Actualitats
L’ÒNU avertís de la “pièger crisi umanitària” dempuèi la Segonda Guèrra Mondiala
Cal 4,4 miliards de dolars per salvar las vidas de vint milions de personas en Iemèn, Sodan del Sud, Somalia e Nigèria
Lo secretari general adjonch dels Afars Umanitaris e de las Emergéncias de l’ÒNU, Stephen O’Brien, a avertit que lo Mond patís “la pièger crisi umanitària” dels darrièrs setanta ans. Segon O’Brien, dempuèi la fin de la Segonda Guèrra Mondiala, en 1945, i a pas jamai agut tantas gents sus tota la planeta en risc de famina e malnutricion.
Dins una intervencion davant lo Conselh de Seguretat, O’Brien expliquèt divendres passat que lo Mond se trobava a son pus grand moment critic dempuèi la creacion de las Nacions Unidas. Iemèn, Sodan del Sud, Somalia e Nigèria an besonh de 4,4 miliards dolars d’ajuda umanitària, segon çò que diguèt, per evitar que la famina tue vint milions de personas. “Sens un esfòrç collectiu e coordenat a l’escala mondiala, aquelas gents moriràn de fam e per de malautiás restacadas a la malnutricion. Cal fòrça volontat politica”, çò precisèt.
En Iemèn, dos tèrces de la populacion an besonh d’assisténcia e sèt milions de personas patisson la fam, çò precisèt lo secretari general adjonch de l’ÒNU. Al Sodan del Sud, i a 7,5 milions de personas qu'an besonh d’ajuda e 3,4 milions de desplaçats. En Somalia, i a 6,2 milions d’estatjants que lor cal de proteccion umanitària. “Nos fa mestièr que la comunautat internacionala e lo Conselh d’Euròpa agiscan rapidament”, çò insistiguèt.
Dins una intervencion davant lo Conselh de Seguretat, O’Brien expliquèt divendres passat que lo Mond se trobava a son pus grand moment critic dempuèi la creacion de las Nacions Unidas. Iemèn, Sodan del Sud, Somalia e Nigèria an besonh de 4,4 miliards dolars d’ajuda umanitària, segon çò que diguèt, per evitar que la famina tue vint milions de personas. “Sens un esfòrç collectiu e coordenat a l’escala mondiala, aquelas gents moriràn de fam e per de malautiás restacadas a la malnutricion. Cal fòrça volontat politica”, çò precisèt.
En Iemèn, dos tèrces de la populacion an besonh d’assisténcia e sèt milions de personas patisson la fam, çò precisèt lo secretari general adjonch de l’ÒNU. Al Sodan del Sud, i a 7,5 milions de personas qu'an besonh d’ajuda e 3,4 milions de desplaçats. En Somalia, i a 6,2 milions d’estatjants que lor cal de proteccion umanitària. “Nos fa mestièr que la comunautat internacionala e lo Conselh d’Euròpa agiscan rapidament”, çò insistiguèt.
We face the largest humanitarian crisis since the creation of the @UN. 20M+ people face starvation & famine: https://t.co/2anxU1txfG
— UNOCHA (@UNOCHA) 10 de març de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Potser es una equivocació, però si s'acavés, amb aquests caciqs, senyors de la guerra, dictadors, i d'altres tirans, el Mon potser estaria en Pau.
I això vol dir, l'implicació de tot el Mon en erradicar-los, potser amb una guerra per l'alliberament els Pobles i contra la tirania.
Quina contradicció, però potser es la solució, encontes de tants interesos de paticulars, i els estats caciqs. Esperem que es solucioni per altres mitjans.
Visca la Terra...Lliure!
L'Ernest, "El Tàrrega".
Cal ajudar a la poblacion que per causa de las guerras imperialas està morint de fam.
Cal 4,4 miliards de dolars per salvar las vidas de vint milions de personas en Iemèn, Sodan del Sud, Somalia e Nigèria, e los solets beneficiaris del fons d'accion borsièra del CAC40 se son compartits 56 miliards d'euros de pus-valguda sonque subre l'annada 2016 !!!
Perque una crisa umanitaria alaidonc qu'i a jamai agut tant de tecnologias, de scolaritat dins lo monde e subretot en occident? Los governament, l'ONU devrian far? Mas, nòstres avem ben profitar de las ventas d'armas, de las espleitacions dau petròle sens ren dire dau moment que quò baissava pas nòstre revengut.
Las crisas son fachas per cambiar nòstre biais de pensar. Quò es pas de las crisas economicas que tornan de faiçon ciclicas. Quò es una crisa organisada per una ponhada de gens que pensan mas a s'enrichir aidats per lors vaslets politics grandament engraissats e elegits per daus pòples inocents.
e quau son lei responsables ? nautres, de segur, nautres que fenirem ben per lei noirir se leis uns e leis autres faguèsson pas tot per empachar leis umanitaris d'invervenir au nom sacrat d'Allah, au nom profan de la tribù, au nom de l'anarquia dei drechs umans sensa dever, e de son estatut ontologic de victimas perpetualas, que nautres siam lei borrèus capitalistas e colonialistas, mea culpa, mea maxima culpa
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari