A partir de cerealas de Lengadòc, de molinièrs de la contrada e de fornièrs lançan una marca de farinas biò e de pans jol nom occitan de Flor de Pèira: “Mercé a las nombrosas varietats adaptadas als nòstres terradors, mercé als nòstres saupre-faire de molinièrs e de fornièrs, farinas e pan servan totas las riquesas de noiriment e nos balhan una cordelada de gosts e de sabors. Amb la marca Flor de Pèira ®, vos convidan a tornar mèstres de la causida de las farinas e dels pans per utilizar al melhor lo potencial del país.”
La presentacion de la marca se farà aqueste dimenge 30 de setembre de vèspre a l’Ostal Gibèrt a Lesinhan de las Corbièras, a comptar de 14h. S’i parlarà de las valors nutricionalas del pan e de son istòria dins l’Antiquitat. S’i tastarà tanben de pans biòs per descobrir la varietat e la diversitat de las farinas (Tot lo programa sus www.bio-aude.com).
Per l’escasença, l’IEO-Aude a redigit un document de 4 paginas A4 sul lexic occitan del pan e suls nombroses dires e provèrbis qu’i fan referéncia: “De pan e de vin, lo rei pòt venir!”
Alan Roch
La presentacion de la marca se farà aqueste dimenge 30 de setembre de vèspre a l’Ostal Gibèrt a Lesinhan de las Corbièras, a comptar de 14h. S’i parlarà de las valors nutricionalas del pan e de son istòria dins l’Antiquitat. S’i tastarà tanben de pans biòs per descobrir la varietat e la diversitat de las farinas (Tot lo programa sus www.bio-aude.com).
Per l’escasença, l’IEO-Aude a redigit un document de 4 paginas A4 sul lexic occitan del pan e suls nombroses dires e provèrbis qu’i fan referéncia: “De pan e de vin, lo rei pòt venir!”
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Question economia veno de m'avisar que lo pan sonat "La Banette" volia dire la pichina bana... Lo domèni alimentari coma aquèl dals panetiers sembla sensible a l'occitanitat, es ben.
Begut un vin de Fronton en cantina, etiquetat : LO VIN
amb dejós aquela precision (de memòria) : ici, nous disons lou bi
E èra plan bon !
Podètz demandar lo document De pan e de vin, lo rei pòt venir ! en version .pdf a :
ieo11@ieo-oc.org
Aquò es una bona nòva: faire vesedor l'occitan sus los produches que dintran a l'ostal. Aital poiriam mostrar als invitats analfabets sul sicut çò qu'es l'occitan escrich e faire un pauc de pedagogia. Un vin de Sanch Inian per exemple serià l'escasença d'explicar un molon de causas, pas totas a l'encòp per pas alassar los reborsièrs: 1) l'absurditat de le trencadura [San Chinian] => Saint Chinian reveladoira d'ignorància per part de los qu'an despartit los toponims a la bimbòla; 2) qualques elements de prononciacion; 3) que l'occitan es pas una lenga de pelucres e qu'empacha pas de faire de bon vin; 4) que Lengadòc es Lengadòc e qu'a pas besonh d'una vergonhosa apellacion "Sud de France" significativa d'un complexe d'inferioritat.
Sul punt 3), pensi que "Òc per l'occitan"" se deurià entrevar de de faire correspondre occitan e qualitat que totes i gagnhariam.
Bèla pròva d'occitanitat dins l'economia.
Dins los ans 1987 la firma Lada aviá fach lo modèl de 4x4 Occitanie. Poiriam quitament somiar un jorn d'un ordinator ò d'un dentifrici amb un nom occitan. Seriá normalitat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari