Bandièra01 1180x150: Comuna de Tolosa

Actualitats

Ven de se publicar la Gramatica basica de l’aragonés

La gramatica l’a facha una comission de dotze membres de l’Estudi de Filologia Aragonesa que i an consagrat tres ans de trabalh

Palais de l'Aljafaria a Saragossa
Palais de l'Aljafaria a Saragossa | Willtron
Ven de se publicar la Gramatica basica de la lenga aragonesa, un obratge lingüistic de tria fach per l’Estudi de Filologia Aragonesa (EFA) e publicat per l’ostal d’edicion EDACAR, çò rapòrta Arredol. Aquel trabalh rigorós e menimós se pòt tanben consultar en linha.
 
L’EFA se creèt en 2006, coma resultat del IId Congrès de l’Aragonés. Après la proposicion ortografica de 2010, lo collectiu de lingüistas e especialistas de l’EFA prepausa ara aquela gramatica.
 
La gramatica l’a facha una comission de dotze membres de l’EFA qu’an consagrat tres ans de trabalh a alestir aquel libre d’aperaquí 400 paginas. Aquesta gramatica ven l’òbra de referéncia de caire general e basic que descriu, ordena e prioriza lo material lingüistic conegut de totas las varietats de la lenga actuala en continuitat amb la lenga istorica.
 
Dins l’avantdire d’aquela gramatica es indicat que l’òbra vòl pas descriure l’aragonés estandard —qu’es encara en formacion— mas cèrca d’èsser un tèxt sistematizat que permeta als locutors de cada varietat de l’identificar amb l’ensems de la lenga. Dins aquel sens, la Gramatica basica de l’aragonés conselha e desconselha cèrts usatges dins los registres pus formals de la lenga.
 
Après aquela primièra edicion, l’EFA amassarà las observacions del public per menar a bon tèrme una segonda edicion definitiva.
 
 
 
MARTÍNEZ CORTÉS, Juan Pablo et alii. Gramatica basica de l’aragonés. EDACAR, 2017. 376 paginas. Descargabla en linha.

 

abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
2.

Un aragonès polit que junt a l'occitan e lo catalan e las altras lengas latinas, servesca per comunicar-nos. Lo pont de las lengas latinas que servesca per la intercomprension entre las altras latinas mai lateralas.

  • 8
  • 0
Eugeni-lluis Vilassar de Mar
1.

granda novaĵo, ni devas fari ĉion eblan por ne maltrafi plu lingvojn.

  • 9
  • 0

Escriu un comentari sus aqueste article