Bandièra01 1180x150: País Invisible

Actualitats

Rugbi. Top 14: Quate bonus ofensius

| © Pierre Selim
Baiona 6-35 Tolosa (BO)
 
Divés au ser, i avèva sonque una esquipa suu terrenh. Tolosa marquèt quate ensais a quate moments importants de la partida: las 18au, 47au, 73au e 80au minutas. Baiona muishèt la soa incapacitat a passar la linha. Sordeish l’ensai deu bonus ofensiu arribèt quan Tolosa decidèt d’atacar.
 
 
Tolon (BO) 33-12 Castras
 
Lo planchòt pòt har pensar a una victòria aisida deus tolonencs. Mès non, la purmèira tempsada fut de qualitat e Castras dominèt dens lo jòc dab quate penalitats justificadas. Mès Tolon, en aqueth començament de sason, sap profieitar de totas las ocasions dab un ensai en contra de Giteau a la 6au minuta. Castras èra tostemps darrèir au planchòt çò que complica las causas contra Tolon.  En dusau tempsada la domincion tolonenca permit de marquar tres penalitats e l’ensai deu bonus ofensiu.
 
 
Bègla-Bordèu 15-23 Montpelhièr (BO)
 
Deu costat girondin ne s’atendèvan pas a pérder d’aquera faiçon a casa. Dominators en purmèira tempsada los montpelhierencs marquèren dus ensais mes ne saburen pas sortir los bordalés de la partida. Dab la volontat eths darrèirs tornèren au planchòt en començament de la segonda tempsada. Coma Tolosa e Tolon, los eraurés marquèren au moment mei important, aciu a l’òra de jòc.
 
 
Lo Mont 16-28 Agen
 
Un còp de mei, los landés perden la partida e lo bonus defensiu en dusau tempsada. Ei benlhèu la des·hèita de tròp. Apuèi vint minutas de jòc los montés marquèren un ensai que permetit a tot lo mond de créder en las escadenças deus jaunes e negres. Mès com de costuma l’indisciplina costèt cara apuei la sortida de Rabeni. I avèva enqüèra la plaça per ganhar peus landés en segonda tempsada, sustot dab lo carton jaune de Giraud e la penalitat d’Arrayet sus la purmèira accion de la represa. Ne profeitèren pas d’aquera superiotat numerica e sordeish Agen marquèt l’ensai de la la liberacion a l’òra de jòc
 
 
Clarmont (BO) 44-20 Grenòble
 
Las purmèiras trenta minutas furen complicadas peus clarmontés pr’amor Grenòble èra plan en plaça, mès lo carton jaune de Ninard costèt una fin de purmèira tempsada catastrofica dab dus ensais en detz minutas. Coma l’avèvan ja dit, i a de qualitat en Arpitània e marquèren dus ensais en dusau tempsada.
 
 
Estadi Francés 34-24 Perpinhan
 
8 /9 au pè per Porical, lo catalan que joga adara a París, contra 3/7 per Hook, lo galés que joga en Catalonha. Vaquí un bon abracat de la partida. Los catalans comencèren plan la partida dab una dominacion de las bonas, un ensai dab una corradadura de 70m de Haughton. De 3 a 11 apuèi 20 minutas passèren a 12 a 11 a la 40au minuta. Los catalans sortiren solets de la partida en purmèira tempsada. Fut la medisha causa en dusau partida. Los catalans pensavan har lo mei complicat dab una egalizacion sus un navèth ensai mes ne saburen pas tuar la partida. Los parisencs avèvan tròp besonh de quate punts au classament. Cau díser tanben que las nafraduras deus pielars de Perpinhan son importantas e uei l’absencia de Mas se fit sentir.
 
Classificacion:
 
 
1Tolon 27 6 6 0 0 80
2Clarmont 23 6 5 0 1 57
3Tolosa 20 6 4 0 2 75
4Biàrritz 18 6 4 0 2 39
5 Racing-Métro 92 18 6 4 0 2 20
6Castras 15 6 3 1 2 31
7Montpelhièr 15 6 3 0 3 -12
8 Grenòble 14 6 3 0 3 13
9 Perpinhan 11 6 2 0 4 -23
10 Estadi francés 10 6 2 1 3 -9
11Agen 10 6 2 0 4 -58
12Bègla-Bordèu 9 6 2 0 4 -38
13Baiona 7 6 1 0 5 -56
14Lo Mont 0 6 0 0 6 -119
 
 
 
 
Pro D2
 
Apuèi cinc jornadas de campionat, i a una setmana de repaus. Podem har lo bilanç seguent: a l’òra de uei sonque Oyonnnax ne perdèt pas una partida. Orlhac ei la segonda esquipa suspresa e la victòria dens lo derbi contra Briva deu motivar enqüèra mei los deu Cantal.
Tanpauc fau desbrombar lo bon començament de sason de Tarba.
 
Lion ei tresau mes lo son jòc n’ei pas en plaça e a ja perdut una partida importanta a l’exterior.
 
La maishanta suspresa vien de Dacs, qu’ei bon darrèir dab sonque dus punts. Aquera fin de setman jogava a Narbona tanben un mau plaçat au classament. Lo plancòt n’ajuda pas los landés que se son arrestats a la pòrta de la purmèira victòria de la sason.
 
Esperam la dusau seria de partidas dab impaciéncia.
 
Resultats:
 
Oyonnax 27-6 Colomièrs
Narbona 22-19 Dacs
Aush 33-26 Pau
Tarba 37-30 Carcassona
Massy 29-34 Albi
Besièrs 39-28 Ais de Provença
Lion 22-15 La Ròchela
Orlhac 27-20 Briva
 
Classificacion:
 
1 Oyonnax 20 5 4 1 0 137 65 72
2Orlhac 16 5 4 0 1 153 116 37
3 Lion 15 5 3 1 1 158 96 62
4Tarba 15 5 3 1 1 137 123 14
5Pau 13 5 3 0 2 101 107 -6
6Albi 13 5 3 0 2 116 135 -19
7Carcassona 12 5 2 0 3 149 120 29
8Aush 12 5 3 0 2 106 122 -16
9 La Ròchela 11 5 2 0 3 96 78 18
10Briva 11 5 2 1 2 104 116 -12
11Narbona 10 5 2 0 3 94 102 -8
12Colomièrs  10 5 2 0 3 102 127 -25
13 Massy 9 5 2 0 3 120 142 -22
14Besièrs 9 5 2 0 3 112 158 -46
15Ais de Provença 7 5 1 0 4 114 134 -20
16Dacs 2 5 0 0 5 74 132 -58
 




Eric Goyhenne

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article