Bandièra01 1180x150: Comuna de Tolosa

Actualitats

Alidé Sans e Paulin Courtial en concèrt a Nòva York

La cantadora aranesa e lo guitarrista roergàs seràn los protagonistas d’una serada occitana lo 22 d’abril que ven, dins l’encastre de la fèsta internacionala de Sant Jòrdi

Alidé Sans e Paulin Courtial faràn un concèrt a Nòva York lo 22 d’abril que ven dins l’encastre de las activitats culturalas e literàrias de la fèsta de Sant Jòrdi. L’eveniment se tendrà dins la sala Red Room del KGB Bar, e seràn acompanhats dels poètas Pierre Joris e Nicole Peyrafitte dins l’encastre d’una serada occitana. L’intrada es gratuita.
 
A l’entorn de la fèsta de Sant Jòrdi, se ten l’eveniment nomenat #BooksAndRoses (de libres e de ròsas) que pòrta la cultura catalana per tota la planeta. Pasmens, lo Conselh de la Diplomacia de Catalonha (DIPLOCAT) a decidit ongan de far conéisser la lenga e la cultura occitanas a Nòva York. Los organizaires de l’eveniment dins aquela ciutat estatsunidenca son la Farragut Fund e lo Catalan Institute of America, amb lo sosten de DIPLOCAT e de l’Institut Ramon Llull.
 
La fèsta de Sant Jòrdi es pas solament lo jorn internacional del libre, mas sustot una jornada fòrça especiala en Catalonha, que nòstre país fraire s’emplís de taulièrs de libres, d’escrivans que signan e de mond que s’ofrisson un libre e una ròsa en tot festejar lo jorn de l’amor e revendicar la cultura. Aquela jornada se seguís fòrça en Occitània.
 
 
 
 
22 d’abril de 2017
21h-23h Aranese-Occitan Night (amb los musicians Alidé Sans e Paulin Courtial, e los poètas Pierre Joris e Nicole Peyrafitte)
Red Room KGB Bar,
85 E 4th St, New York, NY
 
 
abonar los amics de Jornalet
 




 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lou Reed New York City
6.

Ali des sens ? Halliday Sens ? Ah lied essence ? Aürosament qu'existissan rèires-rèires salas d'escurs bars perduts d'andronas desconegudas nova-iorquèsas per faire fantasmar una ponhada d'occitans al Grand Ser d'Occitània.

  • 40
  • 15
Pirolet
5.

#1 Es que la gojata vos a mandat pàisser? Ane, un pauc de pipòl: o volèm saupre tot.

  • 16
  • 19
Ferran Garrigàs
4.

Una cantant i artista amb molt de talent i de molta categoria, amb un directe de molta força! Estic, a més, que cada cop serà més reconeguda. I moltes gràcies, Nicolau Rei Bèthvéder, per penjar tants vídeos seus a Youtube. M'ha permès conèixer millor la seva trajectòria!

  • 14
  • 0
Emmanuèl Isopet
3.

#1 Pff, vaquí un comentari d'un coratjós anonim. Probable qu'es el meteis un artista occitan desconegut que son sòmi es de s'anar produire dins lo mendre recanton de reire-sala de New-York, mas qu'o pòt pas, pr'amor qu'es tròp umil e discret (probable) e tròp aimable e benvolent (levat amb los autres artistas occitans, solide).
Rrrra ! Anatz-i Paulin e Alidé ! Portatz naut las colors de la cançon en occitan ! De musica ! De musica ! Per ausir pas los tristes-còrs que se prautisson lo bonur que podrián aver.

  • 24
  • 26
Nicolau Rei Bèthvéder Sent Lis
2.

#1 S'amagar darrèr l'anonimat entà criticar ua artista ei un acte escussèr e lamentable. Conegui Alidé Sans dumpèi 2012 e a pas un "caboç", com ac disètz, e ei pas tanpauc auturosa.
Coma pròva, vos cau saber que trabalhèc a gratis per de seradas de sosteng a escòlas bilinguas occitanas e qu'au son retorn de Nava York, dambe Manu Isopet, vengueràn, a gratis encara, hèr un concèrt de sosteng dambe los escolans d'occitan de l'Isla de Baish entau projècte de viatge de rescontre deus immigrats gascon a NYC.
Poderèi multiplicar los exemples de l'altruisme d'aquesta gojata.
Vergonha a vos !

  • 23
  • 22

Escriu un comentari sus aqueste article