Bandièra01 1180x150: Comuna de Tolosa

Actualitats

Lo Dalai Lama torna dire que poiriá èsser lo darrièr cap bodista tibetan

“Nòstre cervèl a normalament la capacitat de produire de sens comun, mas sembla que los dirigents chineses manquen d’aquela part del cervèl”, çò assegura

Segon lo Dalai Lama actual, es probable que siá lo darrièr cap esperital de la comunautat bodista tibetana, a causa de las temptativas efectuadas per las autoritats chinesas per designar son successor e consolidar lo contraròtle del Tibet, qu’es lo brèç d’aquela religion. “Es fòrça possible”, çò diguèt lo cap politicoesperital dins una entrevista facha per l’umorista estatsunidenc John Oliver a Dharamsala (Índia), ont se situa la basa del govèrn tibetan en exili. “Me sentiriái fòrça aürós s’èri lo darrièr Dalai Lama”, çò apondèt.
 
Segon la doctrina bodista, l’arma del Dalai Lama se reencarna, après morir, dins lo còrs d’un enfant. Mas l’actual a suggerit qualques còps qu’el poiriá èsser lo darrièr, çò que las autoritats de China interprètan coma una traïson, e vòlon aver drech de decidir qual serà lo seguent.
 
Interrogat sus aquela menaça chinesa, el a considerat que seriá una estupiditat. “Lo nòstre cervèl a normalament la capacitat de produire de sens comun, mas sembla que los dirigents chineses manquen d’aquela part del cervèl”, çò respondèt.
 
Lo Dalai Lama fugiguèt en Índia en 1959, acusat per las autoritats de la China d’incitar a la violéncia dins la region autonòma de Tibet, çò que lo lidèr religiós nega. Despuèi alara, l’enemistat entre los dos camps a pas cessat de créisser.
 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Tot acò es la premsa capitalista que remena l'olha.

  • 2
  • 0
बुद्धत्व Lumbinī
3.

« “Es fòrça possible”, çò diguèt lo cap politicoesperital dins una entrevista »

Dalidalama es nonmàs le chap spirituau daus creisants dau pòple dau Tibet e ‘n’autoritat granda per los dau bodismes tibetan — tornam dire aquí que lu bodisme tibetan es un bodisme « magique », lu mai los lamas dins los aërs — mens de 10% de la creiença bodista totala ; eu es respectat per las autras branchas coma monge.
Los Dalaïs erian ‘na fòrma de govern, teocratique, aures.

Lu poder politique es repersentat per un govern, oficialadament separat de l’òme religiòs.


#1
far lu voide dins la testa seriá « ostar lu cerveu ». Esmai i a de la gent per pas l’usar de tròp, qu’es d’enquera se que nos balha la sensacion dau monde, quitament per escotar las p’itas votz dau dedins.

  • 2
  • 0
Franc Bardòu Academia Occitana
2.

Seriá benlèu pertinent d'establir una comparason metodica e objectiva (tant coma possible) entre la captenença del poder chinés al Tibet, e la captenença del poder japonés del temps de la segonda guèrra mondiala en China…

  • 2
  • 0
lachaud
1.

L'apòrt dau lamaisme e dau bodisme a l'occident es d'aver dich que chalia pas una testa bian plena mas i far lo vide de temps en temps per poder escotar sa votz interiora, son intuicion, son imaginacion e developar son costat creatiu.
Los chines pensavan mas a l'òr dau Tibet, au vielh reflexe de dominacion e de prener per la fòrça lo bian daus autres mas la filosofia dau dalai-lama demorara.

  • 1
  • 2

Escriu un comentari sus aqueste article