Actualitats
Trump manda los Marines per assautar Raqqa
La rason principala del mandadís dels soldats estatsunidencs en Siria a l’ora d’ara es la volontat de véncer l’Estat Islamic d’un biais militar mai tradicional
Los Estats Units an decidit de mandar fins a 400 Marines suplementaris en Siria per sosténer lors aliats dins l’assaut de la vila de Raqqa, qu’es encara a las mans de l’autoproclamat Estat Islamic (EI). Los Marines mandats seriá ja arribats fa qualques jorns mentre que la coalicion dirigida per aquel país auriá tuat ja mai de 20 civils, dont d’enfants, prèp de la vila.
Per aquela rason, lo Secretàri d’Estat, Rex Tillerson, a decidit de ja començar las convèrsas amb sos aliats en Siria, pr’amor que vòlon ja entamenar l’assaut d’aquela vila. La tòca es pas cap d’autra que de forçar la reddicion incondionala de l’EI. Aquò seriá a l’ora d’ara un dels objectius mai prioritaris dels Estats Units a l’Orient Mejan.
En mai d’aquò, divèrses oficièrs de la marina dels Estats Units an confirmat tanben qu’una unitat d’artilhariá, amb de canons de 155 mm que pòdon aténher de tòcas a 32 quilomètres, es estada mandada près de Raqqa per l’assalhir. De fonts estatsunidencas an tanben confirmat lo mandadís d’una unitat dels Rangers de l’armada d’aquel país près d’aquela vila amb de veïculs fòrtament armats. Lor preséncia, çò creson, ajudarà a finir la guèrra que i a dins la region entre los rebèls sostenguts pels turcs e l’aliança curdoaràbia, tanben coneguda jol nom de Fòrças Democraticas Sirianas.
Perqué ara?
La rason principala del mandadís dels soldats estatsunidencs en Siria a l’ora d’ara es la volontat de véncer l’Estat Islamic d’un biais militar mai tradicional. Aquò, après veire que plusors oficièrs de l’armada jihadista son d’ancians oficièrs de l’armada de Saddam Husayn qu’an ja perdut divèrsas batalhas dempuèi 2003. Totun, cada còp qu’aquò se passa, fugisson e se tornan organizar.
Segon los analistas, çò que los marines vòlon far es, amb las fòrças especialas estatunidencas, tuar o capturar la majoritat dels òmes de l’EI abans lor fugida. Aquò vòl dire una coordinacion entre las desparièras armadas que forman aquela coalicion militara e far un assaut totes a l’encòp. Espèran, amb aquela estrategia, poder obténer una granda victòria finala contra l’EI.
Aqueles marines qu’arriban a l’ora d’ara s’apondon als mai de 500 soldats estatsunidencs presents dins la zòna, e mai se lo govèrn d’aquel país considèra que i seràn temporàriament. Tot aquò se tendriá dins un nòu plan governamental estatsunidenc aprovat fa mens d’un mes pel Pentagòn. A mai, lo govèrn de Trump a tanben confirmat que mai de 1000 soldats seràn lèu enviats en Kuwait coma resèrva dels òmes que i a ara en Siria pr’amor qu’es estat calculat qu’a Raqqa i auriá entre 3000 e 4000 jihadistas.
Christian Andreu
Per aquela rason, lo Secretàri d’Estat, Rex Tillerson, a decidit de ja començar las convèrsas amb sos aliats en Siria, pr’amor que vòlon ja entamenar l’assaut d’aquela vila. La tòca es pas cap d’autra que de forçar la reddicion incondionala de l’EI. Aquò seriá a l’ora d’ara un dels objectius mai prioritaris dels Estats Units a l’Orient Mejan.
En mai d’aquò, divèrses oficièrs de la marina dels Estats Units an confirmat tanben qu’una unitat d’artilhariá, amb de canons de 155 mm que pòdon aténher de tòcas a 32 quilomètres, es estada mandada près de Raqqa per l’assalhir. De fonts estatsunidencas an tanben confirmat lo mandadís d’una unitat dels Rangers de l’armada d’aquel país près d’aquela vila amb de veïculs fòrtament armats. Lor preséncia, çò creson, ajudarà a finir la guèrra que i a dins la region entre los rebèls sostenguts pels turcs e l’aliança curdoaràbia, tanben coneguda jol nom de Fòrças Democraticas Sirianas.
Perqué ara?
La rason principala del mandadís dels soldats estatsunidencs en Siria a l’ora d’ara es la volontat de véncer l’Estat Islamic d’un biais militar mai tradicional. Aquò, après veire que plusors oficièrs de l’armada jihadista son d’ancians oficièrs de l’armada de Saddam Husayn qu’an ja perdut divèrsas batalhas dempuèi 2003. Totun, cada còp qu’aquò se passa, fugisson e se tornan organizar.
Segon los analistas, çò que los marines vòlon far es, amb las fòrças especialas estatunidencas, tuar o capturar la majoritat dels òmes de l’EI abans lor fugida. Aquò vòl dire una coordinacion entre las desparièras armadas que forman aquela coalicion militara e far un assaut totes a l’encòp. Espèran, amb aquela estrategia, poder obténer una granda victòria finala contra l’EI.
Aqueles marines qu’arriban a l’ora d’ara s’apondon als mai de 500 soldats estatsunidencs presents dins la zòna, e mai se lo govèrn d’aquel país considèra que i seràn temporàriament. Tot aquò se tendriá dins un nòu plan governamental estatsunidenc aprovat fa mens d’un mes pel Pentagòn. A mai, lo govèrn de Trump a tanben confirmat que mai de 1000 soldats seràn lèu enviats en Kuwait coma resèrva dels òmes que i a ara en Siria pr’amor qu’es estat calculat qu’a Raqqa i auriá entre 3000 e 4000 jihadistas.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Poguessa mas l'i mandar Marina, quò nos rejauviriá.
Endavant fins tirar l'EI al mar.
"Assautar" es lo perfiech sinonim d'"assalhir".
Raqqa es una "mousmet", une moukère que lei marins americans volon sautar, o assautar,(cardar, joder, guinhar, baiser) qu'ei la soleta interpracion que podèm faire d'aquesta traduccion dau catalá assaltar dau francés assaillir, parier l'enviament es una creatura nascuda dau fantasma occitano-catalá que lo francés envoi se revira per "anvoua, la lenga parlada li agrada lei perifrases " los marin que son estats enviats o mandats
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari