Actualitats
Somalia: almens 100 mòrts en dos jorns a causa de la secada
La famina e las malautiás derivadas de la secada son a tuar de centenats de personas
La famina e las malautiás derivadas de la secada an tuat almens 110 personas en dos jorns en Somalia, la majoritat de femnas e d’enfants. Aquel es lo tragic bilanç que lo raportèt dissabte passat lo nòu primièr ministre del país, Hassan Ali Khaire.
Colèra, diarrèa, set o malnutricion extrèma son qualques unas de las causas d’aqueles decèsses, segon lo primièr ministre, qu’a raportat las primièras chifras oficialas de çò qu’a considerat coma un desastre nacional, segon Al Jazira.
Lo govèrn del país a declarat l’estat d’emergéncia e demanda d’ajuda a la comunautat internacionala, çò apond Russia Today, que precisa qu’aperaquí un milion e mièg d’enfants son en risc imminent de morir de la fam en Nigèria, Somalia, Sodan del Sud e Iemèn.
Colèra, diarrèa, set o malnutricion extrèma son qualques unas de las causas d’aqueles decèsses, segon lo primièr ministre, qu’a raportat las primièras chifras oficialas de çò qu’a considerat coma un desastre nacional, segon Al Jazira.
Lo govèrn del país a declarat l’estat d’emergéncia e demanda d’ajuda a la comunautat internacionala, çò apond Russia Today, que precisa qu’aperaquí un milion e mièg d’enfants son en risc imminent de morir de la fam en Nigèria, Somalia, Sodan del Sud e Iemèn.
1.4 million children are at imminent risk of death from #hunger in Nigeria, Somalia, South Sudan & Yemen - #UNICEFhttps://t.co/F2X1sO8PYqpic.twitter.com/zRr5cGye95
— RT (@RT_com) 21 de febrer de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se bolegaran per ajudar los de sempre, la Crotz Roja segur.
#1 ai làs ! se li aguèsse pas lei guerras, amb totie lei danrèias qu'avèm en abondança leis umanitaris podrián adurre de que manjar e esconjurar la famina, son entrepachats que lei valeros guerriers d'Allah e dei caps de tribùs en lucha leis unas contre leis autras an tendéncia à leis escabaçar e a lei mandar abans l'ora dins un paradis onte volon pas anar
De çò qu'ai ausit es pas solament la secada lo problèma, mas tanben (e benlèu essencialament) las annadas de guèrra civila e l'incapacitat del poder politic e de las institucions internacionalas per aparar las populacions e lor far arribar l'ajuda al desvolopament (e ara a la subrevida).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari