Bandièra01 1180x150: Comuna de Tolosa

Actualitats

Lo Parlament Europèu exigís la demission del president de l’Eurogrop

Lo neerlandés Dijsselbloem a refusat de comparéisser après criticar los païses del sud en disent que degalhan l’argent “en alcòl e en femnas”

Lo Parlament Europèu a exigit, a l’unanimitat, la demission del president de l’Eurogrop, Jeroen Dijsselbloem. Los dos grands grops politics de la cambra europèa, dont lo dels socialdemocratas que Dijsselbloem ne fa partida, exigiguèron diluns passat la demission del politician neerlandés après son refús de comparéisser en sesilha plenièra per donar d’explicacions sus la situacion en Grècia.
 
Lo president de l’Èurocambra, Antonio Tajani, se demandava se “seriá de bon esperar de qualqu’un qu’a demandat als europèus que fagan de sacrificis enòrmes, que sentiguèsse ara lo dever de respondre a lors representants”.
 
 
Dins los païses del sud se degalha l’agent “en alcòl e en femnas”
 
Fa gaire que Dijsselbloem foguèt tanben criticat durament per aver acusat los païses del sud de degalhar l’argent dins “de femnas e de vin”, e aver refusat de demandar perdon. Las paraulas polemicas las diguèt dins una entrevista publicada lo 20 de març dins lo jornal alemand Frankfurter Allgemeine:
 
“Durant la crisi de l’èuro, los païses del nòrd an fach mòstra de solidaritat amb los païses tocats per la crisi. En tant que socialdemocrata, acòrdi una importància excepcionala a la solidaritat. Mas avèm tanben d’obligacions. Pòdi pas despensar tot mon argent en alcòl e en femnas e puèi vos demandar d’ajuda”...

 


abonar los amics de Jornalet
 




 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Andrieu
6.

Encara un que pensa que las femnas o fan per la moneda.
Li cal rebecar : bica, bica, mascarada...
En mai d'aquò, es omofòf.. qu'a doblidat los òmes!

  • 7
  • 0
E Passa Que T Ai Vist Lo Clapàs (Montpelhièr)
5.

Lo mond segon Dijsselbloem : " Dins los païses del sud se degalha l’argent en alcòl e en femnas e dins los païses del nòrd bevem d'aiga e fasem sensa femnas ". Où, me damne...

  • 15
  • 0
Francesc Palma
4.

Segur qu' el deue ser un fornicador reprimit e un gató. Ha fait aquestas declaracions perque ja no li funciona qualque causa.

  • 7
  • 0
Pirolet
3.

#2 Mercé per las precisions. Ara los pòbles indians dins los ancians viceregnes de la corona de Castilha son pas estats eliminats de la mapa. De mond qu'a practicat lo genocidi, que d'indians Als Estats Unints ne demòra gaireben pus, an pas de leiçons a balhar sul sicut. E son de mond qu'an la meteissa morala que lo Dijssembloem.

  • 4
  • 0
artur quintana ifont La Codonyera (Aragon)
2.

Pirolet, los chaples que segèron a la 'descobèrta' d'America, foguèron pas faits per los espanhols, que a l'epòca existian pas, sinon per las gents de la Corona de Castelha (bascos, castelhans e galicians), mas non pas per los de la Corona d'Aragon (aragoneses, catalans, occitans e sards). Aquò vol pas dire que se los de la Corona d'Aragon aguèsson participat a la 'descobèrta' non auriàn pas fait los meteisses chaples. Segur que los auriàn faits tanben. E i a pas de lengenda negra: 'epanhola'. Lat tuarias se faguèron.

  • 4
  • 0

Escriu un comentari sus aqueste article