de pòrtas dobèrtas, e i assistiràn de professionals que testimoniaràn del desvolopament de lors estudis e insercion dins lo mond del trabalh. Participaràn:
— un ensenhaire en collègi,
— un ensenhaire en classa bilingüa publica,
— un formator per adultes,
— un ensenhaire de Calandreta,
— plusors artistas (cantaires e comedians),
— un jornalita de premsa escricha e un jornalista de ràdio,
— un archivista,
— un montaire de projèctes culturals en ligam amb la mediatèca publica del CIRDÒC,
— un emplegat territorial cargat de la cultura occitana d’una granda vila,
— un estudiant en tèsi que sa recèrca es finançada per un contracte CIFRE amb lo CIRDÒC.
— un ensenhaire en classa bilingüa publica,
— un formator per adultes,
— un ensenhaire de Calandreta,
— plusors artistas (cantaires e comedians),
— un jornalita de premsa escricha e un jornalista de ràdio,
— un archivista,
— un montaire de projèctes culturals en ligam amb la mediatèca publica del CIRDÒC,
— un emplegat territorial cargat de la cultura occitana d’una granda vila,
— un estudiant en tèsi que sa recèrca es finançada per un contracte CIFRE amb lo CIRDÒC.
L’occitan – des études et des métiers
8 de març de 2017 de 14h a 16h
Universitat Pau Valèri
Sala A 105, bastiment Azalaís de Porcairagas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Eth men comentari ara seguida, qu'ei un "talhat-pegat" deth comentari qu'èi escrit tot prumèr entath article sus eth caviar en Aran. S'aujatz era paciença d'ac lhegir tot, veseratz qu'en eth hons, eras causas que s'arrejunhen....
Ua lengua entath trabalh ? un trabalh entara lengua ? trabalhar damb e en era lengua entà crear ara nòsta manèra e entaths besonhs de tota era societat nòsta ?
Un bon punt de veir que ua empresa deth sector agro-alimentar de produccion pròpia a creishut e ben escaijut en Aran. Quan sabèm qu'era societat aranesa a deishat crebar era sua agricultura e liurat ara especulacion d'imòbles eras milhors terras !
Sense voler hèr eth "criticalhon", qu'ei tambès ua oportunitat de veir era aplicacion, en un cas normau deth negòci, deth estatut oficiau dera lengua en Aran :
- Entà promòir era manifestacion, eth Conselh Generau ac hè coma cau en Aranés/Occitan ( s'auètz clicat sus "çò assolidèt Anna Díaz").
- Era madeisha empresa, de Les, sus eth sòn siti internet (se clicatz sus "Nacarii") no sap sonque eras lenguas deths ahèrs. Apareish en tot prumèr en Espanhòu, e se cercatz eras autas lenguas, que i aurà eth Catalan, seguit deth Francés e eth Anglés entà acabar. Ni tampauc un eslògan de dus mòts en Aranés, au mens entà dar un shinhau de color de Garona....
Que vòli tornar diser que pensi que montar ua empresa atau en eras nòstas vaths, qu'ei ua mòstra de
coratge, un bon exemple a seguir en d'autis parçans, que trabalhar damb qualitat, que paga, e qu'era sua arrenomada ei plan mereishuda !
Totun, mès enlà d'aquèth cas concret, mos hèr pensar sus era plaça vertadèra dera lengua nòsta en Aran (era milhora de tot Occitània, mès tampòc -e de luenh- eth paradís). Enquià ont era lengua ei oficiau, parlada per aumens 20% deth pòble, qu'ei de mau hèr ligar-la damb eth monde dera economia, deth negòci, deth trabalh.... Alavètz quinas esperanças laguens deth estat francés ? Que cau veir eras causas coma son ! Era majoria deth monde deth trabalh deths locutors d'occitans qu'ei..... eth ensenhament e musica-dansa occitans !!!! (eth article sus eras arrescontras de Montpelhièr que n'ei ua mòstra mès). Aqueris professionaus son totis pagadis, en prumèra o seconda linha, damb sòus publics deth estat jacobin, damb eths sòns ministeris que decideishen de çò qu'ei era cultura e era educacion....
Soi desolat mas me sembla que pauc mai de dètz emplecs dins l'occitanisme es pas grand causa per una vila de gairaben mièg milion de personas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari