Actualitats
Lo Conselh General d’Aran cedís qualques documents a l’Acadèmia Julien Sacaze de Luishon per una exposicion
L’exposicion sus l’òbra del pireneïsta Maurice Gourdon se tendrà a Luishon, Lorda, Nantas, Arties e Lhèida. Sa version en lenga occitana se poirà veire solament quand serà en Aran
Lo Conselh General d’Aran a signat un acòrdi amb l’Acadèmia Julien Sacaze de Luishon, ont l’institucion aranesa suprèma cedís qualques documents per una exposicion monografica sus la vida e e l’òbra de Maurice Gourdon, qu’aquela acadèmia organiza. L’exposicion se poirà vesitar a Luishon (Luishonés), puèi al musèu de Lorda (Lavedan), pus tard a Nantas (Bretanha) e fin finala se poirà veire en Aran. E mai l’exposicion se faga majoritàriament en territòri occitan, es solament quand arribarà a Arties (Val d’Aran) que serà traducha en lenga del país. Pus tard, l’exposicion viatjarà fins a Lhèida.
Maurice Gourdon nasquèt a Nantas en 1847, mas èra plan jove quand s’installèt dins los Pirenèus gascons, d’en primièr a Luishon e puèi en Aran. Èra geològ, dessenhaire, pintre e litograf e daissèt de centenats de documents, mai que mai de dessenhs. Son òbra se sèrva mai que mai dins lo Musèu del País de Luishon. Mas lo Conselh General d’Aran crompèt l’òbra de Gourdon que concernís lo país de cap de Garona; se tròba dins l’Archiu General d’Aran.
Gourdon foguèt tanben un dels primièrs fotografes dels Pirenèus e es un referent cultural tant en Comenge coma en Aran, e pertot dins los Pirenèus.
Maurice Gourdon nasquèt a Nantas en 1847, mas èra plan jove quand s’installèt dins los Pirenèus gascons, d’en primièr a Luishon e puèi en Aran. Èra geològ, dessenhaire, pintre e litograf e daissèt de centenats de documents, mai que mai de dessenhs. Son òbra se sèrva mai que mai dins lo Musèu del País de Luishon. Mas lo Conselh General d’Aran crompèt l’òbra de Gourdon que concernís lo país de cap de Garona; se tròba dins l’Archiu General d’Aran.
Gourdon foguèt tanben un dels primièrs fotografes dels Pirenèus e es un referent cultural tant en Comenge coma en Aran, e pertot dins los Pirenèus.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal revelhar la gent que pot far que l'exposicion sia en occitan, car los Pireneus son pus occitans que altra causa. Mas la proxima vegada qu' es fassan aquestas col·laboracions demanar que sia en Oc.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari