Actualitats
Los jutges demandan que se lève l’immunitat de Marine Le Pen
La demanda dels magistrats se coneguèt divendres quand mancava a pena una setmana pel primièr torn de l’eleccion presidenciala
Los jutges del pòl financièr de París, cargats de l’enquèsta suls assistents parlamentaris del Front Nacional, redigiguèron lo 29 e lo 30 de març doas demandas de levada de l’immunitat per las eurodeputadas Marine Le Pen e Marie-Christine Boutonnet, segon çò que raportèt divendres passat France Inter.
La demanda dels magistrats se coneguèt quand mancava a pena una setmana pel primièr torn de l’eleccion presidenciala, que Le Pen i es una dels candidats favorits per passar al segond torn.
La candidata del Front Nacional a l’eleccion presidenciala foguèt convocada pels jutges d’instruccion, en vista d’una possibla mesa en examen, dins l’enquèsta sus la sospiècha d’emplecs fictius dels assistents del Front Nacional al Parlament Europèu. Mas ela se serviguèt de son immunitat per far saber que se i rendriá pas.
En mai d’aquò, la justícia francesa es a enquestar tanben sul finançament de sas campanhas precedentas e la difusion de cèrts messatges sus Twitter que mòstran d’imatges violents de l’Estat Islamic.
Menaça los jutges
A mai, lo 28 de febrièr passat, Le Pen menacèt los jutges en cas que ganhèsse l’eleccion presidenciala. “Vòli dire als foncionaris, a qui un personal politic aculat demanda d’utilizar los poders de l’estat per susvelhar los opausants, d’organizar a lor encontre de persecucions, de còps tòrts, o de cabalas d’estat, de s’engardar de participar a de derivas aitalas. Dins qualques setmanas, aquel poder politic serà estat escobat per l’eleccion. Mas sos foncionaris, eles, deuràn assumir lo pes d’aqueles metòdes illegals. Meton en jòc lor pròpria responsabilitat. L’estat que volem serà patriòta”, çò diguèt.
La demanda dels magistrats se coneguèt quand mancava a pena una setmana pel primièr torn de l’eleccion presidenciala, que Le Pen i es una dels candidats favorits per passar al segond torn.
La candidata del Front Nacional a l’eleccion presidenciala foguèt convocada pels jutges d’instruccion, en vista d’una possibla mesa en examen, dins l’enquèsta sus la sospiècha d’emplecs fictius dels assistents del Front Nacional al Parlament Europèu. Mas ela se serviguèt de son immunitat per far saber que se i rendriá pas.
En mai d’aquò, la justícia francesa es a enquestar tanben sul finançament de sas campanhas precedentas e la difusion de cèrts messatges sus Twitter que mòstran d’imatges violents de l’Estat Islamic.
Menaça los jutges
A mai, lo 28 de febrièr passat, Le Pen menacèt los jutges en cas que ganhèsse l’eleccion presidenciala. “Vòli dire als foncionaris, a qui un personal politic aculat demanda d’utilizar los poders de l’estat per susvelhar los opausants, d’organizar a lor encontre de persecucions, de còps tòrts, o de cabalas d’estat, de s’engardar de participar a de derivas aitalas. Dins qualques setmanas, aquel poder politic serà estat escobat per l’eleccion. Mas sos foncionaris, eles, deuràn assumir lo pes d’aqueles metòdes illegals. Meton en jòc lor pròpria responsabilitat. L’estat que volem serà patriòta”, çò diguèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
El mes bo i normal, es que algú amb tendències fixistes no es pugués presentar candidatura a res.
Com seria el cas.
Si ho fa, alguna cosa falla, si te vots encara mes.
Visca la Terra...Lliure!
L'Ernest, "El Tàrrega".
Cal que la jutgen e li fassan pagar tot lo que ha fait contra los d'Drets de Home, totas sas fachistadas !
#1 En mai de pas "sirius", complotista. E que vos servissi un còp de gabinet negre? A! escusatz! Es qu'amb l'Hollande i a pas pus de gabinet negre. Vos'n faguètz pas: amb lo blau marina a l'Elisèu aurètz la polícia vestida de negre per vos acivadar per carrièra.
marine le Pen a rason de s'elevar contra leis afaires montats per Hollande per lei descreditar, ela e Filhon, es una deriçva de la justicia,;que son de centenas de deputats dempuei 30 ans qu'an comes de taus delictes e perqué dos soncament an agut fach l'objècte d'enculpacions ? Tota la carretada o ren !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari