Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Tolosa: concèrt de tria amb Mossur T e Aital Aital dijòus que ven a l’Ostal d’Occitània

Lo darrièr dijòus de cada mes, l’Ostal d’Occitània de Tolosa organiza una serada gratuita per passar un bon moment en occitan e a l’occitana

Lo darrièr dijòus de cada mes, l’Ostal d’Occitània de Tolosa organiza una serada gratuita per passar un bon moment en occitan e a l’occitana. En aquesta ocasion, dijòus que ven i aurà un concèrt de tria amb Mossur T e lei Jovents (escrivon “Moussu T e lei Jovents”) e lo duo Aital Aital. Coma d’abitud, La Topina assegura de bon beure e de bon manjar.
 
Mossur T e lei Jovents es vengut un dels grops mai estimulants del país e del Mond, en mesclar poesia urbana provençala, ritmes creòls e blues. Amb una estaca occitana e de guitarras mai que mai ròck, lo lor album nòuNavega! es sens concession.
 
Aital Aital, duo occitan de petaçaires de son. Amb un kit de pedalas folastras, d’efièches de totes les vents, una guitarra e de percussions trafegadas, vos menaràn luènh dins lor univèrs electronic. Aquí dos sabents fòls que prendràn lo contraròtle de vòstre ritme cardiac pel temps d’un concèrt.
 
 
 
Dijòus Concèrt : Moussu T e lei jovents  + Aital Aital
23 de març a 19h
Ostal d’Occitània
11, carrièra Malcosinat - Tolosa
Mai d’informacions sus l’eveniment de Facebook.
 
 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article