Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Lo Jorn internacional dels dreches de las femnas en Aran

Un acamp, un manifèst e la presentacion de la lei de l’egalitat entre òmes e femnas marcan la jornada del 8 de març en Aran, que se completarà dissabte amb una corsa

Edicion 2016 de la "Corsa dera Hemna d'Aran"
Edicion 2016 de la "Corsa dera Hemna d'Aran" | Conselh Generau d\'Aran
Lo Conselh General d’Aran a travèrs del SIAH (Servici d’Informacion e Atencion ara Hemna) organiza los actes de commemoracion del 8 de març, Jorn internacional dels dreches de las femnas.
 
A miègjorn, se legís lo manifèst institucional sus la Plaça del Conselh General d’Aran a Vielha, e puèi, dins la sala de premsa del govèrn aranés, se presenta la Lei 17/2015 de la Generalitat de Catalonha, de l’egalitat efectiva entre òmes e femnas dins las administracions publicas e las entitats privadas.
 
Los eveniments benefícian de la preséncia remarcabla de la conselhièra de la santat e del benèsser aranesa, Anna Díaz.
 
 
Corsa dera Hemna d’Aran
 
En mai d’aquò, lo govèrn d’Aran, per mejan del SIAH, organiza dimenge que ven la 4a edicion de la “Corsa dera Hemna Val d’Aran”. Una corsa de 5 km dins un circuit urban de Vielha, dobèrta als participants de totas las edats e de totes los sèxes.
 
Per mai d’informacion,  podètz telefonar al SIAH al +34 973 642 560. De s’inscriure a la corsa se pòt far sul sit www.inscripcions.cat/corsaderahemna2017.
 
 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Montanhas coronadas
tot l'an de nyeu
Las montanhas tan belas, tamben son femeninas.

  • 2
  • 0

Escriu un comentari sus aqueste article