Bandièra01 capçalera  1180x150: Novestivada

Actualitats

Google e Levi’s pòrtan las novèlas tecnologias als vestits

Tre la rintrada se poirà ja crompar la Jacquard Tag, çò es la vèsta intelligenta, per un prètz d’aperaquí 350 dolars

Après qualques annadas de trabalh, las societats Google e Levi’s an ben capitat de portar las novèlas tecnologias als vestits. Tre la rintrada, se poirà ja crompar la Jacquard Tag, çò es la vèsta intelligenta, per un prètz d’aperaquí 350 dolars.
 
Pensada mai que mai pels ciclistas, la vèsta permetrà de realizar aquelas foncions qiue se fan normalament amb lo telefòn intelligent, en tot desplaçar la man sus la marga esquèrra. Per tant, la vèsta presenta, sus sa marga esquèrra, una mena d’ecran tactil que permet de contrarotlar divèrsas foncions, e ten una aplicacion per los telefòns intelligents. Atal, en tot marchar se pòt contrarotlar lo volum de la musica escotada, demandar d’informacion sul transit, legir o escotar los messatges de tèxt o decidir de respondre a una telefonada.
 
La batariá se tròba dins la marga e se pòt tirar per èsser tornada cargar per un connector USB. A l’ora d’ara a una autonomia de dos jorns, mas an ja anonciat que dins l’avenir son autonomia serà pus longa.

 

 




abonar los amics de Jornalet



 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
4.

An pensat als pantalons cagador? Aital caldriá pas s'arretar per crecar un bartàs. Lo correires pissan sens davalar de bicicleta mas cagar o fan pas encara.

  • 1
  • 0
Lo raiòu Cevenas
3.

E d'aquel temps, nòstra planetada que chorra, malauteja, guerreja e se morís. L'avètz la rason per qué fasiá besonh que la diversitat umana lengatgièira, culturala amai la diversitat vegetala coma animala saguèsson simplificadas, apauridas, niveladas. Voldriáun menar plan-plan l'Òme a venir un robòt produseire de profièch per una minoritat mondiala reinanta. Mès pus simplament, faire de tot ce que viu aiçaval l'esclau d'una ponhadeta de malauts (au sens prumièr) que se saràn quilhats a la nautor de Diu. Pròva que los caludasses son pas a l'espitau siquiatric !

  • 1
  • 0
Aldous H. Brave New World
2.

Lo còp que ven, auretz pas mai besonh d'una Jacquerd Tag : vos ficaràn tota l'electronicalha dirèctament dins la pèl. Digatz-lor de m'i esperar pas… Soi plan tròp vièlh e conscient per m'encadenar amb tota aquela artifalha de necitge desesperant. Ma vèsta jamai aurà pas besonh d'èsser intelligenta mai que continue ieu longtemps de considerar qu'es a ieu-meteis d'èsser intelligent…

  • 3
  • 0
JP la becana desralhorvila
1.

Grandmarces per l’informaci’.

Sem per alhor d’esperar lu punt de vuda daus « occitan-istes » sus la politica de la becana o per veire mai grand dins la politica daus desplacaments, dau coma organisar los cantons demest los luòcs de vita, los luòcs per lu trabalh, los luòcs per far las porverci’s…
Van-t-ilhs continuar de desvelopar per lu plaser de bitumisar ?

Autradament per ne’n tornar au filmonet, non pas ‘bilhar lu becanor mai mai de technologia, ferian mielhs de ‘bilhar las ciutats de pistas e bandas ciclablas de qualitat.

JP B

  • 3
  • 0

Escriu un comentari sus aqueste article