Bandièra01 1180x150: Comuna de Tolosa

Actualitats

Provòcan per Twitter la crisi epileptica d’un jornalista critic a l’esgard de Trump

Lo jornalista e escrivan aviá dich publicament que patissiá l’epilepsia e qu’èra ipersensible a cèrtas estimulacions estridentas

La polícia federala dels Estats Units (FBI) arrestèt la setmana passada en Maryland un òme acusat d’aver mandat un imatge qu’aviá provocada la crisi epileptica del jornalista Kurt Eichenwald, de la revista Vanity Fair.
 
L’imatge èra un GIF animat que se mandèt via Twitter acompanhada d’un messatge qu’afirmava que Wichenwald meritava de patir una crisi per un article qu’aviá escrich. Las colors e la luminositat estridentas de l’imatge èra pensadas per provocar una reaccion neurologica del receptor.
 
Lo jornalista agarrit patiguèt sul pic una crisi epileptica. A mai, qualques minutas puèi, foguèt victima d’un accident vascular cerebral.
 
L’FBI a pogut detenir l’assalhidor après una enquèsta de tres meses. Son compte de Twitter es suspendut. Lo detengut es acusat de cibersecutament.
 
En mai d’aquò, un quarantenat de personas son tanben mesas en examen pr’amor que mandèron de messatges similars al jornalista, qualques jorns après la primièra ataca.
 
Pasmens, es pas lo primièr còp qu’Eichenwald es atacat aital. Lo jornalista e escrivan aviá dich publicament que patissiá l’epilepsia e qu’èra ipersensible a cèrtas estimulacions estridentas.
 
 
Criticat per Donald Trump
 
Quitament Donald Trump aviá criticat durament Kurt Wichenwald. Après qu’aqueste aguèt publicat en decembre passat un article critic a l’esgard del qu’ara es president dels Estats Units, Trump diguèt sus Twitter que Vanity Fair aviá d’edicions fòrça pauras.
 
L’article dins lo qual Wichenwald critica Trump se publiquèt a las meteissas datas que las agressions contra lo jornalista.
 
 
 




abonar los amics de Jornalet



 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
3.

Internet depen pas de la jurisdiccion del EEUU ni de cap altra estat.

  • 0
  • 0
lo punt de vista de Sirius
2.

#1 ieu ,nimai compreni pas trop aquest afaire. Amb un messatge internet n'i auriá pron per provocar una crisi d'epilespia, lo mau de la terra,qu'ei un de sei noms occitans, ? Un de meis amics en 1959 foguèt reformat encausa d'epilespia que volià pas anar far la guerra en Argeria, a luoc de laurar sei vinhas, que degun senon o auriá pogut faire. simulava de crisis de mau de la terra e bota, aquo èra pas facile ! aguèsse existit a l'epoca, benlèu qu'Internet li auriá poderosament ajudat !

  • 2
  • 0
lachaud
1.

L'òm compren pas tròp lo fin de l'afar. La fin de l'article laissa pensar que Trump seria a l'origina per aver solament criticat lo jornalisme?

La Batalha entre l'administracion Trump et una partida de l'elita politico-economic daus USA es una guerra vertadiera ente l'òm esita pas a utilisar las armas las mai modernes coma dins los polars d'autre còp.Qui ganhera la democracia o la mafia? Qui es du bon costat? Mesfiatz-vos de las informacions que venan daus medias. Son manipuladas.

  • 0
  • 0

Escriu un comentari sus aqueste article