Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaArmanhacVerdunés

Granada: demandan lo sosten popular per una Calandreta

Lo professor es engatjat e un quinzenat d’enfants son inscriches per la rintrada que ven, mas manca totjorn de locals

S’es enregat lo projècte d’una escòla Calandreta a Granada (Verdunés). L’associacion Los Amics de la Lenga d’Òc a ja trobat un ensenhaire e un quinzenat d’enfants i son inscriches per la rintrada que ven. Manca, totun, de trobar los locals. Dins aquel sens, an lançat una peticion en linha sus Change.org, adreiçada al cònsol màger e als abitants de Granada, per mostrar lo sosten popular a la Calandreta e reüssir d’aver de locals.
 
Las escòlas Calandreta, escampilhadas per tota Occitània, son d’escòlas laïcas e associativas qu’an un contracte amb l’Estat, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha, e los parents se pòdon engatjar dins lo projècte fins ont vòlgan. De mai, cada Calandreta a una estrecha relacion amb son entorn immediat, e aital la coneissença de la realitat pròcha e l’engatjament dels escolans amb l’entorn son plan nauts.
 
 
Sosten a la dobertura d’una Calandreta a Granada (Verdunés)
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
4.

#3 Picatz "petition calandreta grenade" e tombarètz sus la peticion.

  • 0
  • 0
Rocabrun Beau-Bassin
3.

#1 Vòli plan signar la peticion mas lo ligam marcha pas.

  • 0
  • 0
Arnau Tolosa
2.

I a tanben l'inoc Aquitània de demanda d'escriure al conselh departamental de Dordonha per demandar la senhalitica en lenga nòstra !

  • 1
  • 0
Pirolet
1.

Cal signar la peticion.

  • 2
  • 0

Escriu un comentari sus aqueste article