Bandièra01 capçalera  1180x150: Novestivada

Actualitats

Dijòus que ven, Jornalet festejarà a Barcelona son cinquen anniversari

L’eveniment es aculhit per la Direccion Generala de la Politica Lingüistica de la Generalitat de Catalonha, e en aquesta escasença se presentarà l’espòt publicitari, lo libre d’estil e lo modèl de lenga del mèdia

Dins l’eveniment se presentarà l’espòt fach a prepaus d’aqueste cinquen anniversari
Dins l’eveniment se presentarà l’espòt fach a prepaus d’aqueste cinquen anniversari
Barcelona aculhirà dijòus que ven, 27 d’abril, la tresena “assemblada dels legeires de Jornalet” d’ongan dins l’encastre de la celebracion dels cinc ans d’aqueste mèdia, nascut lo 31 de març de 2012. En aquesta ocasion, l’eveniment es aculhit per la Direccion Generala de la Politica Lingüistica de la Generalitat de Catalonha.
 
Se i presentarà lo Libre d’estil de Jornalet, los modèls dels usatges lingüistics de jornal e l’espòt promocional a l’ocasion de son cinquen anniversari. A l’eveniment seràn presents Ester Franquesa, Directritz Generala de la Politica Lingüistica de la Generalitat de Catalonha; Gerard Joan Barceló, corrector de Jornalet; Pau Ricart, creatiu qu’a realizat l’espòt publicitari; Thiago Mòri, editor del Libre d’estil, e Ferriòl Macip, capredactor de Jornalet.
 
L’eveniment se tendrà lo dijòus 27 d’abril a 18 oras dins la Sala dels Actes del Departament de Cultura de la Generalitat de Catalonha, Palais Marc, Rambla 8, Barcelona. Sètz pregats de confirmar vòstra preséncia a l’adreiça electronica dgpl.cultura(a)gencat.cat o al telefòn +34 935 671 081.

 

 
Festejar lo cinquen anniversari per tot lo país
 
Ongan, la còla de Jornalet vòl ben festejar son cinquen anniversari. Per ansin, avèm previstas divèrsas assembladas de legeires de Jornalet a travèrs d'Occitània tota per tal de nos rescontrar, conversar, nos conéisser personalament, amassar d’idèas, de suggestions, de proposicions de melhorament e tot çò que caldrà per far en sòrta que Jornalet siá un jornal de totes e per totes.
 
Sèm conscients que lo prètzfach es grand e que las ressorsas son escarsas, mas esperam de rompre los clichats e los complèxes amb l’ajuda de totes. Sèm pas perfièches e es plan segur que fasèm d’errors. Esperam alavetz que nos ajudaretz a nos melhorar amb vòstres comentaris, criticas e contribucions. Fasètz-vos vòstre lo Jornalet perque lo Jornalet es de totes.
 
 
E puèi Besièrs e Narbona
 
La primièra assemblada de legeires de Jornalet d’ongan se tenguèt a Carcassona l’8 de febrièr passat, e après a Marselha lo 24 de març. Seguiràn de reünions e presentacions al CIRDÒC de Besièrs lo 12 de mai e a l’Ostal d’Occitània de Narbona lo 18 de mai.
 
 
1r de julhet: fèsta occitana a Barcelona amb Goulamas’K
 
En mai d’aquò, es prevista una fèsta occitana amb de concèrts per festejar l’anniversari de Jornalet a Barcelona lo 1r de julhet. L’eveniment se tendrà al Centre Artisanal Tradicinàrius e i aurà un cors d’iniciacion a l’occitan per catalanofòns, un sopar frairal, un balèti occitan a la carga de Kaj Tiel Plu e un concertàs de Goulamàs’K.
 
 
Convidatz-nos a venir en çò vòstre
 
En mai d’aquò, voldriam èsser presents per Occitània tota, de Medoc a Ròia e d’Aran a Borbonés. Fasèm doncas una crida a totes los que vòlgan organizar una assemblada de legeires de Jornalet. Solament cal organizar un rescontre, e s’es possible amb una velhada, e nos ofrir un lièch per dormir una nuèch. Escrivètz a info(a)jornalet.com e nos metrem d’acòrdi pel luòc e la data.
 
 
 
Anniversari de Jornalet
Dijòus 27 d’abril 18h00
Sala dels Actes del Departament de Cultura de la Generalitat de Catalonha
Palais Marc
Rambla 8, Barcelona
Sètz pregats de confirmar vòstra preséncia a l’adreiça electronica dgpl.cultura(a)gencat.cat o al telefòn +34 935 671 081.

 
Editorial del 1r de genièr: 2017: tota una annada per festejar lo cinquen anniversari de Jornalet.
 
 



 
 
abonar los amics de Jornalet
 




 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
4.

Òsca, Ferriòl! Fas un brave trabalh! Lo Jornalet nos fa bravament mestièr!
Legeires, per butar a la ròda, cal mandar sa contribicion, escricha e en moneda tanben, encara que siaga modèsta.

  • 4
  • 0
Francesc Palma
3.

Visca Jornalet que és l'únic que permet de dire lo que pensam tant en política coma en la defensa de las nostras culturas fraires catalana e occitana. Esperi que lo CAOC estiga informat e paticipi als actes.

  • 5
  • 0
Guilhèm Thomas Tolosa
2.

Coma es de mòda me demandavi se la còla de Jornalet podiá pas faire un olograma per èsser dins occitània tota l'encòp ? :D

  • 7
  • 0
farfaneta Nimes
1.

Bon anniversari e òsca per lo jornalet que nos dona la possibilitat, cada jorn, de descubrir una informacion objectiva e rica !

  • 12
  • 0

Escriu un comentari sus aqueste article