Actualitats
Corsega: protèsta reüssida contra un miting de Marine Le Pen
Los agents de seguretat se serviguèron de gas lacrimogèn per expulsar los manifestants, en daissant l’aire de la sala irrespirable
Marine Le Pen es pas estada tanpauc ben aculhida en Corsega. De manifestants antifaissitas e independentistas capitèron a destorbar lo miting de campanha del partit ultradrechista. Del temps qu’un centenat de personas passavan per las carrièras d’Aiaicciu amb lo lèma “I Fascisti Fora” (los faissistas defòra), d’autres èran dedins per geinar lo discors de Marine Le Pen, qu’assajava pasmens de seduire l’electorat insular en prometant lo raprochament dels prisonièrs politics còrses, vièlha revendicacion dels nacionalistas de Corsega. Alara, d’agents de seguretat expulsèron los manifestants de la sala jols crits e las injúrias del public. Per los expulsar se serviguèron de gases lacrimogèns, en rendent irrespirable l’aire de la sala que deguèt èsser evacuada.
E mai lo Front Nacional acusèsse d’en primièr la CGT e de “milícias d’extrèma esquèrra”, l’accion foguèt revendicada pel movement Ghjuventù Indipendentista (joventut independentista) dins un comunicat ont afirmavan que “lo pòble còrs se saupriá pas fondre dins lo pòble francés” mentre que manifestavan lor oposicion als “neofaissistas de França e d’endacòm mai”.
L’FN, partit que defend de valors ultradrechistas e ultrafrancistas, es pas jamai estat gaire benvengut en Corsega. Lo 28 de febrièr de 1992, de manifestants corsistas empedissián Jean-Marie Le Pen d’aterrar a Bastia. Aquela mobilizacion anullèt doncas lo miting del fondador del partit xenofòb e paire de Marine Le Pen. Paradoxalament, 20 ans puèi, aquesta obtenguèt lo 24,39 % dels vòtes a l'eleccion presidenciala.
La formacion independentista Corsica Libera, que fa partida del govèrn de l’illa, a manifestat son sosten a la protèsta, en qualificant l’FN de “partit francés anticòrs que son èx-lidèr aviá agut demandat la pena de mòrt per nòstres resistents, qualificats de «terroristas»”.
E mai lo Front Nacional acusèsse d’en primièr la CGT e de “milícias d’extrèma esquèrra”, l’accion foguèt revendicada pel movement Ghjuventù Indipendentista (joventut independentista) dins un comunicat ont afirmavan que “lo pòble còrs se saupriá pas fondre dins lo pòble francés” mentre que manifestavan lor oposicion als “neofaissistas de França e d’endacòm mai”.
Incident au meeting de Marine Le Pen à Ajaccio: des militants indépendantistes évacués de la salle. Bagarre. pic.twitter.com/A8NfWFHVxj
— Dominique Albertini (@dom_albertini) 8 d’abril de 2017
L’FN, partit que defend de valors ultradrechistas e ultrafrancistas, es pas jamai estat gaire benvengut en Corsega. Lo 28 de febrièr de 1992, de manifestants corsistas empedissián Jean-Marie Le Pen d’aterrar a Bastia. Aquela mobilizacion anullèt doncas lo miting del fondador del partit xenofòb e paire de Marine Le Pen. Paradoxalament, 20 ans puèi, aquesta obtenguèt lo 24,39 % dels vòtes a l'eleccion presidenciala.
Solidarité aux militants indipendentista ghjuventu #MLPAjacciopic.twitter.com/pDCrtAsF4f
— U_ribellu_Corsu2A (@u_ribellu_corsu) 8 d’abril de 2017
La formacion independentista Corsica Libera, que fa partida del govèrn de l’illa, a manifestat son sosten a la protèsta, en qualificant l’FN de “partit francés anticòrs que son èx-lidèr aviá agut demandat la pena de mòrt per nòstres resistents, qualificats de «terroristas»”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal pas anar a sos actes a escridassar-los. Deissar-los que digan çò que pensan, no tenen pas cap idea bona. Que se la patria, que se s'ha de gastar mai en la despesa militara. Ara ben, l'esquerra ha de voler reconeisser las lengas de França, ha de reconeisser que l'Europa dels mercaders és dolenta per los treballadors e per la classa mietja e fins e tot alta. Solament los bancs privats son els beneficiaris del que rauban dels diners públics. Demanan los banc privats diners als governs de dretas e aprés los tornan pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari